اولا قبل كل شئ سيرفر الموقع هنا من سئ لاسوأ بيقع بالساعات
مروة....متهيالي ينفع ياجميل في الصينية بس لازم تفردي ورق زبدة يعني تدهني الصينية وبعدين تفردي عليها ورق الزبدة وبعدين تدهنيه هو كمان حتة زبدة وتحطي السويسرول غير كدة السويسرول هيتقطع سواء صاج او صينية لازم ورق زبدة
رشا...ايه رايك في العك جربيها والله روعة
منمن......امبارح كنت بقلب لقيت دة بالصدفة واحدة عندها الميكروويف كينوود 3*1 واحد نفس بتاعك بتعمل فيه الحاجات دي
ومبدئيا اكيد الكل عارف ان الاواني المستخدمه في الميكرويف لازم تكون
بيركس او اركوبال او صيني وفخار بشرط ما يكونش فيهم اي سطح لامع الفضي او الدهبي
يعني احيانا بتكون الاطباق او الصواني فيها حز دهبي او فضي او اي الوان فيها دهبي او فضي
دي غلط على الميكرويف وفيه بعض المعلبات السليكون خاصه بالميكرويف وبيبقى مكتوب عليها
تاني حاجه بردو غلط وهي غلي اللبن او سلق البيض دول ممنوعين في الميكرويف
نبدء بالاكلات اللي دايما بعملها في الميكرويف
والميكرويف اللي عندي هو كينوود 3في واحد
ميكرويف + شوايه + فرن
***اولا الكيكه بانواعها الشيكولاته او الاسفنجيه او العاديه اي نوع كيكه انتي بتعمليها
وفي الميكرويف بشغله على زرالميكرويف بدرجه حراره 100 واظبط على ربع ساعه وبعدها تكون خلصت
ولو عاوزه تعملي كيكه في 3 دقايق بالظبط هتحطي
4ملاعق كبيره دقيق 4ملاعق كبيره سكر 2ملاعق كبيره كاكاو بودره 3ملاعق كبيره حليب سائل 3ملاعق كبيره زيت 2 ملاعق كبيره ماء 1بيضه 1ملعقه صغيره فانيليا نص ملعقه صغيره BP((بكنج بودر))
وتضربيهم كويس وتحطيهم في مج او طاجن فخار صغير
وتدخليهم الميكرويف بردو على 100 لمده 3 دقايق وتبقي تمام
****تاني حاجه الخضار
هتعمليه بطريقتك العاديه اللي بتطبخي بيها بس طبعا لو هتحمري بصل بيبقى على بوتجازك
وبعدها بتحطي الخضار في الحله البيركس او النوع اللي عندك وفي الميكرويف
انا بالنسبه ليه الخضار بيبقى على A4 وبعدها بيطلب مني الوزن
يعني لو نص كيلو هتختاري ال 500 جرام او اقل او اكتر على حسب وزن الخضار
وبعدها تدوسي START وهو هيسويه ولو خلص الوقت ولاقيتي الخضار ناقص سوا
هتعيدي من تاني نفس الخطوات بس طبعا هتقللي الجرامات او ممكن نفس الجرامات عادي
بس تدوسي ستوب STOP في الوقت اللي انتي عاوزاه بس مره واحده بس
عشان تتاكدي من السوا مش شرط يعني تكملي البرنامج للاخر
ممكن توقفيه في اي وقت لما تحسي انه خلاص استوى ولو لسه هترجعي تدوسي تاني START
وهو هيكمل وهكذا ولو شوفتي انه استوى قبل ما يخلص البرنامح هتدوسي STOP مرتين ورا بعض
البطاطس بعملها في برنامج لوحدها بالنسبه للميكرويف بتاعي بيبقى A2 وبتشوى البطاطا في نفس البرنامج بس بتلفيها في ورق
وكل ميكرويف اعرفي برنامجك اللي هتستخدميه من الكتالوج بيبقى مكتوب فيه كل حاجه وكمان بعضص الميكرويفات بيبقى مكتوب على الجهاز نفسه بعض البرامج الاسا سيه
***كمان فيه برنامج للبيتزا بتعمليها وتعجنيها وتحطيها في صنيه بيركس ومعاها الاضافات بتاعتها وتحطيها في الميكرويف انا عندي بعملها على A9
وبيطلب منك بردو الوزن بالجرامات تضفيه وتدوسي START وتبقى تمام
***بعمل فيها كمان فراخ مشويه و حمام مشوي او سمان مشوي
بتتبليها بطريقتك عادي وتشغلي برنامج الشوي
بالنسبه لي بيبقى A10 وبشغل التلاته مع بعض الشوايه والميكرويف والفرن
لما بتضغطي على برنامج الفراخ وتدوسي ستارت بيبقى عندك كذا اختيار
ممكن ميكرويف بس او شوايه وميكرويف مع بعض او التلاته اعمليها للبرنامج اللي تفضليه
وكل برنامج له وقت بساقصى وقت وده للفرخه الكبيره بيكون ساعه الا ربع
انا بتاخد مني وقت 36 دقيقه لو حاطه 4 حمامات او سمان او فرخه
