ده النهاردة يوم الحماس بلاش نضيعه
شكرا على دعواتك الجميلة ويارب لكي بالمثل ولزوجك وللمسلمين أجمعين
أولا حشوة الجلاش تشكيلة جبن رومي مبشورة وشيدر مبشورة وقريش وبيضة للكمية عشان بس تتماسك الحشوة بعد الخبز نفس فكرة الفطير المحشي بيحطوا بيضة مع الحشو
إخلطي شوية زيت مع سمن أو زبدة سايحة
جيبي راقة جلاش وإدهنيها زيت خفيف ثم واحدة تانية فوقيها وتالتة وبعدين تجيبي الرابعة تطبقيها أربعة مربع يعني وبين الطبقات برضو زيت خفيف وتحطيها فوق الورقتين الأولانين في نصهم مش بينهم لأ في مركزهم يعني عشان تحطي عليها الحشوة
0برضو نفس فكرة الفطير بيحطو في النص راق صغير عشان الحشوة متخرمش الفطيرة)فاهماني
بعدين إفردي الحشوة على الطبقة المطبقة أربعة وإقفلي عليها بالزوايد اللي باينة من الطبقات المفرودة
إعملي على الوش خطوط بالسكينة شقوق سطحية بس عشان لما تتسقي لبن
إدهني الصينية زيت كويس حطي الفطيرة وشربيها بشوية لبن حطيها في الفرن على نار أكتر من متوسطة وخليها في رف قريب من النار بتاخد 10 دقايق يمكن لما تتلون من تحت بعدين حمري وشها تحت الشواية
بتطلع مورقة زي طبقات الفطير
حاسة إن شرحي غبي أوي
بس إن شاء الله أعملها قريب وأصورها خصوصا عندي جلاش في الفريزر عايزة أستعمله وجربت الفطير تعبني جدا في عمايله والنتيجة بالجلاش طلعت أحسن منه
ده النهاردة يوم الحماس بلاش نضيعه
شكرا على دعواتك الجميلة ويارب لكي بالمثل ولزوجك وللمسلمين...
أنا لما حطيتهم على الرف الشبك مش حطيت تحتهم صينية عشان ماتقللش الحرارة اللي واصلالهم لأ فردت ورقة فويل متنيه إتنين حطيتها على صاجة الفرن تحتهم مباشرة عشان لو أي دهون متجيش على الصاجة وتتحرق وفي أخر عشر دقايق ولعت فحم ورحت حاطاه على الفويل ده وقلبت فوق الفراخ صينية كأني مغطياهم من فوق عشان لما الدهون تنزل من الفراخ تدخن الفحم والصينية تحبس الدخان على الفراخ
شرح زبالة عارفة كنت هطلع مدرسة خاااااايبة