*فراشةالربيع* :

أنا جربت الحلو ده تحححححححححححححححفة بس عملته في قالب تارت مدور وطبقة الكرست ضفتلها رشة قرفة وإستخدمت جوز هند مبشور بس خشن شوية مش القطع ومش الناعم وبعد مافردتها في الصينية غرست فيها قطع عين جمل وعملت الطوفي مش بنفس الطرقة بتاعتها حطيت نص كوب سكر مع معلقتين كبار مية وزيهم جلوكوز على النار لحد ماعمل كراميل دهبى نزلت عليه بنص كوب قشطة ونظرا لأن القشطة كانت بتروب وتكلكع أول ماأحطها على الكراميل دوبت فيها من الأول رشة بيكربونات الصوديوم ده بتمنع روبان الألبان يدووووووووب رشة وتدوبيها كويس في القشطة طبقة الكرست بتطلع طرية من الفرن يعني لما تاخد اللون زي اللي في الصورة طلعيها ومتقلقيش مجرد ماتبرد بتقرمش لو حد عنده سؤال فيها أنا تحت أمره بس معلش مصورتش بتاعتي ترنشات الكراميلا و الشكولاته السلام عليكم عندنا حلو و ان شاء الله يعجبكم و دى اول مره اعمله علشان كده انا عملت نص المقدار اللى مكتوب مقادير الطبقه الاولى 90 ج جوز هند -75ج سكر بنى - 90ج دقيق ذاتى التخمير -100ج زبده طريه -م\ص فانيليا سايله و اذا مافيش نستعمل العادى للكراميل 400ج حليب مكثف محلى -30 ج زبده -2م\ك دبس السكر ( انا استخدمت العسل الاسود لانى لقيت ده معناه فى الترجمه و مشى الحال) 2م\ص نسكافيه مذوب فى 2 م\ص ميه مغليه للتغطيه 120جرام شكولاته خام بس خفيفه -60 ج زبده نسيحهم فى حمام ميه على فكره تحسى المفادير كتيره بس فى عمايلها سهله و متاخدش و قت الطريقه-------- اول شىء سخنى الفرن اول ما تبتدى تحضرى المقادير 180 درجه نخلط الدقيق مع السكر البنى مع جوز الهند كويس و نعمل حفره فى النص و نضع الفانيليا ثم الزبده و نخلطه بالراحه بالشوكه مثلا او باطراف الاصابع كانك بتفتتيه من بعضه لغايه مايندمجوا مع بعض و تحطيه فى صنيه تناسب الكميه و تكونى حاطه ورق زبده علشان مايلزقش و تساويه بضهر المعلقه علشان يتساوى كله و تدخليه الفرن من 12:15 دقيقه بس و فى الرف اللى فى النص و هايكون طرى وده شكله لما تطلعيه و هو سخن كده تحطى عليه طبقه الكراميل تعملى الحشوه او الطبقه التانيه تخلطى المفادير مع بعض بالمضرب 5 دقايق وده شكله تحطيه على طول على الطبقه الاولى و تدخليه الفرن 10 دقايق بس و تطلعيه و تسبيه يبرد تماما و تدخليه التلاجه لمده ساعه و بعديت تيجى للطبقه الاخيره تسيحى الشكولاته و الزبده فى حمام ميه و تحطيهم على طبقه الكراميل و تساويها و بتدخليه التلاجه تانى و لغايه ما تتاكدى انه مسك نفسه قولى و تقطعيه و تقدميه اول طبقه فيها قرمشه حلوه قوى جربوه و ان شاء الله هايعجبكم

أنا جربت الحلو ده تحححححححححححححححفة بس عملته في قالب تارت مدور وطبقة الكرست ضفتلها رشة قرفة...