المكرونة بالبشاميل يا دوندون
وبالنسبة للى أنا بعملها والله مش فاكرة كل مرة حد يقولى حاجة شكل أعملها مرة عملتها من غير بيض ومرة بالبيض والبشاميل دايماً بيكون معايا تخين مش عارفة ليه والمكرونة مفرفته من بعضها مش ماسكة نفسها خالص أحترت والله يادوندون مش عارفة أعملها أزاى
ضرووووووووووووووورى

للرفع

على فكره ياسهام
لو جربتى الازانيا حتطلقى المكرونه بالباشميل بالتلاته
هيا بنت عمها علطول بس على احلى
اقولك بقى من خلال تجربتى المتواضعه مشاكلك مع المكرونه ليه
اولا بتفرفر من بعضها ( ياعينى بقيت استاذه مصلطحات طبيخيه):42:
المهم عشان بتشطفيها بعد السلق ودا بيخلى النشا ينزل ومتلزقش ف بعضها
واحنا مش عوزينها كدا الا فى حاله المكرونه العاديه وممكن تكونى مش بتسليقها كويس

الباشميل بيكون تخين لما تزودى الدقيق وبيكون شكله مش حلو فى الفرد
جربى الجاهز اسرع بس بصراحه مش احلى من البيتى
مش كدا ابله دينا موفقانى فى الحته دى والا مش جربتى الجاهز؟
انا كنت بدوق بتاع ماما البيتى الذ كتير بس كانت بتحط شوربه ولبن على الدقيق

شوفتى بقيت شملوله ازاى وبساعدك :icon28:


عوزه اقولكم حاجه
انا كنت حريفة بيتزا وعلطول كنت بعملها قبل الجواز وبعده
بس بما انى اتنفخت بيتزات وفاست فود عمرى ماحتجن فى عقلى وافكر اعمل بيتزا فى البيت
هنا بيتزا هت ملهاش حل بجد واللى بالجمبرى وااااااو
والعجينه التخينه احلى اللى محشيه جبنه من الحرف
يميميميم
جعت
الله يرحمك يارجيم

سهام عندك فى توقيع ابله دينا طريقة المكرونه بالتفصيل الممل
شوفيه لو مش فهمتى حاجه تعالى اسأليها

انا بطبع الوصفات اللى عوزها او مستعصيه على الفهم واخدها البيت طبعت بتاعة تشويح الفرخه دى عشان احفظ واسمع على البتوجاز
بعد عنك فهمى بطئ

المكرونة بالبشاميل (دون)
اولا طريقة عمل العصاج[ نص كيلو لحمة مفرومة _ بصلة متوسطة مفرومة ناعم _ملح فلفل اسود _2 ملعقة كبيرة سمن _ بهارات لحمة
***اضع السمن على النار الى ان يسخن ثم اضع البصل الى ان يصفر ثم اضع اللحمة المفرومة و اقلب واحدة واحدة بالمعلقة الى ان تستوى و يصبح لونها بنى اتبلها و اقلب ثم اشيلها من على النار .( اذا كنت عايزة العصاج بالصلصة اضيف للحمة على النار 2 ملعقة كبيرة صلصة طماطم و نص كوب ماء و اخليها تيتوى و تتسبك)
ثانيا طريقة عمل البشاميل 3 ملعقة كبيرة سمن _2 ملعقة كبيرة دقيق_ حليب -ملح فلفل-_ 2 بيضة مضروبة بالشوكة _ ملعقة كبيرة قشطة
***اعمل البشاميل احسن فى حاجة غويطة اضع السمن على النار الى ان يسيح
اضع الدقيق على نار هادية و اقلب تقليبة بسرعة
ابدء بالراحة انزل الحليب الدافى بايدى الشمال و ايدى اليمين عمالة تقلب بسرعة بحركة دائرية و هكذا الى ان اصل بالبشاميل الى التخن اللى انا عيزاة اضع التوابل و البيض و اقلب تقليبة ثم اضع القشطة و اطفى النار و اقلب تقليبة
صينية المكرونة بالبشاميل بشاميل كيس مكرونة فرن (ريجينا )_ 2 بيضة مضروبين بالشوكة_ و عليهم رشة ملح و فلفل_ 3ملعقة كبيرة جبنة رومى مبشورة
اسلق المكرونة فى ماء مغلى مع زرة ملح و ملعقة زيت
اصفيها من ماء السلق و اشطفها كويس بالماء البارد واصفيها فى المصفاة
احضر صينية و ادهنها بشاميل مش سمنة
اضع البيض المضروب على المكرونة و اخلط بايدى كويس
ثم اضع بشاميل على المكرونة و الجبنة المبشورة و اقلب اقلب المكرونة لحد بالنظر لما الاقيها كلها فيها بشاميل كويس
اضع نص المكرونة فى الصينية و اسوية كويس ثم اضع العصاج اللى يصلصة و اسويه كويس ثم اضع باقى المكرونه و اسويها ثم اضع بشاميل على الوجة و افردة و اسوية كويس ثم ارش على الوش ملعقة كبيرة جبنة مبشورة و بيضة مضروبة ادخلها فرن متوسط الحرارة لحد ما تستوى و وشها حيحمر
وممكن برضة لما تطلع من الفرن تغطى الصينية حتلا قيها طريت و بالهنا و الشفا