tadoh :

بسم الله ماشاء الله تسلم ايديكي تحفه والله انا بحب البسيسه جدا

بسم الله ماشاء الله تسلم ايديكي تحفه والله انا بحب البسيسه جدا

*فراشةالربيع* :

يابنات اللي بيسأل على بسكوت التشيز كيك عملته بنفسي مرة بس كان مش هش كان جامد شوية بس لما طحنته كان طعمه جميل جداااااا وطلع حلو أوي في التشيز كيك بس إن شاء الله ناوية أغير شوية في المقادير اللي عندي ولما أعمله تاني هقوللكم على النتيجة بس الصورة اللي نزلتهالكم كنت عاملةالتشيز كيك ببسكوت ماري مطحون ومعاه رشة قرفة عشان تغطي على ريحة بسكوت ماري عشان مش بحب ريحته بالنسبة للجبنة جميلة في التشيز كيك جربوها وهتعجبكم إن شاء الله طريقتى في التوبينج إني بعمل الجيلي عادي وأحطه في التلاجة وجبت الفراولة قطعت كل واحدة نصين ورشيت عليها شوية سكر ودخلتها التلاجة لما الجيلي قرب يتماسك حطيت جواه الفراولة ودخلتهم شوية تاني 5 دقايق كان لسة برضو الجيلي طري شوية مش إتجمد أوي أخدت حبات الفراولة ورصيتها على الكيكة وبعدين صبيت فوقيها الجيلي كان قوامه زي صابون الفيري وبالطريقة ده الفراولة كانت أصلا متغلفة كويس بالجيلي وإتشربت من طعمه بالنسبة لعجينة البيتزا شوفوا أنا ياما باظت مني في أول تجارب لحد ماأدركت الخطأ في نقطتين التخمير أو الفرن أولا الفرن عشان تطلع البيتزا حلوة ومستوية كويس من فوق وتحت في نفس الوقت حطي الصينية في الرف اللي في النص وعلى أعلى درجة هتاخد ربع ساعة أو تلت بالكتيييييييير بالنسبة للتخمير شوفي لازم الأول تجربي الخميرة أيا كانت طازجة أو بودرة في شوية ميه نص كوب مية دافيه مع معلقة كبيرة سكر وتسيبيها 10دقايق لحد ماتفور وتعلى وتملى الكوباية بعد كده لما تعجني وتخلصي عجن وتسيبيها تخمر تاني لازم لازم تتضاعف فعلا في الحجم لو مش وصلت لكده إستنى عليها تاني لو لاقيتى إن مفيش فايدة وحجمها مش وصل للضعف إعرفي إن الخميرة بايظة خسارة تتعبي نفسك وتكملي وفي الأخر هتترمي حد منكم هيقول طيب مااحنا جربنا الخميرة الأول في شوية مية أقوللكم برضوا المهم النتيجة النهائية أصل أنا ملسوعه من الموضوع ده كذا مرة كنت بستعمل خميرة زفت الشام طبعا عارفينها وكانت تفور في الكوباية تقولي عليها تمااااام وبعد ماأحطها في العجينة العجينة يدوب تعلى حجة بسيطة أوي وأستنى كتيييييييير ومفيش فايدة أقوم مكملة تقوم البيتزا بايظة مني ومرة بقى قلت والله ماأنا رامياها رحت مزوده خميرة بلدي دوبتها في شوية مية ورجعت عجنت العجينة تاني وزودت دقيق شوفوا بقى لو العجينة خمرت معاكي تماااااااام أكيد البيتزا هتضبط معاكي مش مهم المقادر إيه أي مقادير هتطلع حلوة المهم إن العجينة تكون ناجحة وخمرانة كويس كمان في ملحوظة عشان تطلع معاكي البيتزا طرية وهشة أوي أولا بعد ماتفرديها في الصينية سيبيها تريح حوال 10 دقايق قبل ماترصي عليها التوبينج ثانيا لو هتخبزيها علطول متخرميهاش لكن لو هتحتفظي بيها بطريقتى اللي قلتلكم عليها كأقراص بيضا بدون حشو ساعتها خرميها عشان مش تقب منك زي العيش بالنسبة لمقادير العجينة جربت حاجات كتير والحمدلله كلها حلوة لأن البيتزا طعمها بتأثر أكتر بالمكونات الي فوقيها مش بطعم العجينة المهم تكون ناجحة وهشة يعنى جربت عجينة نص كيلو دقيق وربع كوب زيت وبيضة وملح وفلفل إسود وكنت بأعجن بلبن أو خليط لبن ومية وكيس خميرة كانت بتطلع حلوة بعد كده قللت الزيت بقى يدوب معلقتين كبار أو تلاتة وشلت البيضة وبقيت أعجن بمية برضو حلوة زي ماقلتلكم المهم عجينة ناجحة ومستوية صححححححح يعنى في عجينة البيتزا مش تتكلفى أوي وكذلك المعجنات المحشية بالتونة لكن لو هتعملي من العجينة فطاير بالجبنة أالزعتر أو لحوم أو فراخ الإضافات اللي زي البيضة والزبادي واللبن بتظهر الطعم أكتر

يابنات اللي بيسأل على بسكوت التشيز كيك عملته بنفسي مرة بس كان مش هش كان جامد شوية بس لما...