النهارده يا بنات هقولكم علي طريقة المكرونه بعيش الغراب


هاتي عيش الغراب وقطعيه لتلات اجزاء وبرضه في تومه وزيت زيتون وعلبة قشده الخاصه بالمطبخ وقلبيهم


قبل وضع القشده خلي الفونجي او عيش الغراب يتشوح كويس علي نار هاديه لغاية لما تحسي انه استوي وبعدين ضيفي القشده وقلبيهم وحطي المكرونه عليهم وبالف هنا

زوزا

تسلم ايديك وبألف هنا اللازانيا
قوليلى الطريقه بعد مافردى العجين وسلقتيه عملتى ايه تانى بالتفصيل
وهل طعمها بيبقى قريب من المكرونه الباشميل ولا مختلف وان شاء الله اجربها الأسبوع الجاى

سلفانا
تسلم ايديك على المكرونه ان شاء الله احطها فى الخطه

ازيك يا نيفين

انا بعد ما عملت العجينه سبتها ترتاح ورحت عملت لحمه معصجه وعملت باشاميل
بعد ما فردت العجينه وقطعتها سلقتها لمده دقيقه وحطيت شويه ملح في الميه وبعدين طلعتها حطيتها في ميه ساقعه

جبت صينيه ودهنتها بمعلقتين باشاميل وحطيت جبنه موزاريلا وبعدين حطيت طبقه لازانيا وبعدين حطيت عصاج وباشاميل وجبنه وبعدين حطيت باقي اللازانيا وغطيت الوش بباقي الباشاميل والجبنه وسبتها في الفرن نص ساعه وبالهنا والشفا طعمها يجنن

هيه طعمها مش زي المكرونه بالباشاميل احلي منها .............

تسلمى يازوزا ان شاء الله اعملها قريب