كوبونات الراقية تسجيل الدخول

ام زوما
ام زوما •
شكرا ليكى يا حبيبتى
ربنا يبارك فيكى يارب
احنا 5 افراد وكله بيحب البيتزا وباعمل على الاقل صينيتين كبار يبقى كدة فعلا هتاخد وقت كتير وكهربا كتير
ولو على التسخين انا عندى ميكرويف
بس برضه عاحبانى ويمكن اشاور عقلى واجيبها
معلشى هتعبك معايا شوية عاوزة اشترى عجانة وشفت حاجات كتير بس مش عارفة استقر
لو عندك فكرة ياريت تفيدينى وجزاك الله كل خير
*فراشةالربيع*
*فراشةالربيع* •
tadoh tadoh :
فراشه الربيع الله اكبر بسم الله ماشاء الله عليكي ربنا يحفظك يارب كله اكتر من روعه ربنا يحميكي يارب بس ربنا يسعدك لما تفضي انا مش مستعجله ياريت الجلاش الخطير ده بالتفصيل اكترشكله يجنن وربنا يسهل امورك يارب ويرزقك ماتتمنين وزيادة ويطعمكم من ثمار الجنة .
فراشه الربيع الله اكبر بسم الله ماشاء الله عليكي ربنا يحفظك يارب كله اكتر من روعه ربنا يحميكي...
ده النهاردة يوم الحماس بلاش نضيعه

شكرا على دعواتك الجميلة ويارب لكي بالمثل ولزوجك وللمسلمين أجمعين

أولا حشوة الجلاش تشكيلة جبن رومي مبشورة وشيدر مبشورة وقريش وبيضة للكمية عشان بس تتماسك الحشوة بعد الخبز نفس فكرة الفطير المحشي بيحطوا بيضة مع الحشو

إخلطي شوية زيت مع سمن أو زبدة سايحة

جيبي راقة جلاش وإدهنيها زيت خفيف ثم واحدة تانية فوقيها وتالتة وبعدين تجيبي الرابعة تطبقيها أربعة مربع يعني وبين الطبقات برضو زيت خفيف وتحطيها فوق الورقتين الأولانين في نصهم مش بينهم لأ في مركزهم يعني عشان تحطي عليها الحشوة




0برضو نفس فكرة الفطير بيحطو في النص راق صغير عشان الحشوة متخرمش الفطيرة)فاهماني

بعدين إفردي الحشوة على الطبقة المطبقة أربعة وإقفلي عليها بالزوايد اللي باينة من الطبقات المفرودة

إعملي على الوش خطوط بالسكينة شقوق سطحية بس عشان لما تتسقي لبن

إدهني الصينية زيت كويس حطي الفطيرة وشربيها بشوية لبن حطيها في الفرن على نار أكتر من متوسطة وخليها في رف قريب من النار بتاخد 10 دقايق يمكن لما تتلون من تحت بعدين حمري وشها تحت الشواية

بتطلع مورقة زي طبقات الفطير
حاسة إن شرحي غبي أوي
بس إن شاء الله أعملها قريب وأصورها خصوصا عندي جلاش في الفريزر عايزة أستعمله وجربت الفطير تعبني جدا في عمايله والنتيجة بالجلاش طلعت أحسن منه
*فراشةالربيع*
*فراشةالربيع* •
ام زوما ام زوما :
شكرا ليكى يا حبيبتى ربنا يبارك فيكى يارب احنا 5 افراد وكله بيحب البيتزا وباعمل على الاقل صينيتين كبار يبقى كدة فعلا هتاخد وقت كتير وكهربا كتير ولو على التسخين انا عندى ميكرويف بس برضه عاحبانى ويمكن اشاور عقلى واجيبها معلشى هتعبك معايا شوية عاوزة اشترى عجانة وشفت حاجات كتير بس مش عارفة استقر لو عندك فكرة ياريت تفيدينى وجزاك الله كل خير
شكرا ليكى يا حبيبتى ربنا يبارك فيكى يارب احنا 5 افراد وكله بيحب البيتزا وباعمل على الاقل صينيتين...
أه مننا معشر الستات بنموت في بعزقة الفلوس
لسة جوزي عمال يبكتني على الشواية ويقوللي ملهاش لازمة خااالص وأنا أقولله هتنفع هتنفع مسيري هلاقيها شغلانة حاطاها في المطبخ زينة

هرد عليكي على الخاص
ام زوما
ام زوما •
والله عندك حق احنا مهووسين بالشراء
ييجى جوزك يشوف شوايتين مركونين عندى فى المطبخ وحاجات كتير والله مالية الدواليب والنيش
ربنا يسامحنا بقى
*فراشةالربيع*
*فراشةالربيع* •
نسيت حاجة صحيح
ده الفراخ عملتها بطريقة رشا عملتها تالت يوم العيد وكنت متبلاها من يوم الوقفة
محطتش على التتبيلة ملح غير أخرليلة بس وسويتها على الرف الأخير في الفرن قريب من النار خدت ساعة إلا ربع تقريبا
ومعاها حتتين لحمة من اليوم اللي قبله
سخنتهم جنب الفراخ في الأخر

طعمها واو وطرية ومستوية جدا عجبتني أنا وعمور ولون اللحم من جوة أبيض على بمبي رهيب زي الجاهز بس طبعا جوزي بينه وبين الفراخ عداء فظيييييييييييييييييع فأكل حتتين اللحمة بس

181120102094

181120102100


تسلميلي ياروشا ويارب ترجعي بالسلامة