أنا زعلانة جامد محدش رد علي يعني طالما أبلة دينا مش فاضية محدش يعبرني ؟؟

الله يسامحكم

لا متزعليش
بصي أنا بحب الفتي زي عنيا
بس مش هافتيلك ومالك في المدينة
ان شاء الله نورا ترد عليكي (بدبسك يا نورا:D معلش اتهريتي اسئلة النهاردة)
لأاني معرفش

أضحكك يا أم نودة أنا كنت بدورلك علي رد في موقع تاني لاقيتك سألتي نفس السؤال هناك فكدة معرفش
بس يارب البنات يفيدوكي أو أم عزيزان تفيدك هناك

أضحك الله سنك يا أم ملك أنا لما ما لقيتش حد عبرني هنا قلت أسأل أم عزيزان في موضوع الكيك بتاعها

أنا أصلا لسه عارفة موقعها النهاردة

متشكرة قوي إنك عبرتيني يارب حد تاني يرد علي

انا اسفه والله يا ام نودة النهاردة كله كنت مشغولة تماما خارج البيت والله لكن برضه مرضتش انام الا لما ارد عليكى دلوقتى الساعه 3 صباحا



بصى يا ام نودة بالنسبة للكيكة علشان تبقى مظبوطة معاكى كل مرة اعمليها بالوزن يعنى كل المقادير اللى تحطيها تكون نفس وزن البيض .... ازاى ؟؟ يعنى مثلا لو حتعملى كيكة 5 بيضات طبعا وزن البيضة الواحدة بيكون 50 ج يبقى تضربى ال50 ج فى ال5 بيضات يطلعوا 250 يبقى باقى المقادير كلها تكون زى بعض 250 ج والطريقه دى موجودة بالصور فى الملف . بالنسبة للكيكة بتاعتك انا شايفه ان مقاديرها مش مظبوطة :35: اولا السكر كتير قوى بالنسبة لل5 بيضات يعنى يكون بس من كوب لكوب ونص بس والكيكة بالذبدة بتبقى احلى من السمنة (جربيها كدة ) والفانيليا كتير قوى 5 ورقات لانها كدة حتلسع خلى بالك ...وبالنسبة لكمية الحليب كتير قوى كوبيتين ؟؟؟؟؟؟؟ سواء الحليب او البرتقال بيبقى كافى قوى من نص كوب لكوب للمقدار بتاعك ....بصى يا ام نودة اذا كانت الكيكة دى بتطلع معاكى حلوة وانتوا بتحبوها يبقى بعد ماتعمليها وتدخليها الفرن وتقرب تستوى ب 5 دقايق هاتى ورقة فويل وادهنى وش واحد فيها بس بالفرشاة بذبدة قليلة يعنى يادوب مسح وتغطى قالب الكيكة بيها بس تكون الذبدة ناحية الكيكة من جوة وتقفلى باب الفرن وتتركيها من 5 ل عشر دقايق ودى حتخلى وشها يمسك وميلزقش وبالنسبة لضرب الكيكة بيفضل ضرب المادة الدهنية الاول مع السكر لحد ما اونه يبيض وبعدين تضيفى البيض وتضربى كويس وبعدين الدقيق بالتبادل مع السائل المستخدم .. بصى اللى يعجبك يا اما تجربيها تانى بطريقتك وتغطيها قبل السوى زى ما قلتلك او تعمليها بوزن البيض او اكتبلك طريقه كيكة وتجربيها وتقوليلى اية الاخبار وبالنسبة للفرن لازم تكونى مشغلاه قبل وضع الكيك ولما تضعى الكيك متوطيش الفرن من الاول المفروض اول من ربع لتلت ساعه يكون الفرن على درجة الحرارة المطلوبة وبعد ماتعلى الكيكة (بعد حوالى تلت ساعه ) تهدى الفرن شوية لحد ماتستوى
بالنسبة للسويسرول سهل جدا ودايما بيكون ناجح وبيفضل انك تعمليه بصينية السويسرول المستطيلة وبيكون ارتفاعها داير ما يدور 2 سم لكن الصينية العادية مش حتديجى نفس النتيجة انا منتظرة اى سؤال حتى لو مش فاهمه حاجة اسئلى زى ما انتى عايزة ومتقلقيش مش مطنش الرد ابدا ولو بس اتاخرت بيبقى غظب عنى والله




بصى يا ام ملك زى نورا ما قالتلك مش بيفضل تثليج الاكل مرة تانية بعد ما يفك من الثلج المفروض انك لما تشترية وقبل ما تدخليه الفريزر انك تقسمية الاول او تتبليه وتقسمية لكن فى حالتك دلوقتى وانتى مش عايزة تاكلوا سمك ورا بعض يبقى تطلعيه يفك شوية بس يعنى ميفكش بنسبة 100 فلمية يكون متلج برضه بس شرائح السمك تسيب بعض فى الحالة دى تفصليه بسرعه وتقسمية بسرعه قبل ما يفك خالص وترجعيه تانى الفريزر فهمتى قصدى ولا لسة ؟؟؟