شكرا يا دينا علي الاجبات الحلوة دي و الله الكل بيستفييد

تسلميلى يا ابله دينا جزاكى الله خيرا

يعني مثلا كبه و عدس بجبه و اكلات كتير كده خفيفه ما تخدش و قت ف التحضير و بتتعمل جمب بعض

الف شكر يابلة دينا علي كفتة الجمبري شكلها حلو اوي اوي هجربها ان شاءالله

وردة مفتحة انتي بتسالي سؤال صعب لان الواحد علي طول بيدور علي اكلات خفيفة وتتعمل جنب
بصي اللي جيه علي بالي دلوقتي

كفتة بطاطس باللحمة المفرومة بتبقي جميلة جدا
نسلق البطاطس وبعدين نهرسة وهو سخن ونحط له التوابل ملح وفلفل وبقدونس وممكن ريحان ونكوره ونحشيخ لحمة معصجة ونحمره ببيض وبقسماط بتبقي مقرمشة ومغذية بس الافضل تعمليها من بدري شوية وتحطيها في التلاجة عشان تمسك ومتفكش

كفتة فراخ(واخداها من ابلة دينا واكتر من روعة والله)
نسلق الفراخ وبعدين نضربها في الكبة عشان تتفرم مع فصين ثوم وبصل وبقدونس او كسبرة وبعدين نضيف عليها بطاطس مسلوقة ومهروسة يعني علي النص فرخة بطاطساية متوسطة مش كتيرة ونحدقها طبعا كويس ونصبعها ونحمرها في البيض والبقسماط بجد جميلة جدا وعملتها بالتونة كمان بس التونة اضفت لها جزر مع نفس المكونات اللي فوق

مثلثات الجلاش باللحمة االمفرومة
نجيب الجلاش نقطعه مسطيلات طويلة زي السمبوسة ونحشيه لحمة مفرومة بالصلصة ومكرونة اسباجيتي مسلوقة ونقفلها زي السمبوسة ونقليها في الزيت او تدهني وشها وتدخليها الفرن

او صينية جلاش عادية بس الحشوةو لحمة مفرومة مع جزر وفلفل رومي ندبلهم الاول علي النار برضو جميلة

شوربة العدس....بسلق العدس مع طماطم وبصل وفصين توم وجزر وبعدين اضربهم في الخلاط واجيب حلة فيها معلقة سمن واحط الخليط بمصفاة واحدق بملح وكمون وممكن تحطي شعرية متحمرة ودي مغذية جدا وبتدي طاقة للاطفال انا بعملها مع عيش مقطع مكعبات متوسطة متحمصة اكلة مشبعة ومغذية وجميلة ويسلام بقي علي بصلتين معصور عليهم لمون وخل وملح

ان شاءالله لو افتكرت حاجة تاني هقولك

انا والله مش فاهمة سؤالك :D