منوره يا حنونتى ومبروك التوقيع الجميل تستاهلى كل خير حبيبتى
منى انا مش ناويه اخزن الا ورق العنب خصوصا فى اول موسمه بيبقى احلى بكتير وفكرة القرع العسلى مع المنجا دى جديده جربتيها ولا لأ وهل الطعم بيتغير اما تخلطيهم مع بعض ولا مش فارق ؟؟
ام زوما ممكن طريقة كيكة اللمون شكلها جميل ماشاء الله
منوره يا حنونتى ومبروك التوقيع الجميل تستاهلى كل خير حبيبتى
منى انا مش ناويه اخزن الا ورق العنب...
انا بقى التفريز عندى طول السنة مش لرمضان بس
التوم الطرى بيبقى فى اول ابريل انا باجيبه مفروم جاهز ومتعبى فى اكياس وجوة كيسين تلاتة عشان الريحة وباحطه فى الديب فريزر واطلع الكيس افضيه فى برطمان صلصة واشيله فى فريزر التلاجة كده بيبقى اريح كتير
الخرشوف مالناش فيه بس ممكن تلاقيه متنظف جاهز فى ميدان الجامع
ورق العنب الاحسن تخزنيه دلوقتى بيبقى احلى ورقته ناعمة وفاتحة انا جايبة الكيلو ب7ونصف وباشيله زى ماهو من غير سلق ارصه فوق بعض والفه بالبلاستيك الكلينج فيلم
القرع ماعرفش امتى الموسم بتاعه انا فعلاكنت سمعت ان محلات العصير بيحطوه على المانجا طبعا عشان يوفروا وكمان معروف ان قيمته الغذائية عالية جدا اشتريته واحدة من حوالى سنتين وقشرتها وقطعتها وسلقتها وعبيتها فى اكياس فى الفريزر بس بكميات صغيرة فى الكيس ولما اعمل عصير مانجا اطلع كيس من ده على ده واخلطه مش بيبان طعمه خالص كانها مانجا صافى بس يبقى القرع ربع كمية المانجا اوتلتها بالكتير بس ماعملتوش تانى لانه تقشيره وتقطيعه صعب بس انتى فكرتينى بيه ان شاء الله ادور عليه واجيبه
التوت عمرى مافرزته ممكن تعمليه عصير
طبعا فرزت بسلة من حوالى شهرين
وكمان فرزت جزر مكعبات مع البسلة وجزر مبشور لانى باحب احطه على اكلات كتير وكمان سلقت حلقات جزر عشان احطه على عصير البرتقال وخزنت برتقال بصرة اللى هو من غير بذر قشرته وقطعته وعبيته فى اكياس