ســــجى الليل :

صباح الخير عليكو ازيكم

صباح الخير عليكو ازيكم

tadoh :

تسلم الايادي ابله دون وجزاك الله خيرا وجعل عملك في موازين حسناتك واليوم ياجماعه اكتشفت جنب اسمي لقب محررة في عام حواء والله شفته بالصدفه اتمني ان اكون عند حسن ظنكم ورزقني واياكم من حيث لانحتسب وكل سنه وانتم طيبين بحبكم جميعا في الله تحياتي .

تسلم الايادي ابله دون وجزاك الله خيرا وجعل عملك في موازين حسناتك واليوم ياجماعه اكتشفت جنب اسمي...

امانى61 :

صباح الخير على احلى بنات ما تنسوش يا بنات الذكر والدعاء فى الايام دى بذكركم وبذكر نفسلى اولا وربنا يتقبل منا جميعا يارب دى مقادير التورته بتعاة كهرمانه الكوب المستخدم للدقيق لازم يكون هو هو اللى حتقيسى بيه السكر والنشا 6 بيضات بدرجه حراره الغرفه...انا استعملت 5 بس كوب الاربع دقيق كوب الا ربع سكر ناعم مهم يكون حبيباته ناعمه..انا استعملت كوب ربع كوب نشا ملعقه كبيره بس ممسوحه بيكنج باودر ملعقه كبيره ممسوحه فانيليا ربع كوب كاكاو غير محلى...حوالي 3 ملاعق غير مليانين لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه دى حتخلى الهوا اللى نفخ البيض يخرج تانى ومش حتبقى هشه ابدا باستخدام معلقه خشبيه ضيفى ملعقه دقيق واحده وقلبى ببطء جدا جدا جدا جدا جدا فى اتجاه واحد اوعى تغيرى الاتجاه او تقلبيها من تحت لفوقوافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد لازم يفضل الخليط مرتفع لحد ما تخلص انا حطيت المقدار في صينية 24 بس عليت فوق حروف الصينية فالافضل تستعملي صينية اكبر او تحطي المقدار لحد نص الصينية لانها هتعلي جداااا وبعد ماتتاكدي انها استوت سبيها في الفرن نص ساعة عشان متاخدش هوا بارد وتهبط -السكر يكون ناعم معتقدش مفروض نطحنه حاولي ان شالله تجيبي نص كيلو ناعم علي قد التورتاية هي بتاخد حوالي 35_40 دقيقة واختبريها بعود خشبي لو مطلعش معاكي عجين يبقي استوت بعد ماتستوي اطفي الغاز وسبيها حوالي تلت ساعة مثلا تستهدي وبعدين طلعيها بس برضو متعرضيهاش لهوا بارد مرة واحدة الكلام دة انا واخداه من واحدة هنا جزاها الله كل خير فعلا...وبعد ماتبرد خاااااااااالص ممكن اسيبها لتاني يوم او لو مستعجلة احطها في التلاجة ربع ساعة وهي باااااااااااااردة طبعا لما هتقسميها نصين بحذر حطيت طبقة كريم شانتيه وقطعت اناناس قطع صغيرة وشوكولاتة فليك وبعدين حطيت النص التاني وغطيته بالكريم شانتيه والاناناس والشوكولتة والجوانب عليها مكسرات وبالهنا والشفا...