don :

الطهى علم وفن (نرجس حبيب سابا كشرى بالبيض (طريقه سريعه ) كوب عدس اصفر – 1 1/2 كوب ماء ساخن – بصلة مفرية – ملح وفلفل – كوب حليب – من 1/2 ل 3/4 كوب ارز – من 2 ل 3 بيضه مسلوقة مقشرة الطريقة يغسل الارز والعدس كلا على حده جيدا ندهن طبق فرن بالسمن نخلط العدس بالارز ويوضع نصف المقدار فى طبق الفرن تدعك البصلة بالملح والفلفل وتوضع على خليط الارز بالعدس يرص البيض المسلوق فوق الخليط يغطى بباقى خليط الارز بالعدس يصب الحليب على الخليط ويوضع فى فرن متوسط الحرارة حتى يتشرب الحليب نطلعه من الفرن ونضع عليه الماء الساخن المتبل بالملح والفلفل مع تقليب الخليط خفيفا بالشوكة حتى يتخلله الماء تضاف معلقه سمن سائح او زيت ويعاد للفرن الحار حتى يتم النضج يقدم الطبق ساخنا مع سلطة خضراء

الطهى علم وفن (نرجس حبيب سابا كشرى بالبيض (طريقه سريعه ) كوب عدس اصفر – 1 1/2 كوب ماء ساخن...

*فراشةالربيع* :

هكتبلكم قريب إزاي تعملو صوص الكراميل بأكتر من طريقة وفي كمان كريمة الشوكولا وده برضوا من الكتاب إياه ده بقى أحلى وألذ كريمة شوكولا ممكن تعمليها فيها صفار بيض وممكن بيضة كاملة ولبن وزبدة وشوكولا سادة يلا ياأبلة دون عايزين صورة الطريقة لمزيد من الملاحظات ربع كوب لبن وربع كوب زبدة بس لما عملتها تاني مرة أستخمت معلقة كبيرة بس وصفار بيضتين أو بيضة كاملة مع رشة فانيليا ومش فاكرة أد إيه شوكولا لأنى بحط بالبركة تحطي اللبن والزبدة والشوكولا على النار لحد ماتسيح المكونات وتغلي تخفقي البيض باشوكة مع رشة فانيليا كويس وتصبي عليه الخليط المغلي وتقلبي كويس أنا برجعه على النار لحظات تاني بس أتأكد البيض إستوى وبيتقل ثم تترك لتبرد تماما ولو عايزة تغطي بيها تورتة زي المروار صبيها وهي دافية عشان تسيح معاكي ومش تكلكع وعندي فكرة حلوة لو فردتى الشوكولا ملا على سطح التورتة ولاقيتيها جمدت معاكي قبل ماتساويها كويس خصوصا في البرد ده هاتى السشوا بتاعك واديها بخة حرارة هتسيح وتلمع تاني وساويها براحتك ده بشكل عام يعنى مش بتكلم على الكريمة ده تحديدا ممكن بقى كريمة الشوكولا ده تحشي بيها مباشرة أو تضيفيها للكريمة المخفوقة لتحصلي على كريمة شوكولا روووووووووعة وفي نفس الوقت هشة وخفيفة ولو عايزة تعملي أحلى دانيت إكتفي بمعلقة زبدة وزودي اللبن لنصف كوب وهتدقي أحلى وألذ دانيت مش مهلبيه شوكولا لأ دانيت بحق وحقيق على فكرة بمناسبة المروار أنا جربتها وطلع طعمها مش ظريف أوي أيوة شكلها حلو بس الطعم أي كلام أنا بعمل التغطية للتورتة بطريقة الجاناش اللي هو كريمة وشوكولا على فكرة بستخدم مكان الكريمة السائلة القشطة للي بشيلها من على وش اللبن والنتيجة ممتازة من ناحية الطعم وشكلها حلو بس مش بتلمع أوي زي المروار وفي طريقة تانية شفتها في كتاب مغربي بتستخدم الشوكولا والكاكاو والجيلاتين إن شاء الله أجربها وأقوللكم على النتيجة وبمناسبة الكاكاو أنا كنت بجيب كاكاو برازيلي من سوبر ماركت كبير كان الربع كيلو ب 6 جنية وشوية وكان كويس بس دلوقتى للأسف بطل يجيب والكاكاو اللي قريب منى نوعه مش عاجبنى خالص بس إنه في الكيك بيدي لون لكن طعم الكيك مش بيكون شوكولاتة أبداااا مع إنه في الشرب طعمه كويس ياريت لو تقولولي أجيب منين كاكاو كويس وبيكون سعرة كام عشان مش أجي نوع رخيص ويكون أي كلام

هكتبلكم قريب إزاي تعملو صوص الكراميل بأكتر من طريقة وفي كمان كريمة الشوكولا وده برضوا من الكتاب...

كتكوتة كتكوتة :

يا بنات دعواتكم لرحاب أم عمر ربنا يرزقها ولادة سهلة و طفل معافى و يقومها بالسلامة المفروض انها ولدت أو لسة بالطلق ربنا يتملها على خير و يوقفلها اولاد الحلال جنبها

يا بنات دعواتكم لرحاب أم عمر ربنا يرزقها ولادة سهلة و طفل معافى و يقومها بالسلامة المفروض انها...