عاشقة الأخلاص :

السلام عليكم يا بنات انا قريت الملف من اولة وعملت البسبوسة بطريقة ابلة دون وطلعت مزبوطة معايا الحمد لله وخلصت الصينية كلها لوحدى ,,,,,,,, وجربت تتبيلة البانية امبارح وماشاء الله بردوا طلعت كويسة وفرحت بنفسى اوى اول مرة حاجة وتنفع معايا من اول مرة انا كان عندى شوية اسئلة وعايزة حد يساعدنى دة تقريبا اول رمضان يعدى عليا بعد جوازى رمضان اللى فات كنت لسة عروسة ومعتمدة على ماما وتيتة السنة دى بئى حاسة انى عايزة اعتمد على نفسى فكنت عايزة اسأل عن الحاجات اللى ممكن اشيلها فى الفريزر غير السمبوسة المكرونة بالباشميل صلصة الطماطم اية تانى ممكن اعملة واشيلة ويسعف معايا فى الوقت لو اتزنئت لا قدر الله ,,,وكنت عايزة أسأل كمان عن الباذنجان لية طريقة حفظ معينة ولا ممكن اشيلة فى الفريزر علطول بعد ما يتأور,,, واية كمان واية كمان اة افتكرت عجينة الباتية الجاهزة ممكن اطلعة من الفريزر واحشية أرجعة تانى ولا وكمان عايزة اسئل عن المشروم الطازج لو حبيت اضيفة لأكلة عندى اقطعة زى ما هو ولا اسلقة الأول والمفروض احطة فى التلاجة اد اية هو دة اللى فى دماغى دلوئتى ولو افتكرت حاجة تانية هرجعلكم

السلام عليكم يا بنات انا قريت الملف من اولة وعملت البسبوسة بطريقة ابلة دون وطلعت مزبوطة معايا...

la rosa :

انتى عندك غسالة عادية ولا اتوماتيك؟ لو غسالة عادية يبقى السبب ان دايما الغسيل الغامق بيكون اخر حاجه فبتكون المية مبقتش نضيقة ورايقة فمبتغسلش كويس وعلى نظافة فلما تبتدى تحطى الغوامق غيرى المية وحطى مية جديدة وصابون جديد وهيبقى نضيف وحلو ان شاء الله

انتى عندك غسالة عادية ولا اتوماتيك؟ لو غسالة عادية يبقى السبب ان دايما الغسيل الغامق بيكون اخر...