أنا النهارده هعمل بسله و رز و فراخ و سلطه علشان جوزى زهق من النواشف
اللى اعرفه بخصوص الباشاميل إن فى منه تقيل اللى هو بتاع المكرونه بالباشاميل و بيتحطله بيض و واحد خفيف اللى بيبقى مع صينيه المكرونه بالفراخ و المشروم و ده مش بيتحطله بيض صح كده؟

السلام عليكم

ام كريم ولجين كنتي بتسالي عن الكورن سيرب هل هو عسل الجلوكوز بصي هما فعلا والله اعلم نفس الشيء لاني فتره دورت هنا علي عسل الجلوكوز عشان اعمل الميروار بتاع الشيف حسن مالاقيتوش ولما عملت سيرش عالنت في اكتر من مكان كاتبين انهم نفس الشيء وفعلا استعملت الكورن سيرب في عمل الميروار وطلع نتيجته حلوه

النهارده عملت صينيه رقاق وشوربة شوفان ولحمه مشويه وسلطه خضرا

انا برده يا ام كريم كنت عايزه اعرف الفانيليا السايله دي منين وكمان ملونات الطعام ...هابقي اروح ابص عليها افتكر ممكن الاقيها في السوبرماركتات الكبيره زي الفا ماركت لو لقيتها هاقولك .....

امبارح عملت شاورمه فراخ طلعت حلوه قوي قطعت الفراخ شرايح وبصل شرايح خفيفه وقلبته علي النار بزيت زيتون وبعدين قطعت فصين توم كبار شرايح بالطول وقلبت لغايه لما البصل دبل وقطعت طماطمايه وفلفل اصفر واحمر شرايح بالطول وحطيت ماجي وتوابل ونقطه قرفه وشويه خل وملح وفلفل اسود وفي الآخر حطيت الفراخ وقلبتها وسبتها لغايه ما استوت

وعملت جنبها رز ابيض بسمتي ....وكان عندي طبق مكرونه صغيره مسلوقه فايض فقولت استغله جبت علبه تونه وصفيتها كويس وحطيتها ونص علبه دره حلوه وقطعت فلفل الوان وزيت زيتون ونقطه خل وطبعا رشه ملح وفلفل وقلبتها وحطيتها في طبق جميل مفرود وزوقت جوانب الطبق بالجزر والطماطم وكان طبق سلطه خفيف وجميل .....وعملت معاهم سلطه طحينه .....كانت اكله خفيفه لطيفه

عندك حق يا ام كريم ....هو هنا في درب البرابره افتكر ان الحاجات دي بتبقي رخيصه هناك بس انا للاسف عمري ما رحت ....كسل بعيد عنك ....بس ان شاء الله مره كده هاشد نفسي واروح