طبيخ اللبن او الشاكريه

تسلقي اللحمه عادي ويا ريت تكون لحمه ضاني وتبقى مرقتها مش كتير علشان تبقى مركزه وتدي طعم يعني يتبقى عندك بعد السلق كده بتاع كوبايتين مرقه ولازم اللحمه تستوي كويس علشان اللبن بيشدها من حموضته ...
تجيبي كيلو لبن (لبن زبادي ) وتنزليه من المصفا في حله علشان يبقى متجانس و بعدين تقومي جايبه معلقة نشا كبيره تدوبيهم في شوية ميه ودرس توم مهروس وبيضه تخفقيها وتحطي عليها نقطتين خل علشان الزفاره ...وتحطي النشا والتوم والبيض على اللبن وتحطي الحله على النار وتفضلي تحركي انا بحركه بخفاقة البيض (مضرب السلك ) لو حتسيبيه على نار عاليه يبقى التحريك مستمر ولو حتوطي النار يبقى التحريك من وقت للتاني وتفضلي على كده لغاية ما يبتدي اللبن يطلع فقاقيع وتحسي انه تخن شويه زي المهلبيه كده
في هذه الاثنا ء بتبقي جبتي بصلايه كبيره وقطعتيها جوانح وقلبتيها في شويه زيت لغاية ما تتطرى خالص و لو ما طريتش معاكي ضيفيلها شوية مرقه وغطيها بس المهم لونها ما يتغيرش ويحمر وتجيبي كمان نص كوب حمص مستوي ...
بعد ما تستوي اللحمه تاخدي كوباية مرقه من سلق اللحمه وتضيفيها للبن المطبوخ اللي كان لسه بيطلع فقاقيع (كمية المرقه بتعتمد على التخانه اللي انتي عاوزاها يعني لو عاوزاه ما يبقاش تخين زودي في الرقه شويه ) وتقومي حاطه البصلايه والحمص على اللبن وكذلك قطع اللحمه وتسيبيهم شويه يغلوا مع بعض بتاع خمس دقايق او اقل وتظبتي الملح ده لو حسيتي انه محتاج وتتبلي بالفلفل الابيض وتكوني جايبه توم مدقوق (مهروس يعني ) وفي الطاسه مع شوية زيت تقلبي وقبل ما يتغير لونها تقومي حطاه على طبيخ اللبن تسيبيه يغلي غلوتين وتطفي وبس على كده وفي ناس بتحط مع التوم نعناع ناشف ( بودره يعني تطحن النعناع الناشف ) او كزبره ناشفه مطحونه بس انا مش بحط علشان متغيرش الطعم وبالهنا والشفا
جنب اللبن لازم يا اما رز ابيض يا اما رز اصفر والرز الابيض انا بعمله بالنسبه ل 2 كوب باني انقعه لغاية ما لونه يبقى ابيض وبعدين احص معلقتين زيت شوية زبده واحط الرز بعد ما اصفيه وافضل اقلبه على نار عاليه لغاية ما يفك عن بعضه والحبايه تنشف واحط كوب ماء ثم كوب مرقه يغطوا الرز بنص سنتي واظبط الملح واغطي والنار عاليه ولما يغلي وتخف المايه شويه انوس النار لغاية ما يستوي
وبالنسبه للرز الاصفر احنا بنسميه رز قدره واكله مشهور جدا عندنا ولذيذه وخاصه لو اتحط الرز في قدر من الفخار واطبخ في فرن بلدي بالحطب يعني لو عاوزيني احطلكم طريقته اوكي

اي استفسار يا جماعه اتفضلوا انا موجوده

روزا

الباف بيستري هي الميل في

الكلوجوز شفته مع الشيف الزجاجه تشبه بتاعة المحلول بتاع المستشفيات

بس تقيل يشبه الحلاوه بس ابيض ولو ما لقيتيه استعملي شربات تقيل بس ده بيبقي فيه لامعه زياده

ودقيق الذره بيكون مرسوم علي العبوه كوز ذره او مكتوب عليه كورن فلور

يا بنات لوسمحتو

لو في حد بيعمل هريسة الذره


يكتبلي المقادير والطريقه

بس ياريت تكون مجربه

ايوه فعلا البسبوسه بطريقة ابله دينا تحفه يا نهى وطريه جداااااااااااااا
انا ادمنتها خلاص


بنات الله يخليكم لو حد هنا يقولى قبل ماروح
ازاى افرق بين لاسبانخ والسلق الخضرا
انا اشتريتها امبارح وعوزه اروح اعملها بس مش واثقه اذا كانت سبانخ والا لأ ربنا يستر

وتتعمل ازاى طبيخ عادى بصله وصلصه وكدا والا ليها طريقه تخلى طعم المزازه بتاعتها تبان وتبقى احلى؟؟

انصحك يانورا غيرى كارفور اللى يجيب الضغط دا
بضاعته محدوده ومش بتتغير وحجات كتير اوى مش بنلقاها فيه
جربى روحى الجمعيه او اللولو وسفير حتلقى حجات غير ومنوعه جدا