جربي كده ياأبلة دون تنزيلنا أي صورة من الكتاب عشان بس نشوف هتبقى واضحة ولا لأ
بعدها ممكن تقرري هتعملي إيه
بس الموبايل اللي هتصوري بيه نوعه إيه أو موديله كام
دندون تسلم ايديكى على فكره انا كتب كذا مشاركه وانتى مش بتردى عليا خالص فى الملف اللى فات وده كمان
فراشه الربيع تسلم ايديكى ...ممكن طريقه الدانيت بالتفصيل وهل طعمه يشبه النوتيلا؟
فراشه الربيع تسلم ايديكى ...ممكن طريقه الدانيت بالتفصيل وهل طعمه يشبه النوتيلا؟
don
•
دندون تسلم ايديكى على فكره انا كتب كذا مشاركه وانتى مش بتردى عليا خالص فى الملف اللى فات وده كمان فراشه الربيع تسلم ايديكى ...ممكن طريقه الدانيت بالتفصيل وهل طعمه يشبه النوتيلا؟دندون تسلم ايديكى على فكره انا كتب كذا مشاركه وانتى مش بتردى عليا خالص فى الملف اللى فات وده...
يا نهههههار ابيييض والله ما اقدر يا سموحه مردش عليكى والله حقك عليا
zouza
•
دينا وحشاني جدااااااااااا.....بقالي كتير مش باشوفك .....وباحبك جداااااا والله وبافرح لما باشوفك في اي ملف .......
الصفحة الأخيرة
وفي كمان كريمة الشوكولا وده برضوا من الكتاب إياه
ده بقى أحلى وألذ كريمة شوكولا ممكن تعمليها
فيها صفار بيض وممكن بيضة كاملة ولبن وزبدة وشوكولا سادة
يلا ياأبلة دون عايزين صورة الطريقة لمزيد من الملاحظات
ربع كوب لبن وربع كوب زبدة بس لما عملتها تاني مرة أستخمت معلقة كبيرة بس
وصفار بيضتين أو بيضة كاملة مع رشة فانيليا
ومش فاكرة أد إيه شوكولا لأنى بحط بالبركة
تحطي اللبن والزبدة والشوكولا على النار لحد ماتسيح المكونات وتغلي تخفقي البيض باشوكة مع رشة فانيليا كويس وتصبي عليه الخليط المغلي وتقلبي كويس أنا برجعه على النار لحظات تاني بس أتأكد البيض إستوى وبيتقل
ثم تترك لتبرد تماما
ولو عايزة تغطي بيها تورتة زي المروار صبيها وهي دافية عشان تسيح معاكي ومش تكلكع
وعندي فكرة حلوة لو فردتى الشوكولا ملا على سطح التورتة ولاقيتيها جمدت معاكي قبل ماتساويها كويس خصوصا في البرد ده هاتى السشوا بتاعك واديها بخة حرارة هتسيح وتلمع تاني وساويها براحتك ده بشكل عام يعنى مش بتكلم على الكريمة ده تحديدا
ممكن بقى كريمة الشوكولا ده تحشي بيها مباشرة أو تضيفيها للكريمة المخفوقة لتحصلي على كريمة شوكولا روووووووووعة وفي نفس الوقت هشة وخفيفة
ولو عايزة تعملي أحلى دانيت إكتفي بمعلقة زبدة وزودي اللبن لنصف كوب وهتدقي أحلى وألذ دانيت مش مهلبيه شوكولا لأ دانيت بحق وحقيق
على فكرة بمناسبة المروار أنا جربتها وطلع طعمها مش ظريف أوي أيوة شكلها حلو بس الطعم أي كلام
أنا بعمل التغطية للتورتة بطريقة الجاناش اللي هو كريمة وشوكولا
على فكرة بستخدم مكان الكريمة السائلة القشطة للي بشيلها من على وش اللبن والنتيجة ممتازة من ناحية الطعم وشكلها حلو بس مش بتلمع أوي زي المروار
وفي طريقة تانية شفتها في كتاب مغربي بتستخدم الشوكولا والكاكاو والجيلاتين إن شاء الله أجربها وأقوللكم على النتيجة
وبمناسبة الكاكاو أنا كنت بجيب كاكاو برازيلي من سوبر ماركت كبير كان الربع كيلو ب 6 جنية وشوية وكان كويس بس دلوقتى للأسف بطل يجيب والكاكاو اللي قريب منى نوعه مش عاجبنى خالص بس إنه في الكيك بيدي لون لكن طعم الكيك مش بيكون شوكولاتة أبداااا مع إنه في الشرب طعمه كويس
ياريت لو تقولولي أجيب منين كاكاو كويس وبيكون سعرة كام عشان مش أجي نوع رخيص ويكون أي كلام