نورا

أنا آسفة جدا والله اصلي عمالة ادور على طريقة البسكوت بالكراميل مش لاقياها والله دورت كتير عندي اصلي لما وصفة بتعجبني باحفظ الصفحة في المفضلة بس يظهر اني مسحتها

عامة انا فاكراها بس مش قوي ممكن دينا تبقى تصلح لي
هى 3 طبقات
اول طبقة
بسكوت اى نوع واطحنيه في المطحنة كويس قوي وبعدين اعجنيه بمعلقتين سمنة سايحة وافرديه في طبق التقديم
الطبقة التانية
الكراميل: كوب سكر خشن وسيحيه على النار لحد ما يبقى لونه ذهبي استمري في التقليب ما يهمكيش لو تقل وبعدين مع التقليب تضيفي له علبة ويبنج جهينة الربع كيلو كوب يعني وقلبي كويس لما يدوبوا في بعض صبيه فوق البسكوت وافرديه دي تاني طبقة
ثالث طبقة لما يبرد تماما الكراميل
وهى دي الي مش فاكراها كويس بس كانت عبارة عن كوب لبن حليب ودوبت فيها 100 جرام شيكولاتة خام ولما دابوا كويس مع التقليب ضفت لهم كوب كاكاو وقلبت لما لفت شوية ضفت لها 2 بيضة وقلبتها كويس وطفيت عليها وتصبيها فوق الكراميل البارد وتفرديها وبعدين تجمليها فوق الوش مكسرات مفرومة

اعتقد اني قلت تالت طبقة صح بس برضه هادور لك تاني اصلها موجودة كمان في ملفات دينا القديمة

افتكرت اننا بنحلي اللبن بحوالي ربع كوب سكر او نصف حسب ذوقك بقى

طريقة البيتى فور دى معتمداها عندى من الكتاب اللى قلتلكم عليه و بيطلع تحفه جربوا و إدعولى .
د/ رشا بصى إنتى بتنضفيهم عادى و ربنا معاكى لأنهم بياخدوا وقت و مجهود و بعدين بتحطيهم يتصفوا كويس قوى و بعدين تقسميهم فى أكياس حسب الكميه اللى بتحتاجيها و تحطيها فى الفريزر . و عندى نصيحه لكل اللى بيحب يحفظ حاجه فى الفريزر الأكياس خلوها مبططه مش مكلكعه أولاً عشان لما تحتاجيها تفك بسرعه و كمان متاخدش مكان فى الفريزر .

ها ها ها ها
أنا فرحانه اني عرفت أضيف حاجة علي سفرتك ها ها ها ها
و إنتي بتكليه بقي أفتكرني و كل شوية قولي الصبر يارب الصبر يارب هههههههه
:7_5_131::7_5_131::7_5_131:

ام ياسين مش قلتي لي بعد ما اعمل الصلصة ابقى اخد منها بالمعلقة وادوبها زى الصلصة الجاهزة؟