حوالي كيلو ونص لو اكبر بتاخد حوالي 45 دقيقه
والفراخ البانيه بشويها بردو في نفس البرنامج
***اللحمه ممكن تشوي الريش او اللحمه اللي فيها دهون وليها برنامج خاص بيها
لكن لو لحمه عاديه وحمرا ما انصحكيش لانها بتنشف ومش بتبقى حلوه
وكمان بعمل المكرونه البشاميل فيه بردو هتعمليها عادي بطريقتك
وتحطيها في برنامج التسخين لو مش عندي الميكرويف فيه فرن حوالي 6 دقايق
وفي الاخر شغلي الجريل برنامج الشوايه يعني عشان تحمري الوش
وممكن تسلقي المكرونه او الرز بس بتكتري الميه عن الطبيعي الضعف تقريبا
كمان السمك بتبليه من جوا بس وبتحطيه على الجريل وفي الميكرويف على
برنامج السمك انا عندي بيبقى A5 وبردو بتحددي الكميه
وتشغليه وبيبقى تمام في معاده
***واهم حاجه ودايما بحتاجلها وهي تدويب الاكل المجمد
يعني فراخ او لحمه او اي حاجه عاوزه تفكيها وهي مجمده بفكها في الميكرويف وبتوفر عليه وقت كتير بصراحه
وطبعا بالبرنامج الخاص بازاله التجميد عندي له زرار لوحده بدوس عليه بيطلب
مني الوزن وبحدده وبعدها بدوس تشغيل وهو بيحدد المده اللي هيحتاجها
ويخلصها ولو لاقتيه محتاج تاني وقت او ما فكش كويس بتعيدي تاني وبردو
بتدوسي توقف عشان تتاكدي من الاذابه وتكملي او توقفي على حسب ما
انتي شايفه
***وطبعا التسخين كلنا عارفينه انا بسخن فيه كل الاكل ولو الشاي برد مني بسخنه تاني
وكمان بينفعني في اي عصير للاطفال ومش عاوزه اديهولهم بارد بشغل برنامج
التسخين بس اقل حاجه طبعا عشان ما يسخنش مجرد بس يبقى بدرجه
الحراره العاديه
***وكمان بعمل فيه الفشار من غير دهون ولا زيت بحطه بس في طاجن بيركس بالغطاء او
علبه سليكون بتبقى بالغطاء بردو او ممكنم تشتري الغطاء الخاصه بالميكرويف
وبتشغلي برنامج التسخين لمده 6 دقايق مثلا وتزودي لو مخلصش كل الكميه او تقللي لو هي كميه بسيطه
***كمان بدل من اقلي الهامبورجر او الفراخ البانيه او السوسيس بردو بحطهم في الميكرويف على الجريل واشغله للفراخ البانيه برنامج الفراخ والهامبورجر والسوسيس برنامج اللحوم او برنامج الشوايه زر الجريل
وعلي فكرة استخدام الميكروييف امن جداا لان الاشعاعات بتاعته بتنتهي بانتهاء البرنامج ومش بيكون ليها اي اثار في الاكل
وانا كنت فاكره زيك كده لاني كنت بسمع الكلام ده من الناس لكن لما دورت ممكن تعملي سيرش وهتلاقي مواقع كتير علميه وفيه موقع كمان للصحه موضحه بالادله العلميه كل ما يتعلق بالميكرويف وانه امن جداا وموضحين فكره عمله وكل حاجه تخصه
وخطره الوحيد بيبقى لو فتحتيه وهو شغال من غير ما توقفيه او انه يحصل اي كسر في الباب او تسريب للاشعاع
كله منقول
سماح انت عسل والله دا الكوكيز اللي عاوز يتاكل ولا انا حددي من فضلك.
نفسي اعرف مالها خميره الفرن يا بر........ مش هقول مالها ولا بتدي ريحه واتفرجوا علي معجانتكو هتبقي شكلها ايه خليكو ورا البتاع الفوريه دي ام ريحه استغفر الله كل ده عشان متستنوهاش تدوب احط واقلب يا باي عليكو .
الفيرن يا مروي الزبده مش السمن نفسي افهمك انت واسماء ان في فرق بين السمنه ودي الغاليه دي بنستخدمها للاكل والزبده دي للحلويات دي في قالب مربع زي اللورباك كده يا مروي .
حنون اعك ايه انسي يا ماما وفيها كيك كمان ما انت عارفه اختك .
اماني الحمد لله ولو ان صدرهم وحش قوي لسه بس الحمد لله معلش يا اماني ان شاء الله هنزل الاسبوع ده اصورلك الحاجات والف مبروك علي الميكروييف
نفسي اعرف مالها خميره الفرن يا بر........ مش هقول مالها ولا بتدي ريحه واتفرجوا علي معجانتكو هتبقي شكلها ايه خليكو ورا البتاع الفوريه دي ام ريحه استغفر الله كل ده عشان متستنوهاش تدوب احط واقلب يا باي عليكو .
