ام كريم ولجين طبعا عارفه ان العسل ارخص لكن انا في جده مش في مصر

شوربة الشوفان انا بعملها عادي خالص ديه اسهل واسرع شوربه بس بتكون محتاجه يكون عندي شوربه حلوه وبغليها واحط فيها معلقتين شوفان يغلوا شويه صغيره واطفي وطبعا ما نكترش شوفان لانه بيتقل وساعات بصفر بصله في سمنه واحط عليها الشوربه وبعد كده الشوفان بيبقي طعمها زي شوربة الحمام

اه بالمناسبه ....امبارح كنت باتفرج علي قناه فتافيت عملت الدونتس جابت عجينه بيتزا جاهزه وفردتها وقطعتها دواير مفرغه يعني حلقات وقلتها في الزيت طلعت منفوشه وحلوه وبعدين حطتها في طبق فيه سكر وقرفه كان شكلها جميل وفكرتها سهله جدا للطوارئ ......

صباح الخير يا بنات
شكل السلطه دى هتبقى حلوه يا عزه تسلم ايديكى بس مش عارفه ليه أنا مش متخيله التونه دى فى اى حاجه رغم إنى كلتها قبل كده مع المكرونه و كانت حلوه اوى و عليهم صوص أبيض بس عايزه مره أجرب سلطه المكرونه مع التونه دى لأنى سمعت عنها كتير إنها حلوه

عزه إنتى مش بتدخلى المضيفه ليه؟

جربيها يا شيماء ....بجد حلوه وخفيفه والتونه مع المكرونه بيبقي طعمها جميل ولو فيه اي صوص معاهم بتبقي احلي

لا بادخل يا شيماء بس حاسه ان المضيفه اليومين دول هاديه قوي ......