نهي ممكن تعمل غير الافكار الي البنات ادوهالك كبدة بانية او فراخ بانية وبطاطس محمرة

ممكن اسبرينج رولز وسمبوسة حشوات مختلفة جبنه بطاطس خضار

عاية طريقه لعمل القرع العسلي ده وكمان عايزة طريقه عمايل الخرشوف

عيزة كمان طريقه كيكه اسفنجيه او جاتوه

وكمان انا عملت الكبه لما طلعت روحى نفس المقادير وجمدتها في الفريزر وزيت غزيروكله كله وبردو بتفك ايه الحل

انا فعلا متشكره اوي اوي اوي يا دون علي الرد المفصل الجميل ده

انا كنت فقدت الامل و بعدين قلت اما ادخل و اشوف ايه الاخبار لقيت الرد الجميل بتاعك منور الصفحة

فأنا اسفه علي تأخير الشكر
جزاك الله خيرا

الخرشوف يا ام شهاب
انا بجيب المجمد بتاع بسمة او مونتانا بحطه وهو مجمد فى مية مغليه 10 دقايق وفيها رشة بسيطة ملح وبعدين اطلعه
بكون مجهزة لحمة معصجة وفى ناس بتحط مع اللحمة صلصة وبكون محضرة شوية جزر وفلفل رومى وطماطم متقطعين صغير جدا جدا واخلطهم بالاللحمة اللى هحطها على الخرشوف
كل واحده خرشوف بتبقى زى الطبق هاتى طبق بايركس او صينية تدخل الفرن ورصى الخرشوف فيها وحطى على كل واحده خلطة اللحمة على قد حجمها وبعد ما تخلصى تكونى ضاربة طماطماية فى الخلاط خدى بالمعلقة ورشى على وش كل خرشوفايه ولو عندك بشامل برضه حطى معلقة على وش كل واحده ورشى عليها جبنة شيدر او رومى او موتزريلا مبشورة ودخليها الفرن 10 دقايق وممكن تولعى الشواية عليها بس وش الخرشوف اللى جاى عليه البشامل او الطماطم يحمر وقوليلى رأيك بقى
انا لما بعمله اول حاجه بتخلص على الاكل
بالنسبة للكبة انا قلتلك من الاول لازم ماكنة للكبة بتيجى ضمن قطع الخلاط انا جربت قبلك وفشلت فشل ذريع وكنت هعيط قدام الزيت وانا شايفة تعبى فيها عمال يتفتح ويتفرول فى الزيت:(