علي فكرة انا كنت فاكرة النشا هتخليها ناشفة وطلع العكس كانت هشة وخفيفة جدا جدا ودى الكبده الاسكندرانى بطريقة مى ناصر النهاردة عملت كبدة اسكندرانى كنت جايبة طريقتها من على النت من رمضان بس خلاص اعتمدتها مش بعمل غيرها 1\2كيلو كبدة مقطعة صغير ملح و كمون و فلفل أسود و بهارات 3 ملاعق كبيرة خل فلفل حار (اختيارى) 3 ملاعق كبيرة ثوم مفروم فلفل أخضر عصير ليمونة 1/4 كوب زيت للتحمير الطريقة نخلط الثوم والفلفل والملح والبهار والكمون والفلفل الحاروالخل والفلفل الاخضر خلطا ناعما وتتبل بهم الكبدة وتترك لمدة نصف ساعةفي الثلاجة نضع الزيت على النارحتى يسخن ثم نضع الكبدة وتقلب حتى يتغير لونها في الحظة ديه هتشموا ريحة خطيرة جدا تجوعكم اكتر نخفض النار وتترك حتى تستوي في مائها وينشف تماما وتتحمر في زيتها تطفئ النار ويعصر الليمون اما السويسرول 5بيضات مفصولين كوبايه الا ربع دقيق لو عايزاها بنى شيلى معلقتين كبار من الدقيق وحطى بدلها معلقه كاكاو دارك معلقتين كبار نشا رشة ملح وكيسين فانليا كوب سكر هانحط منه ربع فى الاول مع البياض والباقى مع الاصفر بيض الطريقه الاول تضربى البياض بمضرب البيض مع رشه بسيطه من الملح لحد ما تتكون رغاوى كده تقومى ضيفه ربع كوب سكر براحه خالص وانتى شغاله بالمضرب وتفضلى تضربى لحد ما يتكون المارينج الابيض الجميل وتسيبيه على جنب وتبدأى تضربى الصفار مع رشة فانليا واول ما يتخلط الصفار تبداى تضيفى السكر شويه شويه وتضربى لحد ما يعلى الخليط ولونه يفتح عن الاول كده بقى عندك خليط الصفار والمارينج تكونى مجهزه الدقيق والنشا ونخلهم كويس وتضيفيه على خليط الصفار بالتبادل مع بياض البيض يعنى الاول تضيفى معلقه من بياض البيض وتحركى بمعلقه خشبيه من تحت لفوق بالراحه وبعدين تضيفى معلقة دقيق وهكذا بياض وبعديه دقيق وفى الاخر تضيفى ما تبقى من بياض البيض يعنى تبدأى بالبياض وتنتهى بيه وتقلبى وتكونى مجهزه صينيه مستطيله حافتها قصيره متبطنه بورقة زبده وندخلها الفرن على درجة220لمدة 10_15 دقيقه بالكتير مش اكتر من كده مهم اوى درجة حرارة الفرن والوقت علشان تتظبط معاكى واول ما تتطلع من الفرن تقلبيها على ورقة زبده مرشوشه بسكر بودره وتلفيها رول وتحطيها فى التلاجه على بال ما تجهزى الكريمه بتاعتك طبعا الحشو زى ما تحبى ممكن تدهنيها مربى الاول وبعد كده باسترى كريم او كريم شانتيه او الاتنين مع بعض زى ما بيعمل الشيف حسن او ممكن كريمه بس مع قطع فاكهه او بشر شكولاته ويا سلام لو بتحبى النسكافيه تقومى مدوبه معلقه كبيره وضيفاها مع الكريمه وتلفيها تانى وتدهنيها من بره بكريم شانته وتزينيها بالمكسرات او الشكولاته جربوها يا بنات هاتعجبكم خالص انا بعملها كتير وبتطلع جميله اوى وخفيييفه ان شاء الله المره اللى جايه ابقى اصورهلكم وانزل الصور كتكوته تسلم ايدك على الحاجات اللى منزلاها ربنا يكرمك يا رب

صباح الخير على احلى بنات ما تنسوش يا بنات الذكر والدعاء فى الايام دى بذكركم وبذكر نفسلى اولا...

maimnasser :

