mira2 :

من عينيا الاتنين الشاورما على طريقه الشيف شربينى : تجيبى اللحم (لحم بتلو بس انا باستعمل الفلتو) وتقطعيها حتت طوليه ومش رفيعه اوى وتحطى عليها ملح فلفل شطه زعتر توم بصل (هو قال ميه البصله بس انا حطيت البصله كلها لان مكانش ليها ميه كتير وكانت مفرومه اوى فامكانتش حتبان) وتحطى صلصله طماطم (ممكن تضربى الطمطمايه والبصله مع بعض فى الكبه ) وبعدين تحطى شويه زيت وليمون واهم حاجه الخل وتنقعى اللحمه فى الخليط وفى التلاجه هو كان قايل 6 او 7 ساعات بس انا مكانش عندى وقت فسبته ساعتين بس لكن النتيجه كانت هايله وكمان علشان مكونتش حابه الخل يدى مزازه جامده فيها وبعدين تحطيها على النار بالخليط على بعضها ومتقليبيش خاااااالص خااالص لحد ما تشرب ميتها وبعدين تقلبيها وتنشيفها شويه بس مش كتير يعنى وتكونى مقطعه بصل وفلفل رومى وطماطم حتت صغيره بس مش اوى وتضيفهم على اللحمه وتقلبى بس متخليش الخضار يدبل وتطفى النار انا عملت جنبها سلطه طحينه وبطاطس محمره وعملتها سندوتشات فرشت الساندوتش بالطحينه وحطيت الشاورما وبالهنا والشفا يارب مكونش رغيت كتير :(

من عينيا الاتنين الشاورما على طريقه الشيف شربينى : تجيبى اللحم (لحم بتلو بس انا باستعمل الفلتو)...

امة الخالق :

شوفي انا ماعرفش مين البرنس ده بس انا باعمل ورقة اللحمه كالاتي : لحمه فليتو متقطعه شرايح اتخن من بتاع البفتيك شويه بطاطس دواير بصل مقطع دواير فلفل اخضر وطماطم برضو كله مقطع دواير سمنه بلدي بهارات لحمه ، ملح وفلفل ، قرفه ، زنجبيل ( خدي بالك ان اساسي هي جوزة الطيب بس من يوم ما ثبت انها محرمه ماعدتش باحطها فياريت لو بتاكليها بره تتاكدي انه م حاطط جوزة الطيب عشان مايبقاش حرام عليك ) الطريقه: تبيلي اللحمه كويس وسيبيها علي ما تقطعي باقي الخضار المفروض تتلف في ورقة فويل بس انا باسهلها علي نفسي شوية وباجيب صينيه فويل من اللي بتبقي استخدام واحد دي وابدأ ارص طبقات الاول بصل وفوقه بطاطس وبعدين طبقة لحمه وفلفل وطماطم وحتة سمنه بلدي صغيره نطوريها علي وش اللحمه وبعدين حطي طبقة بصل وطبقة بطاطس ولحمه وفلفل وطماطم وحتة سمنة كرري العمليه لحد ما كل الكميه عندك تخلص بس المهم ان الطبقه الاخيره تكون بطاطس حطي عليها شوية سمنه بلدي صغيره ( يعني كل الكميه في الصينيه ما تتعداش معلقه كبيره او اتنين بالكتير ) اقفلي الطبق كويس اوي بالفويل بحيث انه ما يطلعش منه اي بخار عشان المفروض اللحمه والبطاطس يستوا في عرقهم وعلي البخار سيبيها في فرن 200 درجه حوالي ساعه ونص او ساعتين الا ربع وبالف هنا وشفا دايما باعمل جمبها رز معمر عشان كله يستوي مع بعضه في الفرن

شوفي انا ماعرفش مين البرنس ده بس انا باعمل ورقة اللحمه كالاتي : لحمه فليتو متقطعه شرايح اتخن من...

maimnasser :

