lمها
تسلم ايدك
لوليتا
حمد الله على السلامة
ام مرام
دى طريقتى لعمل دجاج تكا
فرخة نظيفة ومتقطعة 4او8قطع ولو تحبى شيلى الجلد بتاعها
وتجهزى تتبيلة من م زبادى وم مستردة و م صويا صوص وم ص توم مفروم وملح وفلفل ورشة جنزبيل ورشة كبابة صينى وكركم وعصير ليمون وم صلصة وم ص سكر ورشة زعتر
تخلطى كله وتتبلى الفرخة وتسيبيها ساعتين ولو من الليل يبقى احسن
وحطيها فى الفرن بتبقى حلوة اوى وخفيفة

الفراخ المشوية
حبة بصل وحبة طماطم وحبة فلفل باضربه كله فى الكيتشين واضيف ملح وفلفل وحبهان وورق لاورا وكبابة صينى وجنزبيل كله بودر واتبل الفرخة من جوة وبرة وممكن تحطى م ك زبادى اسيبها فى التلاجة وكل ماتقعد تبقى احلى واحطها فى كيس الشوى فى الفرن
بتبقى خفيفة وحلوة اوى

وبالنسبة لسؤالك على المحشى
الكرنب بتزودى الكمون شوية وورق العنب بيبقى احلى بزيت الزيتون وتحطى له عصير ليمون مع الشوربة اللى بتسقى بيها
والمحاشى كلها باحط لها شوية جنزبيل وم سكر وباحط فى الحلة من تحت بصل وطماطم وبطاطس حلقات قبل ما ارص المحشى
ويارب اكون افدتك

يا ام مرام

مش اسمها سناك

اسمها كنابيه

جبت مؤخرا زعتر فريش ريحته تحفة وعملته على صوص مكرونة راااااائع احلى من الناشف