أم أبيها74 :

بصي يا شيماء شوربة السمك مش اعرفها لكن اعرف شوربة الجمبري والسي فود ينفع؟ بصي هاتي جمبري صغير اللي هو بيكون متقشر هاتي ربع كيلو على قدك انتي وجوزك وربع برضه كاليماري مقطع مربعات وممكن تستغني عنه خلينا في حاجة واحدة علشان انتي لسة في الأول يبقى ربع كيلو جمبري مقشر صغير بصلة متوسطة مبشورة عودين كرفس عودين كزبرة خضرا جزرةو مبشورة معلقة توم مهروس عصير ليمونتين او حسب ما تحبي مكعب ماجي معلقة دقيق فلفلة رومي احمر واخضر او واحدة بس دبلي البصلة في شوية زيت على النار ولما تدبل تحطي عليها الدقيق وتقلبي كويس كويس خالص علشان طعم الدقيق مش يبان في الأكل وبعدين الجمبري وتقلبيه طبعا بعد ما تغسليه كويس قلبيه على النار تقلبتين مع البصلة والدقيق وتروحي ضايفة التوم وتقلبي كويس وبعدين تضيفي الجزرة المبشورة وتقلبي كويس وبعدين الفلل تكوني مقطعاه مربعات صغيرة وبعدي تضيفي حوالي كوبين مية واتركيهم يغلي لما يغلي غلوتين تضيفي مكعب الماجي وتقلبي واتركيه يغلي على نار هادية ولو احتجتي تاني مية حطي بس نص كوباية وقبل ما تطفي عليه بعد ما يستوي بدقيقتين مثلا تروحي حاجة ورق عيدان الكرفس والكزبرة (الورق فقط ما تقطعيش العيدان) وتطفي وتعصري الليمون على الشوربة وبالهنا والشفا

بصي يا شيماء شوربة السمك مش اعرفها لكن اعرف شوربة الجمبري والسي فود ينفع؟ بصي هاتي جمبري...