يا بنات كنت كلت فى مطعم مره فراخ بالكارى مقطعه مكعبات و ليها صوص طبعا و لونها أصفر غامق كده أو بنى فاتح مع أرز أبيض حد يعرف دى بتتعمل إزاى

كهرمانه يا حبيبة قلبى ازيك وحشانى موت كل سنه وانتى طيبه يا حنون ربنا يكرمك يارب
بى هابى شكرا على المعلومه بس الاسماء تخض ايه احادى الصوديوم لااا خلينا فى اللى احنا نعرفه احسن
حبيبه تسلم ايدك على المكرونه ما شاء الله عليكى والباشميل طريقه حلوه وسريعه
شيمووووو ايه حكاية التفريز معاكى اليومين دول انتى جبتى ديب فريز جديد ولا ايه ؟؟؟بصراحه انا عمرى ما فرزت الكوسه بس على ما اعتقد انك يا دوب تحطيها لثوانى فى الميه المغليه وبعدين تحطيها على طول فى ميه بارده خالص يستحسن تكون متلجه علشان توقف عملية السلق وتحتفظ بلون الكوسه وبعد كده فى اكياس وعلى الفريزر بس انتى عايزاها للحشى وولا ايه ؟؟؟عموما جربى الطريقه دى وابقى قولينا على النتيجه

سلفانا ده رابط لملفات دندون كانت ام مرام منزلاه شوفيه كده وحاولى تنزليه وهاتلاقيه فيه الحلويات
http://file9.9q9q.net/Download/88287181/don.rar.html

مسلمه دى طريقة دينا للفراخ بالكارى
فراخ بالكارى (دون)
(صدور مخلية من الجلد والعظم )_ بصلة صغيرة _ حوالى 2 ملعقة اكل ز يت _ملح _2 ملعقة كبيرة كارى و ممكن 3 لو بتحبى حراق .
الطريقة:
ضعى الزيت على النار الى ان يسخن .اضع البصلة المخرطة ناعم و اقلب لحد ما تصفر .اضع الكارى ووراة الفراخ و اقلب حيتخلطوا ببعض ثم اضع ماء حسب كمية الفراخ يعنى تغطى الفراخ فقط و الملح حيغلوا وعلى فكرة حتستوى على طول الفراخ ما بياخودش ثلث ساعة .بالنسبة للارز اعملية عادى بس قبل ما يشرب الماء بتاعه حطى ملعقة كبيرة كارى فى الما ء ( او ) نص ملعقة صغيرة كركم عشان يبقى لونه اصفر
فكرة للتقديم . اما تضعى طبق الارز لوحدة و طبق الفراخ بالكارى لوحدة . او بالكبشة المخرمة تشيلى الفراخ من الصوص و تحطيها فى قعر الطبق ثم تضعى الارز علية و تكبسى جامد بظهر الملعقة ثم تقلبية فى السرفيس و ترش رشى شوية صوص كارى على الوش و الباقى تحطية فى طبق جانبى يقدم مع سلطة ذبادى
ملحوظة : ممكن استبدال الفراخ باللحمة اوبالجمبرى .ممكن وضع معلقة كبيرة كريمة لبانى قبل مانطفى على الفراخ او اللحمة بخمس دقايق ونفلبها ونطفى

شكرا يا أمانى على وصفه الفراخ بس كنت عايزه أسأل هى الصزص بتاعها بيبقى تقيل شويه صح؟