ماشاء الله ... لاقوة الابالله
جمعت لكم كل طرق طبخ الأرز عشان يسهل عليكم تلقونها
وفي بعضها تطبيق للبنات مع وضع روابطهم
اتمنى وفقت بهذا الملف الأول
الصياديه بالسمك
نغسل السمك ونفركه بالليمون والخل
نغسله ونحطه بقدر فيه ماي ونضيف عليه كمون دارسين وهيل بودره ومسمار وملح وثوم وشويه زيت زيتون اوزيت عادي
نحط القدر على النار ونترك السمك يستوي وينضج زين بس لاتتركينه مده طويله يتفتت السمك
نحمر مقدار كبير من البصل ويكون مقطع شرايح
نحط البصل في الخلاط ونضيف عليه من ماي سلق السمك ونخلطهم
هذي شكل البصل بعد الخلط
ونصبه في القدر ونشيل السمك
نتبل السمك بالطحين
ونقليه بالزيت الحار
لغاية مايحمر السمك
في هذي الوقت نضيف الرز في القدر
واكيد لازم نراعي يكون الماي ارفع من الرز ب 1ونص سم ونضيف قرنين من الفلفل الحار
نتركه يطبخ لين يشرب مايته
وطي النار تحت القدر وتركيه يتسبك على نار هاديه وبعدين أغرفيه وزينيه بالبصل المحمر
ماقلت لكم سهله
وريحتها ولاصارت
وطعمها خيال
وعليكم ستين عافيه