الفيرن يا مروي الزبده مش السمن نفسي افهمك انت واسماء ان في فرق بين السمنه ودي الغاليه دي بنستخدمها للاكل والزبده دي للحلويات دي في قالب مربع زي اللورباك كده يا مروي .
حنون اعك ايه انسي يا ماما وفيها كيك كمان ما انت عارفه اختك .
اماني الحمد لله ولو ان صدرهم وحش قوي لسه بس الحمد لله معلش يا اماني ان شاء الله هنزل الاسبوع ده اصورلك الحاجات والف مبروك علي الميكروييف
لوليتا v
•
وحشتونى
كلكم
كلكم
معلش ابنى مبوظ الكى بورد معفرت الكمبيوتر باكتب كلمتيين منه بالعافيه
المهم
مش عارفة اقرا ايلى فاتنى بس لمحت ابداعات كده ربنا يزيدكم يارب وابقى زيكم كده
رشا الف سلامه يا جمييل وانتى عامله ايه دلوقتى
سموحتى الف شكر على سؤالك علبا بحبك فى الله
كهرمانتى ما شا الله عليكىعلمينى شطارتك دى
فراشة فراشة وحشتينى فينك طمنينى عليكى ربنا يتم حملك على خير
امانى يا منمن اى مس يووووو اذيك يا جميل فين ابداعاتك بقه الجديدة
فين ام زوما ارجعى ياام زوماا وحشتينا
ربنا مع دون يارب
كلكم
كلكم
معلش ابنى مبوظ الكى بورد معفرت الكمبيوتر باكتب كلمتيين منه بالعافيه
المهم
مش عارفة اقرا ايلى فاتنى بس لمحت ابداعات كده ربنا يزيدكم يارب وابقى زيكم كده
رشا الف سلامه يا جمييل وانتى عامله ايه دلوقتى
سموحتى الف شكر على سؤالك علبا بحبك فى الله
كهرمانتى ما شا الله عليكىعلمينى شطارتك دى
فراشة فراشة وحشتينى فينك طمنينى عليكى ربنا يتم حملك على خير
امانى يا منمن اى مس يووووو اذيك يا جميل فين ابداعاتك بقه الجديدة
فين ام زوما ارجعى ياام زوماا وحشتينا
ربنا مع دون يارب
امانى61
•
ربنا يكرمك يا حنون حاسه بيا والله مش عارفه مرعوبه منه ليه النهارده اول مره اشغله طبعا مش انا خليت جوزى يشغله وانا ببص من بعيييييييد هههههههه وعمال اقراء قران واقول بسم الله الذى لا يضر مع اسمه شىء بجد مههزله خايفين منه طب يتشترووو لييييه ههههههه لا بجد سخنت فيه بيتزا وانا من على بعد والنتيجه تمام الحمد لله تمت العمليه بسلام هههههه بس اكيد ده فى الاول وبعد كده فرررريره طبعا بس برضه فى وجود زوجى العزيز مش هو اللى دبسنى فيه قال يعنى قال والله المستعان
بت يا رشا ايه خميرة الفرن دى مش عندنا اعتقد زمان كانو بيستخدموها هنا عندنا بس دلوقتى للاسف مفيش غير الفوريه حتى فى الافران فيعنى هو احنا لاقينها وقولنا لأ والخميرا اللى فاتت مش تركى اعتقد ماد ان انجلترا والف سلامه على الحلوين ولا يهمك حبيبتى براحتك خالص
لوليتا مى تووووو يا قمر فين غطستى كده منوره يا لولى اما ابداعاتى فا متوقفه عند الميكرويف مش فاضيه وشاغل بالى اوى يا لوليتا لحد ما ناخد على بعض ويبقى فى بينا ود كده واطمئن ليه اسكتى يا لوليتا جيبته لنفسسسى وجوزى ما صدق ههههههه
مها ياحبيبة قلبى متشكره اوى ربنا يكرمك يسعدك دنيا واخره اللهم امين
بت يا رشا ايه خميرة الفرن دى مش عندنا اعتقد زمان كانو بيستخدموها هنا عندنا بس دلوقتى للاسف مفيش غير الفوريه حتى فى الافران فيعنى هو احنا لاقينها وقولنا لأ والخميرا اللى فاتت مش تركى اعتقد ماد ان انجلترا والف سلامه على الحلوين ولا يهمك حبيبتى براحتك خالص
لوليتا مى تووووو يا قمر فين غطستى كده منوره يا لولى اما ابداعاتى فا متوقفه عند الميكرويف مش فاضيه وشاغل بالى اوى يا لوليتا لحد ما ناخد على بعض ويبقى فى بينا ود كده واطمئن ليه اسكتى يا لوليتا جيبته لنفسسسى وجوزى ما صدق ههههههه
مها ياحبيبة قلبى متشكره اوى ربنا يكرمك يسعدك دنيا واخره اللهم امين
الصفحة الأخيرة
شكرا يا كهرمانه علي الوصفه بس انا مش عندي صنيه حوافها رفيعه عندي تيفال مستطيل عادي ينفع ملا لازم بدون حواف؟