معلش انا موضحتش انا بقصد فى اسفنجة الخميرة على الفينو والتوست انه معملش كده حط الخميرة على باقى المكونات على طول وقال بس لو خميرة طازة هى اللى بتتحط تخمر مع مية وسكروزيت ربع ساعة قبل ما نحطها على المكونات لكن لو خميرة جافة اللى هى الحبيبات بتتحط على طول

وعلى العيش الشامى بسالك ايه الفكرة انك بتعمليه على البوتاجاز من فوق وبتسيبيه يخمر قد ايه قبل ما تسويه؟ والطاسة بتبقى مفيهاش زيت ولا حاجه خالص؟

طب انتى ليه مصممه تعملى العيش يانوار
مفيه خمس تلاف نوع هنا
اسود وابيض وانتو اتنين استهلاكو ايه يعنى؟

لان جوزى مبيحبش عيش السوق يا اسماء بيقول بيحطولو خميرة كتير عشان يخمر بسرعة ومبيستنوش عليه هبيبقى مش حلو وبيبوظ بسرعة
وغير كده انا بحب التوست موت ولو على هاكل منه كل يوم
وبحس انى لو عملت العيش بالذات فى البيت هبقى زى الستات الشاطرة بتاعة زمان

اوكي فهمت
اولا هي مساله اراء شخصيه يعني انا جربت اعمل الفينو بالطريقه العاديه اللي هي كله علي بعضه مره واحده زي اسامه السيد مثلا او زي كتير هنا في المنتدي بس النتيجه كانت بتبقي حلوه بس مش زي الجاهز و انا طبعي كده اني معرفش اعمل حاجه حلوه بس لاؤ لازم اعملها زي الجاهز فلقيت الطريقه بتاعه الاسفنجه دي اصلا طريقه اجنبي لاني مشتركه في كزا موقع لعمل العيش اجنبي و قريت كتير في الموضوع ده و لقيت فعلا فرق شااااااااااااااااااااسع بطريقه الاسفنجه الفينو زي الجاهز و يقعد عندي في التلاجه و اول ما اسخنه 10 ثواني يرجع زي الاول و مش بيفرول يعني بصراحه مريحاني النتيجه


العيش الشامي بقي اسرع كتييير انك تعمليها علي الطاسه التيفال اولا في ثواني بتسخن و مش باحط زيت و لا اي حاجه اتاكد بس انها سخنت و احط الرغيف و اقلبه و هي تقريبا قلبتين تلاقيه اتنفخ و خلاص
اسرع بالنسبه لي علشان الوقت لكن بالفرن عادي لان واحده صاحيتي هنا فلسطينيه بتعمله في الفرن
و انا باعجن كله علي بعضه و باستخدم خميره فوريه و اسيبه يخمر مثلا ساعه بالكتير و مش باسيبه يخمر تاني لاؤ خلاص اقطعه كور و افردها و انا واقفه و مسخنه الطاسه و في السريع

اسماء
العيش من اسهل الحاجات اللي لو اتقنتيها فعلا هتبطلي تجيبي من بره
اولا هتخدمي العيش بتاعك يعني انا باحط بيض و لبن و زبده علي التوست و الفينو
العيش الشامي بيطلع فعلا احلي من اللي في مصر و برضه بازود عليه لبن علشان القيمه الغزاءيه للولاد
و بعدين هتلاقي 300 نوع عيش و سهل انك تعمليهم في البيت اسرع و اوفر
و حاجه تانيه باحس اني هبله و انا باقولها لاي حد من اصحابي اني فعلا باحب ريحه العيش المخبوز في البيت ريحه مش طبيعيه باحس بانتعاش كده و انا عارفه اني حالتي صعبه علي راء اختي