ممكن يا بنات طريقه كيكه بدقيق الذره بس تكون مظبوطه لو سمحتم وحد جربها قبل كده

ام يوسف
دى كيكة الذرة المعتمدة عندى ولسه عملاها الاسبوع اللى فات روعة بجد
2كوب دقيق ذرة_1كوب دقيق _اكيس بودر_4بيضة_فانيليا_1ونصف كوب سكر_2م ك سمن_نصف كوب زيت_كوب لبن او عصير برتقال
السمن والزيت والسكر يضربوا مع بعض كويس وبعدين البيض والفانيليا وبعدين اللبن وبعدين الدقيق والبودر المنخولين وتحطيها فى صينية مقاس 30 مدهونة بالسمن ومرشوشة دقيق وممكن تعملى نصف المقدار فى صينية مقاس 22
لو فيه اى حاجة مش واضحة انا تحت امرك

كانت فراشة كتبت طريقتها فى كيكة الذرةوهى:

2كوب دقيق درة أبيض أو أصفر
1كوب دقيق عادي +رشة ملح
كيس بودر
4 بيضات كبيرة +2كيس فانيليا
2كوب سكر أو كوب ونص ممكن
1كوب زيت
1كوب سائل لبن أو مية أو عصير برتقال
تخلطي البيض واسكر والفانليا في الخلاط لحد ما يبيض ويعلى
تضيفي الزيت تدريجيا ثم المية
تفضيهم في حاجة غوطة
تقلبي أنواع الدقيق مع الملح والبودر كويس تحطيهم على السوائل وتقلبي بمعلقة أو مضرب يدوي أو كهربا
تسويها عادي زي أي كيك

ايه الاختفاء اللي انتو فيه ده سموحه فين وكهرمانه ونورا وحبيبه وايمو فراشه ودندونه واماني ايه هو انتو يا تغرقوا الملف حاجات وفاجاه تنقطعوا النشاط راح فين يا تختفوا.

بسوم كل ما ادخل انسي اقولك ان بسكوت الشاي ده مطلعش قوي هو عجب الناس انا نو فاستني علي هجبلك طريقه تانيه احلي هجربها واكتبهاللك وعمتا هكتبلك دي برده

كيكة الذرة بعملها بنفس المقادير الي ام زوما وام جميلة ذكروها بس كباية ونص سكر كفاية اوي مع كباية زيت او نصف زيت ونصف زبدة وبتبقي رووووووعة


رشروشة...مش عارفة فعلا جالنا حالة سبات جماعي كدة مش عارفة ليه حتي انا عندي حالة تناح كدة


يابنات انا وقعت علي ملف تحفة فكرته ان كل الشطورات قايلين تكاتهم في مختلف الاكلات والحلويات ملف حلو ومفيييييد بس مش هقدر ارفعه عشان عليه اسم موقع تاني.... اصل انا فاضلي زلطة واطلع برة
الي عاوزه يقول وانا ابعته له هو علي فايل وورد سهل الفتح وبدون كلاكيع