كتكوتة كتكوتة :

مى انا باتبل البفتيك زى العادى بصل وملح وفلفل اسود وليمون وتسبيه فى التلاجة مدة لا تقل عن ساعتين بعد كده ترصيه مفرود فى صينية او مقلاة تيفال وعليه رشة زيت وفصين هيل و2 قرنفل (اختيارى) وتسبيه على النار لما ينزل ميته توطى عليه وتقلبيه من وقت للتانى لحد ما يستوى ويتحمر من الجانبين وبالهنا والشفا

مى انا باتبل البفتيك زى العادى بصل وملح وفلفل اسود وليمون وتسبيه فى التلاجة مدة لا تقل عن ساعتين...

أم ملك مجدي :

ممكن أقولكم طريقتي في الرنجة انا كمان تحطي علي الكيلو ربع ك طحينة وحزمة بقدونس وحزمة بصل أخضر مقطع صغير جدا كامل وليمون وزيت وقرن فلفل أخضر حامي وعشرة زيتون أسود مقطع وتهرس كلها مع بعضها وتضاف للرنجة وتهرس جيدا طبعا حزمة بقدونس مصري لأن في الخليج الحزمة كبيرة جدا عن مصر وبالهنا والشفا

ممكن أقولكم طريقتي في الرنجة انا كمان تحطي علي الكيلو ربع ك طحينة وحزمة بقدونس وحزمة بصل أخضر...

أم ياسين :

وصفات الرنجه 1- رنجه بالصلصه بخلى الرنجه من الجلد و الشوك و أفصصها قطع صغيره و بجيب كام فص توم أدقهم و أحمرهم فى الزيت و أطفيهم بمعلقة خل كبيرة و أكون مجهزه طماطم مقطعه مكعبات و أحطها عليهم و أقلب و ممكن أزود معلقتين تلاته ميه بس لغايه الطماطم ماتطرى أحط الرنجه عليها و أضيف كمون و شطه حسب الرغبه ( أنا عن نفسى بخليها ناااار )و بالهنا و الشفا . 2- الرنجه بالطحينه بخلى الرنجه من الجلد و الشوك و أفصصها قطع صغيره و أجيب الطحينه أدوبها بمعلقتين خل و زيت و أقطع كسبرة خضرا و أقلبهم و أضيف عليهم الرنجه و بالهنا و الشفا . 3- سلطة الرنجه بخلى الرنجه من الجلد و الشوك و أفصصها قطع صغيره و بقطع مكعبات طماطم و خيار و بصل و البقدونس و عليهم معلقة خل و معلقة ليمون و زيت و أضيف الرنجه و أقلبهم و بالهنا و الشفا . 4- سلطة الرنجه 2 بخلى الرنجه من الجلد و الشوك و أفصصها قطع صغيره و بقطع مكعبات طماطم و خيار و بصل و البقدونس و مكرونه صغيرة مسلوقه و بدل الخل بحط معلقتين مايونيز و معلقة زيت و بالهنا و الشفا .بتبقى قريبه من سلطة التونه بس طبعا من غير زيتون . طبعاً بيراعى عدم إضافة الملح و التقليل من الليمون . و أى سؤال تحت أمركم .

وصفات الرنجه 1- رنجه بالصلصه بخلى الرنجه من الجلد و الشوك و أفصصها قطع صغيره و بجيب كام فص توم...

eng_yoyo :

كاسات الفرولة كنت عملت الكاسات دم برنامج الحلويا ت اللي أبلة دينا بتجين منة وصفات في الملف بتعها بس جميل قوي و ممكن تعملوة الاجازة دي القدار بيعمل 3 كاسات مقادير الكريم 150 جم عصير فرولة مثلجة يعني ساقعة قوي مش من الفريزر يعي 100 جم كريم شانتية مقادير الصوص 100 جم عصير فرولة 100 جم سكر لعمل الصوص نضع العصير علي السكر علي النار لحد لما يغلي 3 دقائق كدة و بس و نسيبة لما يبرد لعمل الكريم نضرب الكريم شانتية البودرة مع العصير الفرولة نضع في الكاسات في القاع ملعقة صوص - بارد طابعا - ثم بالقمع طبقة كريم لحد لما يبقي بالشكل دا و ممكن تزينة بالفاكهة و كل سنة و انتم طيبيين

كاسات الفرولة كنت عملت الكاسات دم برنامج الحلويا ت اللي أبلة دينا بتجين منة وصفات في الملف...