كنت فاكرة اقوللكم على طريقة فراخ حلوة وهتعجب الأطفال

بانيه فراخ
جبنة رومي مبشورة
زيتون اسود حلقات
ممكن مشروم اختياري

اغسلي البانيه كويس وتبليه بالفلفل الأسود وبدون ملح الا اذا كنتي بتحبي الأكل ملحه زيادة
افردي حتة البانيه على ايديكي وحطي فيها على طرفها شوية رومي مبشورة مع زيتون ممشروم او بدون ولفيها رول وبعدين تبليها في البيض والبقسماط واقليها واطمنوا مش بتفك في القلية وممكن لو خايفة تشبكيها بخلة

يا واد يا نورا على السلطة الجامدة حلوة فكرة الخيار دي قولي بالتفصل ازاى الجبنة مع الكريمة

ام شهاب

في السلطات اديها شامي على طول هم اجدع مننا في السلطات مع شوية مخلل بلدي طبعا وليمون معصفر علة زيتون مخلل تشكيلة

يعني اعملي تبولة وفتوش وتومية وبابا غنوج وزبادي

جميله طريقه الفراخ المشطشه بتاعتك يا فطومة نفسي أعملها بس انا مقدرش علي الشطه شكلها شهي جداً
اللي هجربها فعلاً بتاعة البانية بس مش للأطفال اممممم
ليا أنا جوزي أعملها علي العشا كده أ‘تقد هتكون ظريفه

بالهنا والشفا مقدما يا شيمو

الفراخ مشطشطة فعلا بس على فكرة انا كنت باشيل البصل نها واكلها لياسمين مش بتبقى حراقة قوي والطعم لسة موجود

فاطمه دى نفس طريقه الكوردن بلو بس من غير سلامى بس كدا أخف بكتير .
أنا بعمل فيليه الفراخ بطريقه سهله جداً بغسله و أتبله بالبصل المبشور و التوم و بعدين أرصه فى صينيه معاه مكعبات الطماطم و الفلفل الألوان و رشة التوابل مدوباها و ربع كوباية ميه و على الوش 2 معلقه زيت ذرة و على الفرن على طول و جنبها بعمل بطاطس بقطعها مكعبات و أسلقها فى ميه و كركم و فلفل أسود و بعدين أصفيها و أهرسها بالشوكه و أفردها فى بيركس و على وشها معلقتين فريش كريم أو قشطه أو زبده و على الفرن تاخد جراتان بتبقى روعه و الطرقتين دول أحسن لأنهم بيقللوا نسبه الدهون فى الأكل يعنى لو قليتى الفيليه شوفى كمية الزيت قد إيه و كذلك البطاطس دا غير إنهم تغيير عن المألوف.الأكله دى بتاخد بالظبط نص ساعه .