اخيرااااااااااااااااااااااااااااااااااااا البيتسا بتاعه سلمى طلعت جميله والله على انها اول مره تعملها حنزلكم الصورة بس مش عارفه ايه العيب اللى فيها اللى مخلينى شربت كل المياه والبيبسى اللى فى التلاجة ولسه عطشانه وهى مش عايزة تقر وتعترف حقوم دلوقتى علشان فيه سطو على الجهاز

ابلة دون
تسلم ايدين سلمى و بـألف هنا و شفا عليكم

فراشة
تسلم الايادي و بما إن فيها تشيز كيك محتاجة منك طريقة البسكويت بتاع التشيز كيك من فضلك و سؤال بالنسبة للجبن الكريمي ممكن يتعمل بـحليب نصف دسم ؟؟

مها
ممكن طريقة الكباب الايراني كنتي منزلة الصور من كام صفحة

النهاردة عملت على الغدا لفائف الستيك بالخضار والمشروم بتاع كهرامنة طلعت تحفة ما شاء الله و أحسن كتير من القلي
المفروض فعلا يا بنات كلنا نتشجع و كل واحدة تجرب حاجة جديدة من اللي البنات هنا مجربينها عشان الباقي يستفيد

اخواتي اليوم هنزل لكم طريقة جديدة شوية لان الواحد بيمل من البفتيك بالطريقة التقليدية انا مش بعمل بمقادير ثابتة لكن المطلوب:
استيك/جزر/بسلة/مشروم/2بصلة مفرومة/بهاراتك


1)هتجيبي الاستيك يكون متبل بالبصل والملح والفلفل وممكن بهارات اللحمة وانا بتبله بتوابل مجمعة روعة بجد(حبهان مطحون ورق لورا مطحون فلفل مطحون) يفضل تتبليه من قبلها بشوية

2)تجهزي الحشوة وهي عبارة عن
جزر وبسلة ومشروم....تشوحيهم مع بصلة وممكن تزوديهم شوية ماية لحد مايستوو وتبهريهم بالملح والفلفل انا بضيف المشروم المعلب في الاخر(بعد ماأشطفه بالماء من المواد الحافظة) ومش ضروري تكون الخضروات استوت تماما لانها هتنضج مع اللحم بس تكون دخلت في السواء


3)وبعدين تفردي قطعة الاستيك وتكون رقيقة وتحشيها بالحشوة تقفليها كويس من جميع الجهات بخلة الاسنان


4)نشوح قطع الاستيك في الزبدة حتي يتغير لونها


5) ثم نضيف بصلة مفرومة تاخد تقلبتين مع اللحم ثم نزود كوبايتين او 3 ماية ونخفض النار ونغطيها ونتركها تنضج


وهذا هو الشكل النهائي...ولو بتحبي الصوص تخين ضيفي م دقيق في شوية ماء وضفيها وممكن كمان لو تبقي معك شوية من الحشو تضفيها علي الصوص وتتركيها تنضج مع اللحم



ودة الشكل من جوة بجد الطعم رااااااائع وزي ماقلتلكوا البهارات بتعطي الاكل مذاق مختلف مميز.... وعملت معها ارزابيض




و كمان عملت المكرونة بالباشميل بتاع حبيبة إبراهيم بس زودت المرة دي شرايح مشروم

ياجماعه الخير بعد ماحملت الملف البسورد بيدي خطأ او بمعني اصح كلمه السر خاطئه
كتكوته تسلم الايادي انا لااعرف طريقه الكفته الايراني بس ان شاء الله احاول احضرهالك .

يا ريت اللي يجرب و يعرف كلمة السر يكتبها يا بنات

أهي يا مها لقيت الطريقة جزاكي الله خيرا



1 كيلو غرام لحم مفروم
1 بصلة متوسطة مبشورة
ربع كوب بقسماط
1 بيض مخفوق (اختياري)
1 ملعقة صغيرة ملح
1 ملعقة صغيرة كركم
2/1 ملعقة صغيرة فلفل اسود
1 ملعقة كبيرة عصير ليمون

- اخلطي المقادير كلها وغطيها واتركيها في الثلاجة طول الليل
أو اتركيها في حرارة المطبخ لعدة ساعات
2- البصل المبشور صفيه من الماء حتى لا يفك معك الكباب من الاسياخ
قبل استخدامه كذلك كلما كان الخليط بارد كلما كان افضل
واصبح متماسك في الاسياخ
3- قسمي الكباب الى قطع متساوية ثم لفيها على السيخ الخشبي أو المعدني
4- ضعيه على النار على بعد قليل مع الاستمرار بالتحريك الاسياخ
بشكل دايري حتى يصبح ناضج من كل الجهات
ثم اتركيه على كل وجه شوي حتى يحمر شوي
5- قدميه ساخن يمكن رش السماق على الكباب ويقدم مع الخبز الإيراني أو الرز
اضغط هنا لمشاهدة الصورة كاملة.