ســــجى الليل :

طريقة عمل المقلوبه بالتفصيل 1 بتنجان رومي متوسطه – 1 بطاطس كبيره – 2 كوسا متوسطه (اختياري) – 2 بصله كبيره – 4 طماطم متوسطه – 2 كوب رز – نص كيلو لحمه . ملاحظه : المقادير دي تقريبيه يعني اللي عاوز يزود في حاجه أو يقلل منها عادي على حسب هوا بيحب ايه اكتر فيها . تغسلي اللحمه وتضعيها في الحله وتحطي عليها ماء ولما تغلي الميه واتطلع الزفاره تشيليها وتقومي حاطه عليها بصله متقطعه وحب هان حب وفلفل اسود حب وورق لاورو وتسيبيها على نار هاديه لغاية ما تستوي وقبل ما تستوي تقومي ضايفه الملح ومظبطاه حسب المذاق . تصفي الشوربه من البصل والتوابل وتخلي اللحمه في طبق على جنب . تقطعي البتنجان والكوسا شرايح بالطول سمكها 1 سم أو اقل والبطاطس تقطعيها بالعرض دوائر بس تتخنيها شويه صغننه علشان متتكسرش . بعد كده تقومي قلياهم بالتتابع وترصصيهم على ورق مطبخ علشان يمتص الزيت وتحطيهم على جنب وتحطي بعديهم البصل في نفس الزيت متقطع شرايح وتشوحيه على نار عاليه لغايه ما تحسي انه طري شويه وبردك تنزليه على ورق مطبخ . تاخدي الطماطم وتقطعيها مربعات متوسطه وتشوحيها شويه على النار في حله وتضيفي عليها البصل اللي عملناه وتقلبيهم شويه مع بعض وتسيبيهم يتسبكو بتاع خمس دقايق وتقومي ضايفه عليهم كوبايتين شوربه من اللحمه اللي سلقتيها وملح وفلفل اسود وتسيبيهم على نار هاديه لغايه ما تلاقي لون الشوربه اتغير وبقى محمر من الطماطم يعني بتاع ربع ساعه كده . تقلبي الرز في شوية زيت من الزيت اللي قلينا فيه لغاية ما تنشف ميته تماما وتقومي حاطه عليه الشوربه (فقط) بتاعت البصل والطماطم من غير البصل والطماطم لغاية ما تغمره وما تعلاش عنه ولو حسيتي انها ما كفتش كملي من مرقة اللحمه وتضيفي نص معلقه صغيره كركم (اختياري للون فقط) وسيبي الرز على نار هاديه جدا لغاية ما يستوي نص سوا . تجيبي الحله اللي حتعملي فيها المقلوبه وتحطي في قعرها دوائر طماطم رقيقه وبعد كده ترصص البتنجان والكوسا والبطاطس واللحمه متلخبطين يعني مش ضروري الترتيب وترشي بينهم صلصة البصل والطماطم وبعدين تحطي على الرز رشة ملح وشوية فلفل اسود وتحطيه على الخضار واللحمه اللي رصتيهم واتجيبي كوب ونص شوربه الى كوبين عليها رشه ملح وفلفل اسود وتضيفيها عليهم ولو عاوزه تعرفي مقدار الشوربه صح تميلي حله المقلوبه بزاوية 45 درجه لو لقيتي الشوربه وصلت لغاية الرز يبقى كده صح لو لقيتي لسه يبقى تزويدي شوربه , وتظبطي الملح . تحطي الحله الأول على نار عاديه ولما تسمعي صوتها ابتدى يغلي اوبتطلع من الوش بخار توطي عليها وتسيبيها على نار هاديه لمدة نص ساعه تقريبا ويمكن اكتر وعلشان تعرفي انها استوت تعرفي ده من الرز لما يستوي يبقى خلاص تطفي عليها وتحطي في بالك انك لما حتسيبي المقلوبه متغطيه شويه الرز حيستوي كمان من البخار المتصاعد . ملاحظة : ما تقلبيش المقلوبه وهيا سخنه جدا علشان تنزل قالب واحد يعني تبقي مجهزاها مثلا قبل ما تقلبيها بساعه او ساعه ونص . اللي عاوز اي استفسار انا موجوده بالهنا والشفا

