وحشتوني خالص يابنات ماشاءالله عليكم اتنشطوا

عملت كريمة الجمبري بتاعة اسامة السيد من يومين وطلعت حلوة اوي هكتبلكوا الطريقة جربوها لو جبتوا جمبري هتعجبكوا جدا

المقادير:
بصل مقطع
جزر
كرفس
معلقتين معجون صلصة متوسطين
قشر ورؤوس الجمبري
ملح وفلفل وزعتر
2 كوب ماء
كريمة لباني للتزيين

الطريقة:
نحمص القشر والؤوس علي النار وبعدين ندخلهم الفرن عشر دقائق
نجيب حلة علي النار نضع فيها قليل من زيت الزيتون وبعدين البصل وبعد ملونه يصفر نضيف الجزر والكرفس والصلصثةثم القشر والرؤوس المغسولة جيدا ونضيف ال 2 كوب ماء ونوطي النار ونسيبه يغلي ربع ساعة لحد مانطهة الجمبري تنزل في الماء وتشمي ريحته القوية الجميلة
بعد ماتطفي النار وتتركي الخليط يبرد شوية تضربيه في الخلاط كويس جدا تصفيه وتضفيه علي النار مرة اخري وتحدقيه ملح وفلفل ورشة زعتر خفيفة وعند التقديم تحطي الكريمة اللباني علي الوش

انا اضفت مع خليط البصل واااالجزر معلقتين دقيق متوسطين عشان الشوربة تتخن شوية وفعلا كانت طبق جديد مميز وشهي

في بقي سبيط محشي تحفه بس هو محشي جمبري من الصغير لو حد عاوز الطريقه يقولي

كهرمانه طب و لما القشر بيضرب بيبقي عامل ازاي؟

السلام عليكم

ورده فى طريقه تانيه للسلطة الزبادى

علبه زبادى
بطاطس مسلوقه
فص توم
نصف كوبايه زيت
ملح وخل وتضربيهم فى الخلاط
وبالهنا والشفا

نورا

متشكرة على طريقة متبل الكوسة

والف سلامة على جوزك

طريقة الرز مش عارفة بصراحة بس ممكن تعملى زي ما قالت كنزى


وردة

انا بعمل ورق العنب مع فراخ او لحمة وشوربة خضار بس