صباح الفل يا احلى بنات، كل سنة و انتم بخير ربنا يرقنا السنة الجاية الوقوف على عرفة قولوا آميييين، الحمد لله الامتحان عدى معقول النتيجة بعد العيد ادعوولى ازيك يا منمووون وحشتينى، ايوة كدة صح هى دى الطريقة :42: تسلمي يا شيرى بس بما انى دايماً مستعجلة عملته بطريقة مختلفة شوية عشان يستوى فى السريع حكتبهلكم المشاركة الجاية فى العيد ان شاء الرحمن اعمله على رواقة بطريقتك تسلم ايديكى يا قمر ما شاء الله وصفات بالتفصيل الممل لو سمحتى ام مرام بصى انا بعمل مكرونة بالخضار سهلة و سريعة و تنفع طبق رئيسى مكرونة اى نوع بس مش سباجتى مسلوقة بجيب فلفل الوان، فلفل اخضر، بصل، طماطم، زيتون اسود و فصين توم و اقطعهم مكعبات صغيرة شرايح مشروم سوسيس مسلوق و مقطع ترنشات معلقة صلصة بيتزا و معلقة كاتشاب بشوح الخضار كله فى شوية زيت زيتون و ازود عليه ملح، فلفل و بهارات بيتزا و بعدين اضيف المشروم و السوسيس (ممكن تحطى بروكلى او بسلة بس يكونوا مسلوقين) و دقيقة ازود الصلصة و البيتزا و اقلب دقيقتين على النار عشان الخضار يفضل مقرمش ميتهريش تكون المكرونة اتسلقت اقلبها مع خليط الخضار و ارش جبنة على الوش و بالهنا و الشفا يا شيرى عايزة طريقة الرز من فضلك ما شاء الله يا رشا حلو اوووووووى بس الصور مش باينة خاااااالص:( يعنى اسوى المكرونة فى الصلصة يا شيرى من غير م تتسلق؟؟ تسلم ايديكى يا لوزة السمك شكله وووواووووو بجد ما شاء الله بس سؤال انا مبعرفس اسلق الرز خااااااالص:( احط مياه اد ايه و اوطى عليه ولا اسيب النار عالية و اشيلة امتى من ع النار [ حلو اوووووى يا كتكوتة ما شاء تسلم ايديكى مقدماً بس ممكن طريقة الشوربة صباح الفل يا قمر كل سنة و انتى طيبة و كل الناس اللى بتحبيهم بخير:26: الف هنا و شفا يا قمر

صباح الفل يا احلى بنات، كل سنة و انتم بخير ربنا يرقنا السنة الجاية الوقوف على عرفة قولوا آميييين،...

maimnasser :

مبرووووووووك يا احلى بنات (كنت ناوية اعمل برام رز بطريقة شيرين لأن ما شاء الله شكلها ووواوووو و قلت لطارق حعملك برام رز و بتاع دبست نفسى يعنى و الوقت طار كما العادة فمكنتش حلحق اعمله فقررت اقلبه ميكى ماوسى بس اخدت شوية تكات من شيرين و طلع شغاااال يا بنات:42: رز بالبرام ميكى ماوسى:p انا عملته من غير فراخ عشان يلحق يستوى و عملت فراخ لوحدها جنبه صباح الكروتة 2 كوب رز غسلتهم و صفيتهم و بعدين نقعته فى لبن ساعة (3كوب لبن و كوب مياه معاها واحدة و نص ماجى) حطيت سمنة، مستكة، حبهان و ملح و حطيته على نار غلوة و وطيت النار و سيبته لغاية م شرب 3/4 اللبن و بقى طرى دهنت البرام بسمنة و قشطة و غرفت الرز فى البرام و غطيت الوش بقشطة و قفلته كويس بفويل و دخلته الفرن الكهربا (الفرن سخن) على 200 مفيش اقل من نص ساعة شيلت الفويل عشان الوش يحمر و بعدين عملت زى م شيرين قالت لفيته فى ملاية و سبته شوية و بس

مبرووووووووك يا احلى بنات (كنت ناوية اعمل برام رز بطريقة شيرين لأن ما شاء الله شكلها ووواوووو و...