طريقة عمل المقلوبه بالتفصيل 1 بتنجان رومي متوسطه – 1 بطاطس كبيره – 2 كوسا متوسطه (اختياري) –...

don :

طبق خفيف بالقرع العسلى المقادير: كيلو قرع عسلى +1/2 كيلو سكر+م ك كريمة لبانى+2 ك بشاميل (عليهم 2 م كسكر)+فانيليا – زبيب – قرفة – مكسرات الطريقة قشرى القرع العسلى وقطعية فطع صغيرة ورشية بنص كيلو السكر اتركية لمدة ساعتين . ثم ضعية على النار مع التقليب لحد مايستوى صفية من الماء اللى حيظهر عندك ضعى معلقتين السكر على البشاميل و الكريمة اللبانى وقلبيهم مع بعض كويس ضعى القرع العسلى فى كؤس التقديم او اطباق صغيرة وضعى على وش كل طبق الكريمة المخلوطة بالبشاميل ثم ضعى القرفة والزبيب وممكن مكسرات ناعمة حسب الرغبة القرع العسل بالباشميل المقادير: 2 قرع عسلى +4 ك سكر (حسب الرغبة)+5 م ك سمن + 4 م ك دقيق+ك حليب+3م ك جوز هند+ مكسرات الطريقة: جيبي قرعتين او حسب الكميه قولي لو اربهع اشخاص بجيب قرعتين وسط وطبعا باشرهم واشيل كل اللب واقطعهم مكعبات متوسط يعني لا صغيرة ولا كبيره اكبر من مكعبات السكر شويه المهم بعد ما اقطعهم بغسلهم واحطهم على مصفي المهم ميكنش فيهم اي ميه خالص بعد مينشفوا بحط مكعبات القرعتين في حله عميق واحطلها حوالي كيلو سكر او اربع كبايات حسب مذاقك وتسيبها على النار وكل شويه تقلبيها لحد متستوي بالسكر ومتحطيش اي ميه خالص لانه اساسا بينزل مايه-بيبتدي ينزل يته القرع قدامك حلين اما متسوعيش القرع لما يتهري وتخدي شويه تعمليهم زي الخشاف يعني تحطي شويه في الكاس بتاع التاديم وتكوني عامله مهلبيه تحطي شويه فوق وتسيبيه يبرد وبيبقه ظريف او تكملي بقه كل بالباشميل زي ما هقولك- انا بسيب القرع لما يتهري على النار وبعدين بجيب مصفى كبيره بحط القرع فيها وبينز طبعا ميه كتير جدا وهي ميه القرع وبتكون مسكرة المهم انا باخد ميه القرع وبعمل بيها الباشميل بجيب حله تانيه اضع فيها حوالي نصف قالب زيده يعني مثلا 5 معالق سمنه او اكتر وبحط حوالي 4 معالق دقيق ده طبعا لان الكميه بتكون كبيره المهم بعمله بنفس طريقه الباشميل العادي بس انا بحمر الدقيق مع الذبده وابتدي اضيف من ميه القرع + مع حليب عادي او بودر انا بصراحه بحط بودر نيدو على ميه القرع وابتدي اجطه شويه شويه على الدقيق بعد تحميرة بس طبعا انا مبحبش اضيف سكر فيه لاني اساسا ضايفا فوق القرع حسب رغبتك كده خلاص عملت الباشميل على جنب خلاص ابتدي اروح للقرع الي في المصفه اجيب صنيه مدورة وطبعا انا بحط جوز هند واخلطه مع القرع الي اساسا انا هرسته في المصفة وببتدي اخلط معا مثلا 3 معالق جوز هند مع التقليب بحط شويه بشميل في الصنيه من تحت وبعدين انا بحط القرع كله مع شويه مكسرات وبخلطهم بحواب 4 معالق باشميل مخفف عن الي ححطه على الوش وبخلطه مع القرع كله وبفرده في الصنيه وبعدين احط الباقي الباشميل التقيل من فوق وتحطيه فى الفرن

