شيز كيك بالفرن
المقادير
القاعدة :
100 جرام زبدة لينة
2 كوب بسكويت مطحون
الكيك :
600 جرام جبن كريمي ( فيلادلفيا او كيرى )
4/3 كوب لبن
1 كوب سكر و ممكن زيادة لو حابين

4 بيضات

كوب قشطة او كريمة حامضة .. ( كريمة جهينة التقيلة اوي هتفي بالغرض )
3 ملاعق كبيرة دقيق ابيض منخول
فانيليا
الطريقه
نطحن البسكويت ونضع عليه الزبده ثم نفرده فى الصنيه كقاعدة بحواف
نشغل الفرن على درجة حرارة متوسطة .
.
في اناء الخفق .
. نضع السكر و الجبن الكريمي و نخفقهم معا لحد ماوصل لخليط ناعم
بعد كدة كل الخفق هيبقى يدوي بالمعلقة ..
نضيفاللبن. و نقلب ببطء شديد حتى التجانس
نضيف البيض .. بيضة و نقلب بخفة لحد ماتختفي و هكذا .. بيضة واحدة في كل مرة .. لحد ما الاربع بيضات يخلصوا ..
نضيف الكريمة و نقلب برضه لحد التجانس .. و نضيف الفانيليا
و بعدين نضيف الدقيق معلقة معلقة .. و نقلب بالراحة لحد مانوصل لخليط متجانس .
نصب الخليط في الصينية
نضع الصينية في صينية اكبر منها فى حمام مائى وتسوى فى الفرن فى الرف الاوسط لمده ساعه بدون ان نفتح الفرن وبعد كده نسيبها تبرد فى الفرن عشان متنشفش
بعد ما تطلع نحط عليها مربى فراوله او شكولاته سائحه او كراميل

الفراخ المحشيه
نجيب فرخه كبيرة وتنظف جيدا بالملح والليمون
نعمل تتبيله للفراخ عباره عن ( ملح + فلفل + شطه + كارى + حبهان + ورق لورا + قرنفل + قرفه + فص ثوم +1/4 فنجان زيت + 2 ملعقه خل ) يتم ضربهم معا فى الخلاط ثم نتبل الفرخه جيدا ونضعها فى الثلاجه على الاقل 2 ساعه
الحشوه
نجيب 3 بصله ونبشرها ثمن نضع عليها ربع كوب ماء وتترك على النار حتى يذبل البصل ثم نضع عليه 1/4 كوب زبيب وملح وفلفل
نجيب الفرخه ونحشيها بالبصل والزبيب ونربك رجليها كويس
ونضعها فى صنيه ونغطيها بورق فويل ونحطها فى الفرنلمده ساعه ثم نشيل الورق الفويل ونتركها 1/2 ساعه اخرى
ولما تخرج نسيبها تبرد وبعدين بالهنا والشفا‬