mira2 :

شوفوا الاكله دى شوفتها من يومين فى التليفزيون وعجبتنى وحاعملها ان شاء الله وقلت اقولكم عليها هيا كوردون بلو بس بطريقه مختلفه وحشو مختلف كوردون بلو بالكبده المقادير : لحم شرائح بفتيك - كبده كندوز - توم - ملح - فلفل - كمون الطريقه : نجهز الحشو عن طريق تشويح التوم ثم نضيف الكبده المتقطعه حتت صغيره ونقلب ونحط الملح والفلفل والكمون وبعد ما تستوى مش بتاخد وقت طبعا نبدا نجهز اللحم نفرد شرائح اللحم وندق عليها علشان نفتح الانسجه وبعدين نتبلها بالملح والفلفل ونبدا الحشو : نفرد شريحه من اللحم ونحط عليها شويه كبده وبعدين نفرد عليها شريحه تانيه من اللحم وتقفل كويس بخله (ممكن نعملها بالطريقه العاديه بانها توضع فى الدقيق ثم البيض ثم البقسماط وتقلى فى الزيت) بس هنا حنعملها بطريقه مختلفه وهيا اننا حنجيب صينيه فرن وندهنها زيت ونرص فيها شرائح اللحم وبعدين ندهن الشرائح من فوق بزيت خفيف وندخلها الفرن ونتابعها ونقلبها على الوش التانى حتى تحمر من الجهتين واعتقد الطريقه افضل للى بيخففوا الدهون وبالهنا والشفا

شوفوا الاكله دى شوفتها من يومين فى التليفزيون وعجبتنى وحاعملها ان شاء الله وقلت اقولكم عليها هيا...

كهرمانة12 :

ورق البردي انا بعتلك طريقة السويسرول بس طالما بسومة كمان طلبته هكتبه هنا وخلاص انا قلت يعني انه معروف بصي ياجميل انا عملته بالطريقة المتعارف عليها فصل البياض عن الصفار كله تقريبا بيعمله بنفس الطريقة مع اختلافات بسيطة زي اضافة الماء الساخن او الدافي ودة متهيالي فايدته اننا نقدر نقلب الدقيق كويس عالصفار انا قريت طريقة اماني كويس وطريقة هند برضو وتقريبا هي واحدة بس زودت الماية اماني قلبت شوية دقيق وشوية بياض دي طريقة اماني(فيها نشا ودة ممتاز مع الكيك الاسفنجي س للاسف نسيت احطه بس اكيد كان هيدي نتيجة ممتازة) 5بيضات مفصولين كوبايه الا ربع دقيق لو عايزاها بنى شيلى معلقتين كبار من الدقيق وحطى بدلها معلقه كاكاو دارك معلقتين كبار نشا رشة ملح وكيسين فانليا كوب سكر هانحط منه ربع فى الاول مع البياض والباقى مع الاصفر بيض الطريقه الاول تضربى البياض بمضرب البيض مع رشه بسيطه من الملح لحد ما تتكون رغاوى كده تقومى ضيفه ربع كوب سكر براحه خالص وانتى شغاله بالمضرب وتفضلى تضربى لحد ما يتكون المارينج الابيض الجميل وتسيبيه على جنب وتبدأى تضربى الصفار مع رشة فانليا واول ما يتخلط الصفار تبداى تضيفى السكر شويه شويه وتضربى لحد ما يعلى الخليط ولونه يفتح عن الاول كده بقى عندك خليط الصفار والمارينج تكونى مجهزه الدقيق والنشا ونخلهم كويس وتضيفيه على خليط الصفار بالتبادل مع بياض البيض يعنى الاول تضيفى معلقه من بياض البيض وتحركى بمعلقه خشبيه من تحت لفوق بالراحه وبعدين تضيفى معلقة دقيق وهكذا بياض وبعديه دقيق وفى الاخر تضيفى ما تبقى من بياض البيض يعنى تبدأى بالبياض وتنتهى بيه وتقلبى وتكونى مجهزه صينيه مستطيله حافتها قصيره متبطنه بورقة زبده وندخلها الفرن على درجة220لمدة 10_15 دقيقه بالكتير مش اكتر من كده مهم اوى درجة حرارة الفرن والوقت علشان تتظبط معاكى واول ما تتطلع من الفرن تقلبيها على ورقة زبده مرشوشه بسكر بودره وتلفيها رول وتحطيها فى التلاجه على بال ما تجهزى الكريمه بتاعتك طبعا الحشو زى ما تحبى ممكن تدهنيها مربى الاول وبعد كده باسترى كريم او كريم شانتيه او الاتنين مع بعض زى ما بيعمل الشيف حسن او ممكن كريمه بس مع قطع فاكهه او بشر شكولاته ويا سلام لو بتحبى النسكافيه تقومى مدوبه معلقه كبيره وضيفاها مع الكريمه وتلفيها تانى وتدهنيها من بره بكريم شانته وتزينيها بالمكسرات او الشكولاته دي طريقة هند: 4 بيضات ( الصفار مفصول عن البياض ) + رشة من الفانيلا وقطرات من الخل كوب سكر بودرة مطحون 4-6 ملاعق ماء دافئ ( انتبهي غير ساخن ) كوب من الدقيق+ ملعقة طعام بيكنج باودر نخفق بياض البيض في وعاء منفصل ( مع إضافة رشة الفانيلا ) حتى يتجمد بياض البيض جيداً نخفق صفار البيض جيداً مع الفانيلا والخل ، ثم نضيف السكر البودرة ونستمر بالخفق ثم نضيف الماء ثم الدقيق بالتدريج حتى نحصل على خليط كريمي متجانس الآن أضيفي بياض البيض فوق الخليط السابق ونقلب بخفة ومن الأسفل إلى الأعلى حتى لا يخرج الهواء الذي قمنا بإدخاله أثناء عملية الخلط ندخله الفرن علي درجة حرارة 180 لمدة ربع ساعة انا اخد معايا 17 دقيقة تحطيه في صاج مدهون ومفروش بورق زبدة اول مايطلع قلبته علي فوطة وبعدين استهدي شوية ونقلته علي ورق فويل مرشوش بسكر بودرة ولفيته بالراحة مع الضغط ودخلته التلاجة يرتاح واما برد خالص طلعته دهنته ولفيته تاني وقفلت عليه بالفويل ودخلته يسقع كويس ويرتاح اسماء....اخبارك ايه ياقمر انتي لسة موصلتيش لحل مع البسبوسة طب ماتجربي البسبسوسة الكب كيك بتاعة هند والله العظيم تحفة تحفة انا عملتها كتير سهلة جداااااااا ونجاحها مضمون ان شاءالله والله لسة بقول لفاطمة عملتها من يومين كان عندي ضيوف لقيت الضيفة داخلة لي المطبخ بتقولي ايه الريحة الجبارة دي واول ماشافتها انبهرت بيها لان فعلا شكلها جديد وماشاءالله المقدار خلص واحنا قاعدين من جمالها بس كليها لما تبرد ومش بتاخد شربات كتير ودة جمالها معلقة كبيرة علي كل كب دة تطبيقي

ورق البردي انا بعتلك طريقة السويسرول بس طالما بسومة كمان طلبته هكتبه هنا وخلاص انا قلت يعني انه...

ايزيس 2000 :

السلام عليكم كل عام وانتن بالف خير عيد سعيد عليكم ازيك يا ورق البردي بصي يا قمر عايزين فسح كتير علشان الاجازة كبيرة فين الهمة والافكار

السلام عليكم كل عام وانتن بالف خير عيد سعيد عليكم ازيك يا ورق البردي بصي يا قمر عايزين...