خلاص ان شاء الله هجرب الشامى الاول عشان اسهل ولو نجح معايا هتشجع واعمل الفينو بس ادعو جوزى يحن على ويصلحلى الفرن

إن شاء الله يا نورا جوزك يصلحلك الفرن

و أنا إن شاء الله هاحاول اعمل العيش الفينو ده عشان اجرب طريقة رانيا اصلى انا بحب التوست اوى و جوزى كمان بيحب العيش الفينو ربنا يسهل و يطلع حلو بأمر الله

ازيكم جميعا
ام ملك عمرو الحمد لله احسن كتير
سمسمة ازيك و الف مبروك معلش ماعرفتش ارد علكي مش فاضية خالص

دينا و نورا و رانيا انا عملت الاتي بالحاجا اللي كانت عندي
اللحمة المفرومة عملت منها صينية مكرونة بالباشاميل
و عملت فراخ بانيه
و عملت صينية فراخ بالبصل زي ما قولتيلي يا رانيا
و عملت صينية فراخ و معاها بطاطس و جزر في الفرن
و عملت صينية بروكلي في الفرن و معاهم رز طبعا
و كان عندي سوسيس عملت بيه فطاير علشان الفطار

و بس كله الحمد لله اتعمل في حوالي 3 ساعات

على فكرة انا لما بيبقى عندي كسكسي فايض باعمله على الفطار بالتفاح و الزبيب بيطلع روعة
باحط في طاسة معلقتين مارجريتا و اكون مقشرة التفاح و مقطعاه و احطه يدبل شوية في الطاسة و بعدين احط عليه الزبيب و اقلبهم فترة لحد الزبيب ما يحمر شوية
و اروح حاطة عليه الكسكسي و السكر و اقلب على النار شوية و بس
بيبقى طعمه حلو اوي و ساعات باعمل الكسكسي مخصوص علشان الموضوع ده

شوفوا الرابط ده
http://forum.hawaaworld.com/showthread.php?t=1180764