صباح الفل يا بنات

الشيف الشربيني بيعمل سندوتشات للمدارس دلوقتي للي عايزة تتفرج :)

مالها دينا يا بنات.....الف سلامه عليها......حد يطمنا

سيلفى ممكن تسلقيها مش قوى وتفرمى بصل كتير وتحطيهم بعض ما تطلعيهم من الشوربه وممكن فلفل اخضر وممكن طماطم وتسيبهم مع بعض


زى الكباب حلة

دندون الف سلامه عليكى بعد الشر عنك حبيبتى قدر ولطف ربنا يحفظك ويخليكى لينا ويكفيكى شر العين والحسد
تادو البقاء لله حبيبتى ربنا يرحمها ويجعل مثواها الجنه ويصبر اهلها ويبارك فى اولادها
شيمو حبيبتى ازيك اختك مطحونه فى الشغل خصوصا بعد رجوع يوم السبت ده مقولكيش المأساه اللى انا فيها الله المستعان
حنونه يا جميله وحشتينى بصى يا ستى صلصة البيتزا انا بعملها ازاى بشوح بصله صغيره وساعات بصل اخضر بيبقى اجمل وبعدين بضيف فص توم وملح وفلفل اسود وانزل عليهم بعصير الطماطم ومعلقة صلصه او كاتشاب واسيبهم شويه لحد ما تتقل الصلصه اقوم فرمه شوية ريحان اخضر وزعتر واضيفهم عليها واحرك واطفى على طول و بعمل كميه واشيلها فى برطمان واحفظه فى التلاجه او فى الفريزر ده اساس الصلصه اللى بعملها فى بقى شوية تغيرات بتحصل ساعات حسب المزاج والروقان جربتهاوكانت النتيجه هايله يعنى بدل الريحان بحط بقدونس وجربت الزعتراللى بيبقى بالسمسم بس طبعا من غير السمسم برش رشه منه فوق البيتزا بتدى طعم جميل هايعجبك وكمان ساعات بقطع فلفل رومى مع الصلصه نفسها وانتى زى ما تحبى المهم بعد ما تفردى الصلصه على البيتزا وتحطى الاضافات المعروفه بتاعتك سواء كنت اجبان وزتون وفلفل رومى او غيره قى الاخر ريحان ورشة زيت زتون بتدى طعم جميل
يالا جربيها وقوليلى ايه الاخبار ان شاء الله تعجبك
سموحه الكيكه حساسه فى طريقة خبزها فى الفرن انتى الاول بتسخنى الفرن كويس ولمده كافيه يعنى اول ما تفكرى انك عايزه تعملى كيكه اول حاجه تعمليها تسخنى الفرن وتزبطى درجة الحراره على المتوسطه ولما تحطيها تقفلى الفرن ومش تفتحى عليها نهائيا ولا تغيرى درجة حرارة الفرن وتسيبيها لمدة30 بالكتير 35 حسب الفرن بتاعك وانتى ممكن فى اخر عشر دقائق بتختبرى سوى الكيكه بعود خله لو طلع نضيف يبقى كده الكيكه استوت من جوه لو طلع فيه بواقى عجين يبقى تسبيها وتقفلى عليها وانتى لو حصل معاكى موضوع انها تحمر من فوق ومن تحت لسه نيه تقومى جايبه ورق فويل وتغطى الصنيه بيه علشان الكيكه ما تحمرش اكتر وتتحرق وتستوى كويس من جوه وفى كمان ناس بيحطو فى الفرن فى الرف اللى تحت حله صغيره او طبق فرن فى ميه علشان يزبطو حرارة الفرن وانتى وحسب الفرن بتاعك والاهم من كده انك مش تستخدمى الشوايه فى خبز الكيكه انتى بس ولعى الفرن من تحت وسخنيه كويس وزبطى درجة الحراره ومش تغيريها وان شاء الله تنجح معاكى المره اللى جايه
ميرا هاقولك طريقتى الجلا الحلو انامش بدهن الورق خالص انا الاول بحط طبقةجلاش وبعدين المكسرات او الحشو وبعدين الطبقه التانه من الجلاش وبالسكينه اقطع الصنيه بتاعتى مش للاخر وبعدين اكون مسخنه كميه سمنه او زبده واسقى بيها صنية الجلاش وادخلها الفرن ولما تستوى وتحمر بصفى منها السمنه الزياده وبحط الشربات البارد وبتطلع حلوه ولا بتهيش ولاحاجه

بعدت لناس كتيرة فى العيد رسايل تصدقى و لا حد رد عليا و لا حد اتصل بيا

و كانى من ماليش اى لزمة تخيلى بقى تلاقى نفسك فى الكون الطويل العريض دا لوحدك

يعنى حياتى مع جوزى اصلا فيها مشاكل و بينى و بين اختى قضية فى المحاكم

و سلايفى و اخت جوزى بيحقوا عليا و بيغلطوا فيا و الله من غير ما اذى حد

خلااااااااااص انا تعبت و الله نفسى اترمى فى حضن اى حد و اعيط