نضيف البهارات والثوم على الدجاج
سلقنا الرز بالماي والملح والزيت وصفيناه ونضيفه على الدجاج
رشيت عليه من بودره صفار الزعفران هذي الخطوه من عندي وصبيت عليه شوية زيت
في خطوة صورتها بس حسافه ماادري وين اختفت الصورة
بعد ماتحطين الرز تحضرين جمره ونحطها بوسط قشرة البصل
ونحطها على الرز ونصب عليها شوية زيت وعلى طول
نكتم الدخان ونغطي القدر ونتركه على نار هاديه
هلحين نغرفه ( ننشبه )
وبالعافيه عليكم ودعواتكم لي ولأم حرنكش
العيش المدلل رهيب من مطبخي ........
دجاجة مسلوقة بماء وملح وبهارات صحيحة
هيل +فلفل أسود+دارسين+ورق غار+ قرنفل
ونفتتها قطع صغيرة(مع الإحتفاظ بماء السلق)
بصل مفروم
فلفل بارد مقطع مربعات صغيرة
جزرمقطع مربعات صغيرة
ثوم مبشور
علبة قشطة
3 ملاعق طعام مايونيز
2 ملعقة جبن سائل
ملح + فلفل أسود
كمون + كركم
علبتين كريمه حامضه مخفوقه
الطريقة
حطي شوية ثوم في القدر وضيفي عليه شوية زيت بعدين حطي الرز
المغسول والمصفى من الماي وحطي عليه شبت مفروم وحركيه
صبي عليه ماي سلق الدجاج واحتفظي بمقدار كاس واحد من المرقة
تركيه يغلي لغاية مايشرب المرق وقصري على النار
حمري البصل وحطي عليه الفلفل والجزر والثوم والدجاج المفتت
والبهارات ومكعبين ماجي وقلبهم مع بعض
جيبي الصينيه وحطي طبقة رز وفوقها طبقة الحشو كله وبعدين الرز
أخلطي القشطة والجبن والمايونيز والكريمة الحامضة وضيفي عليها
كاس المرق في الخلاط وصبيهم على وجة الصينيه ودخليه الفرن لين يحمر
وتشمين ريحته واصل عندج للصاله
بالعافية على قلوبكم
تم بحمد الله الملف الثاني والى اللقاء في الملف المقبل بأذن الله
الصفحة الأخيرة
بالعافيه
زريبان ام حرنكش
نشوف المقادير والطريقه بالشرح بالصور
نقطع الدجاجه ارباع ونظفيها بطريقتج
نقطع البصل شرايح
ونقطع البطاطس قطع كبيره
نحمر البصل بالزيت
نحط عليه الدجاج والبطاطس
ونقلبهم على بعض يعني نحمرهم شي بسيط
نصب عليهم ماي بهالشكل وتركيه يطبخ لين يستوي ويقل الماي ويصير بهالشكل
نحضر البهارات مثل القرفه والهيل والكمون والفلفل الاسود والملح والثوم