مساء الفل على احلى بنات مشاركة فى السريع عشان بحضر الغدا عشان زينة تمارينها تبتدى الساعة 4، حعمل على الغدا ان شاء الرحمن فراخ مشوية بالبطاطس و صوص الليمون و السماق كانت وصفة لنور الهدى فى منتدى Lakii حجربها لأن اليومين دول بحب اجرب حاجات عشان اعتمدها لرمضان حكتبهلكم بالليل ان شاء الرحمن بصى يا رووش سبايس وورلد دى تبع شركة ماستر فوود انا مرة كنت لقيت حاجتها فى مترو المساحة معلش انا من سكان النصف الآخر من العالم :44:اصلى ساكنة فى الدقى بس ممكن تلاقيها فى مترو من الكبار و غالباً فى سبينيز بس بعد الخبر اللى حقولهولك دلوقتى غالباً حتروحى كارفور حالاً :39: فى عروض على حلل تروفال و نوفال و كمان زهران انا جبت طقم تروفال 7 قطع (3 حلل، صينية، 2 طاسة و لبانة) ب 200 جنية :icon28: و فى طقم نوفال 5 حلل برضة ب 200 جنية عارفة انهم مش بيعيشوا كتير لكن لو عاشوا سنة يبقى خير و بركة بينفعوونى جدااااً فى رمضان و ال200 جنية دول ميجووش تمن ايد حلى زبتر من اللى انا حجزتهم :icon33: حاولوا تروحوا كارفور بجد يا بنات عامل عروض مريعة عشان رمضان انا كنت هناك الجمعة اللى فاتت و جبت رز و زيت(عشان شنط رمضان) كيلو الرز ب 1و 35 و الزيت اللتر ب 4 جنية و عامل عروض على كل حاجة جبت 5 ك رز الضحى ب 16 جنية و حاجة و عنده قمر الديت السورى الحلو ب 8 جنية يمكن كل سنة و انتى طيبة اخلص الغدا و ارجع من التمرين و انزلهالك من عينيا روشا وحشتينى جدااااااً بجد ازيك، الحال من بعضه يا حبيبتى انا كمان كنت اول مرة اشوفه نفس شركة سبايس وورلد دى و الازايز الخل البلسمى بتاع وادى فوود، انا بحب اووووى الفراخ الكيجن باكلها فى تشيليز و فدركرز فقلت اجربه و كان حلو جداااااً كنت بحطه على الفراخ او اللحمة بدل الصويا و كان بيديها طعم فى سنة مزازة كدة حلو اووووى اما الورسستر شاير ده اسمه TAI HUA ازازة صغيرة شوية 150 مل و غطاها احمر صنع ماليزيا ان شاء الرحمن تلاقيها بسهولة لأنى بجيبها من اى سوبر ماركت كبير شوية مترو، ابو ذكرى الله يسلمك يا نورا وحشتينى جدااااااااً كل سنة و انتى طيبة بس رمضان مكنش حيبقى له طعم من غيركم مبرووووك على الفرن :icon28: ان شاء الله تعرفى تزبطى حرارته .........و كلاكيت تانى مرة اسمى مى ناصر مش نصير:) آخر حاجة قبل م اقوم كنت اخدت دورة اعداد كيك تبع جمعية الطهاة المصريين و اتعلمت شوية تكات فظيعة و فهمت حاجات كتييير فى طريقة عجن الكيك و خبزه حاجات كدة زى سر الكفتة بتاع دينا :) بس انا محلفتش لحد على حاجة و كان معايا فى الدورة شيفات حلويات من سميراميس و الهيلتون و ادونى كام وصفة فى الجول ان شاء الرحمن فى الويك اند الجاى ابتدى الخصهم على رواقة الدورة كانت حلوة اووووى 5 ايام من 9-5 ب 750 جنية و آخر يوم امتحنا و الحمد لله جبت 97 % سلام دلوقتى عشان الحق اغدى البنات و ننزل بالليل اقولكم الفراخ اخبارها ايه و انزلكم وصفته هيا و الترايفل

مساء الفل على احلى بنات مشاركة فى السريع عشان بحضر الغدا عشان زينة تمارينها تبتدى الساعة 4، حعمل...