ازيكو يا بنات مش عارفة مال النت مخرف ليه
البسكوت اللى بتقولو عليه فى طريقة تانية ليه وحلوة جدا برضه من غير مقادير
بتجيبى معلقتين تلاتة زبدة ونص كوب سكر وتقعدى تفركيها بايدك لغاية ما يبقى زى الكريمة كانك هتعملى كيكة وبعدين تحطى معلقتين كاكاو كبار وقلبى برضه وبعدين حطى لبن شوية بشوية وقلبى لغاية ما يبقى قوامه زي اللبنة كده يعنى افضلى زودى لبن لغاية ما توصلى للقوام ده وتكونى مكسرة بسكوت شاى سادة حطيه على الخلطة دة وقلبيه كويس فى بعضه
حضرى ورق فويل وامسحيه بالمية بايدك ونزلى عليه الخلطة وساويها بالمعلقة بحيث تبقى زى الاسطوانة او القالب الطويل واقفليها كويس بالفويل ودخليها الفريزر 3 ساعات مثلا او اكتر ووقت التقديم افتحيها وقطعى منها شاريح بتبقى تجنن
التشيز كيك يا مروة بجيب كيك جاهز واحطه فى القالب واسقيه بشوية عصير بالمعلقة اى نوع عندك وابطه شويه بايدى
الخلطة هى ظرفين صغيرين كريم شانتيه اضربيه بمية متلجة لغاية ما يعملو كريمة عادى وبعدين ضيفى عليها علبة جبنة فلادلفيا و6 حبات كيرى وقلبة قشطة لو عندك ولو معندكيش مش لازم القشطة ومعلقة نسكافيه صغيرة واضربى كمان مرة لغاية ما كله يتجانس
تكونى محضرة نص كوب مية سخنة بس مش مغلية يعنى صباعك يقدر يستحملها دوبى فيه ظرف جيلاتين بودرة ولو ملقتيش يبقى اعملى جيلى اى لون فاتح على كوب ماء واحد بس ولما يدوب الجيلاتين كويس قوى او الجيلى حطيه على الخليط واضربيه مرة كمان كويس وحطيه فى الصينية او القالب فوق الكيك ودخليها التلاجة 5 ساعات وبس
ازيكو يا بنات مش عارفة مال النت مخرف ليه
البسكوت اللى بتقولو عليه فى طريقة تانية ليه وحلوة جدا...
http://www.iraqiyat.net/vb/showthread.php?t=20647
وكان فيه بنت منزلة طريقة بسكوت الينسون هشوفلك الطريقة وإن شاء الله الاقيها