طبق خفيف بالقرع العسلى المقادير: كيلو قرع عسلى +1/2 كيلو سكر+م ك كريمة لبانى+2 ك بشاميل (عليهم...

don :

المقــــــلوبـــــة المقادير: كيلو لحمة ضانى او كندوز صغير مقطعة قطع متوسطة+كيلو بزنجان رومى (اللى هو مكبب)+بصلة متوسطة - ملح -فلفل - بهارات +- 3كوب ارز الطريقة: نضع الحلة على النار وفيها ملعقة كبيرة سمن و بصلة متوسطة مبشورة لحد ما تصفر نضع فصين مستكة و فصين حبهان لحد ما ريحتهم تطلع نضع قطع اللحمة ون نقلبها تقليبتين كويس و بعدين تروحى حطة ماء مغطى اللحمة لحد ما تستوى (طبعا تشيلى بالمعلقة الريم اللى بيطلع اللى بتلاقية لونه بنى )و ملح و فلفل و شوية بهارات قشرى البزنجان و قطعية اما شرائح بالطول او دوائر تخينة و رشى علية رشة ملح (علشان ما يشربش زيت كتير )اقلية فى الزيت و طلعية على مصفاة او على الورق الماص اغسلى الارز و صفية طبعا من مايته هاتى الحلة الواسعه اللى حتعملى فيها المقلوبة و ضعى اول طبقة من البزنجان غطى بيها القاع وبعدين حطى فوقها طبقة من الارز و بعدين طبقة لحمة و بعدين رصى البزنجان وبعدين طبقة اللحمة التانية وبعدين باقى الارز وبعدين تروحى صبة الشوربة بتاعة اللحمة اللى استوت فيها لحد ما تغطى الارز بحوالى 2 سم وخلية على النار لحد ماتغلى ويبدأ الرز يشرب الشوربة وعندما تقل الشوربة يترك على نار هادئة حتى ينضج نفس طريقة سوى الارز العادية بعد ما يستوى. و جة ميعاد الاكل افتحى الغطاء من على الحلة و اضغطى قوى بالمعلقة على وش الارز علشان و انتى بتقلبية ما يبظ منك و ينزل مظبوط فوق بعض و حطى سيرفيس مدور اللى حتقدمى فية المقلوبة على الحلة من فوق و بالراحة خالص اقلبى الحلة من تحت لفوق وسيبيها شوية على الترابيزة على نفس الحال و تفضل الحلة مقلوبة على المقدار ما تشيليهاش شوية بتاع دقائق عند التقديم شيلى الحلة من فوق السيرفيس حتلاقى شكلها جميل ملحوظة : ممكن تتعمل بفرخة بدل اللحمه بس تكونى مسوياها 3/4 سوى وممكن تتعمل من غير فراخ و لا لحملة . وممكن تتعمل بالعصاج

المقــــــلوبـــــة المقادير: كيلو لحمة ضانى او كندوز صغير مقطعة قطع متوسطة+كيلو بزنجان رومى...

la rosa :

يابنات عايزة حد يحطلى طريقة السينابون بس تكونو مجربينها وطالعة فعلا حلوة وزى القطنة وهشة معاكو وخصوصا الدريسنج اللى على الوش لانى دورت بلاقى اختراعات فى الدريسنج الابيض اللى بيتحط انا عايزة الاصلى بيتعمل ازاى وبعدين لما نبقى نزبطه نبقى نخترع فيه

يابنات عايزة حد يحطلى طريقة السينابون بس تكونو مجربينها وطالعة فعلا حلوة وزى القطنة وهشة معاكو...