شكرا يام مرام علي فتافيت انا بنزلها اهو يارب تفتح معايا ربنا يكرمك

فراشة...يعني الجبنة طلعت حلوة فعلا مع التشيز كيك طعمها زي كيري وفيلادلفيا كدة او يمكن احلي كمان طالما انها من ايديك

كتكوتة انا مبسوطة ان الستيك عجبك حطيتي علي الصوص معلقة دقيق عشان الصوص يتخن بيبيقي جميل جدا لانه شارب من تتبيلة الستيك

ابلة دينا الكتاب الالكتروني دةمش بيفتح انا نزلته بس يابنات اما باجي افتحه بالوورد مش بيرضي يفتح اعمل ايه بقي؟؟؟

مصرية رقيقة....حلو اوي جدول تحويل الاوزان دة ممتاز بصراحة ربنا يكرمك يارب

يابنات احب اقولكم انى عملت البيزا اخيرا بعد ما رشا ام كريم فضلت ورايا والحمدلله اخيرا نجحت وبصراحة معنوياتى كانت فى السما
وهتشجع ارجع اعمل معجنات تانى وكيك كمان

اذييكم يابنات اتصفحت شوية صفحات كدة علي الماشي
ابلة دون الف الف مبرووك لسلمي وحمد الله علي سلامتك
ام مرام ربنا يفك كربك يارب
ام كريم وحشتييني ووحشتني معجناتك
فراشة اذيك وتسلم ايدك
مها يارب تكوني بخير دايما
لوزة انتي بجد بجد ممتازة مشاء الله عليكي
وروشانا وكهرمانة وكلكلم الجميع يارب يكون بخيررررررررررررررررررررررر
وحشتونييييييي

حلقه مخصوص للمكرونه والصوصات الخاصه بها علي الاسرة والطفل بسرعه .

السلام عليكم ورحمة الله وبركاته



أنا بمووووووووووووت في البيتزا الحارة
عملتها وطلعت حلوة جدااااااااااااااا
بصوا بقا
كل واحدة تجري بسرعة تجيب ورقة وقلم وتكتب ورايا الطريقة والمقادير بالظبط



مقادير العجينة



هاتي 4 او 5 كبايات دقيق مخبوزات
وعلشان ماتحتاريش كتير هاتي دقيق بيتزا
أو دقيق متعدد الإستعمالات
وانخليه
ضيفيله 2 ملعقة زيت و3 معالق سمنة بلدي وعدد 2 بيضة وملح وشوية فلفل علشان زفارة البيض







بعد كده تكوني محضرة الخميرة
حطي كيس خميرة على 3/4 كوب ماء فاتر







لما الخميرة بتفور كده
ده دليل على انها فعالة وهتخمرلك العجين



اعجني المكونات كلها مع بعض
وزودي الميه شوية بشوية بس يفضل الميه تكون فاترة
لحد ماالعجينة تكون لينة
وفي نفس الوقت ماتلزقش في الوعاء







غطيها وحطيها في مكان دافئ وسيبيها تخمر لمدة 1/2 ساعة
بعد كده قطعيها 3 او 4 كور حسب مقاسات واحجام الصواني اللي عندك
وسيبيها متكورة لمدة 10 دقايق
بعد كده بططيها على دقيق وافرديها بالنشابة بحيث ان سمكها مايكونش كبير
خليها رقيقة
اقلبي عليها الصينية اللي هتحطيها فيها وشيلي الزيادات
خرميها بالشوكة وسيبيها تخمر في الصينية لمدة 1/2 ساعة