madam_mohd مرسي يا حبيبتي..ربنا يخليكي...انا قصدي اني استخدم الجناش عشان يبان فيه يعني طعم الشوكولاتة ...ولا ايه رايك؟؟؟...بس انتي بقي قوليلي علي طريقة الجناش عشان يبقي متماسك و بيلمع...متشكرة يا قمر

الله يطمنكم يا بنات يعنى مفيهاش سلق الحمدلله
:27:

دندون
الله يخليك ارضى عنى شويه والله البسبوسه كنت حريفه فيها واصلا اللى اعد يزن عليا اخو جوزى
عملتها لهم قبل كدا وكل ما يشوفنى يقولى مش هتعملى لنا البسبوسه الخطيره بتاعتك بقى
لكن لست ادرى ما الذى حدث :icon33:

والممبار كانت مكتوب عليه ممبار بس
مش محشى خخخخخخخخ :35:
وانا اقصى معلوماتى عنه البتاع دا بسمعكم بتتكلمو عنه هنا
لكن لا عمرى دقته او فكرت اعمله ولا كان هيحصل بس الزمن وعمايله :icon33:


اه صحيح
نسيت اطمنكم على نورا هيا كانت فى الاردن شهر اجازه
ورجعت دلوقتى لقواعدها سالمه هتجمع افكارها وحالها اليومين دول وتدخل ان شاء الله

يا جماعه ممكن طريقه السينابون الحلو اللى انتم بتتكلموا عليه اعتقد بتاع ام كريم ولجين

دي طريقه السينابون يا هبه.


2ونصف دقيق عليهم نصف كيس دريم بتاع الكريم شانتيه عليهم معلقه صغيره خميره عليهم 1 معلقه كبيره سكر ذره ملح بيضه نصف كوب زيت ماء دافئ للعجن اخلطي المواد الجافه مع بعضها وبعدين ضيفي الزيت والبيض وبعدين حطي الميه واعجني لحد ما تتلم معاكي عجينه.
سبيها تخمر لحد ما تتضاعف وبعدين افردي العينه وادهنيها زبده كويس وحطي قرفه علي السكر حس ما بتحبي انا استعملت سكر بني ممكن اللي عاوز يستعمل سكر ابيض .
ولفي العجينه رول وقطعيها الحجم اللي انت عوزاه رصيه في الصنيه وسبيه ساعه يخمر ولعي الفرن علي 200 وبعدين حطي الصنيه وبعد 10 دقايق بصي لو استوي من تحت ولعي عليه دقيقتيين من فوق.
ولما يطلع زوقيه زي ما انت عاوزه.


انا بقي عملت دا النهارده وصورته بس البلوتوث في حاجه عمتا بكره باذن الله هنزلكو الصور طلع حلو قوي .





المقادير
تلات ارباع كوب زبده بدرجه حراره الغرفه(170غ).
نصف كوب سكر بني فاتح مكنش عندي فاتح فحطيت غامق(105ج).
نصف كوب سكر ابيض ناعم مش بودره زي الاسره كده.(100غ).
1 بيضه كبيره.
ا م/ش فانليا.
تلات ارباع الكوب زبده الفول السوداني ناعمه او خشنه(185غ)
2كوب دقيق (260غ)
نصف معلقه شاي بيكنج صودا.
ربع معلقه ملح.
نصف كوب قطع فول سوداني او شوكلت شبس بس انا مش حطتهم.

الطريقه نخلط السكر الابيض والبني والزبده مع بعض من 2 الي 3 د.
وبعدين نحط البيضه والفانليا ونخلط تاني.
نحط زبده الفول السوداني ونقلب.
ننخل الدقيق مع الملح والبيكنج صودا.
نضيف خليط الدقيق علي خليط الزبده والسكر والبيض والفول السوداني هنا قلبي بايدك تقلبتيين كده لحد ما تتلم العجينه معاكي وتبقي مفروله زي الكوكيز متكتريش عشان مش ينشف.
حطيه في التلاجه وبعدين طلعيه وشكليه انا كورت كور صغيره وبعدين ضغت عليها مره بالشوكه بالطول ومره بالعرض ادت نفس الشكل اللي فوق في الصوره ودخلتها علي فرن مسخن سابقا 180د لمده 10د


سماح انا عملتلك طلب صداقه في الفيس بوك ابقي اقبليني انا عرفتك بالصدفه وربنا يستر ليكون سماح تانيه بس ان شاء الله لا تطلع انت باذن الله