معلش يا جماعة انا اسفة بس ممكن اطلب طلب من غير ما تتضحكوا عليا

مين عندها استعداد تتبنانى فى موضوع الطبخ دا اصلى زهقت من نفسى

عايزة واحدة تكون عايشة فى مصر عشان اتواصل معاها على التليفون

اللى عندها استعداد تراسلنى على الخاص

صباح الخير يا بنات

روشانا
تسلميلي يا جميل علي الرد

نورا و كنزي
انا كاتباه نوعين من الرز قولت هيكون منظر علي السفره ههههههههه لونين بس مش أكتر ايه يا عيال الفكرة مش عجبتكم
نورا --- عجبتني فكرة الصينية اللي بتقولي عليها ديه بس قوليلي علي السمك الفيليه اقول للراجل عايزة سمك فليه كده اصل المجمد مش حلو معلش يا نورا فهميني

كنزي يا عسل ---- ايه السمك السنجاري ده :35: وصراحة انا مش عايزة اشتري جاهز انا عايزة انا اللي اعمله لاني حاسة ان السمك سهل من غير ما تتريقوا عليا ان شاء الله هعمله و يطلع حلو بس همتكم معايا

سندريلا ---- هههههههه معلش كل سينابون و انتي طيبة عادي انا عملت بسكويت و اتحرق و برضه باكله عادي :hahaha:

حبيبة --- انا مش فاهمة عملتي الشيش طاووق بالبيض و البقسماط ازاي يعني بعد ما حطتتية في الصوابع الخشبية مع الطماطم و الفلفل و البصل حطتتيه في البيض و البقسماط وبعد كده قلتيه في الزيت بالخشب



ههههههههههه
عسل خالص يا ام مرام
مش تتأسفي ولا ايه حاجة خالص
ملفات ابله دينا شرحها لاي نوع من الاكل شرح سهل جدا سواء للاكلات الحلو او الحادق اكلات زمان او الاكلات الحديثة و كمان الملف هنا اكتر من رائع البنات مش هيسبوكي غير لما يفهموكي طبعا عن تجربه انا مزهقهم بقالي سنتين اهو و برضه مش لسي مش اتعلمت خليكي معانا و انتي تبقي احسن من الشيف حسن و الشيف يسري و الشيف شربيني و الشيف نورا لاروز كمان هههههههههههههههه

شيماء انتى لما بتروحى للراجل بتلاقى عنده فيليه عارضه زى السمك العادى بيبقى جاهز وطازة مش مجمد لكن اسماء فى مصر معرفش بصراحة هى ماما كانت بتقولنا فيليه وبس معرفش كانت بتجيب نوع السمك ايه وهنا طبعا الانواع بتختلف
السنجارى اللى هو السمك المفتوح زى الكتاب وبيتحط التتبيلة والاضافات اللى هى الخضار على بطن السمكة المفتوح وتتلف بالقصدير وتدخل الفرن نص ساعة بس خلى بالك خلى فتحة صغيرة فى القصدير عشان تتبخر المية الزيادة بدل ما تشيلى القصدير تلاقيها كلها مية فى الصينية وبعدين تتشال القصير وتسيبيها فى الفرن تلت ساعة كمان تنشف وشها بس ده مبيتعملش غير فى انواع السمك الكبيرة لان لو اتعمل فى الصغير هينشف ومش هيبقى حلو

صباح الخير يا بنات
يا نورا هيا وصفة الفراخ اللى انتى كتباها بتكون مسلوقه يعنى صدور الفراخ تطبخ مع التتبيله او تتسلق فى عصير الاناناس والخل ؟؟؟؟؟
شيمو السنجارى هايبقى جميل فى العزومه بصى انتى هاتى سمك بورى وتجهزى الخلطه بتاعته كزبره خضرا وبصله وفصين توم وفلفل اخضر حراق وفلفل رومى وطماطم تقطعيهم وتحطى بهارات السمك بتاعتك مع عصير اللمون وبعد ما تنضفي السمك وتفتحيه احشيه بالخلطه والتتبيله بتاعته زى ما قالت نورا سهل يا شيمو وطعمه جميل
حبيبه تسلم ايدك على الشيش طاووق
امبارح عملت الفرخه بطريقة منال العالم فتحت الفرخه من ضهرها وفردتها زى الفراشه وتبلتها وسبتها فى التتبيله بتاعتها بعد كده حطيتها على الشوايه على البتوجاز او ممكن تحطيها فى طاسه وتحطى شوية زيت زتون ومعلقة زبده وحطيت فوقيها طاجن فخاربعد مالفيته فى ورق فويل علشان يبقى تقل على الفرخه وتنزل ميتها وتتحمر اكتر لمدة ربع ساعه وبعد كده قلبتها ودخلتها الفرن تكمل سواها وبعد ما طلعتها انا زودت حاجه على طريقة منال انى عملت حكاية الفحمه المولعه بعد ما طلعتها من الفرن على طول شلت الفرخه وحطيتها مع الفحمه دى علشان تدى ريحة الشوى الجميله وبعدين خدت الصوص اللى نزل من الفرخه وهيا فى الفرن وزودت عليه شوية ميه وعصير لمون وسيبته يغلى على النار وطفيت عليه وحطيته فوق الفرخه طلعت جميله اوى والولاد حبوها خالص

بقولكو ايه يا جماعة لقيت ديك رومي 3.7 كيلو من ساديا هو مجمد طبعا..في المحمل الكيلو 20ج
اجيبه عشان رمضان و لا استني شوية و اجيب حاجة طازة؟؟و خايفة اجيب الطازة اتخم فيه بصراحه...كمان ساديا معروفة الفراخ بتاعتها نظيفة بصراحة
و كمان لو استنيت قبل رمضان اجيب اي حاجة اولا مش هلاقي اصلا حاجة لان الحجات دي بتختفي..و كمان اسعارها بتبقي ناااار