المقادير 3 ونصف كوب دقيق عليهم معلقه حليب بودره ونصف معلقه ملح وقطعه خميره في حجم عين الجمل مذوبه في كوب الا ربع ماء دافئ معاها 2 معلقه سكر .
بيضه ومعلقتيين زبده نباتي من النوع الجيد.
نصف معلقه صغيره محسن خبز
اولا هنذوب الخميره مع السكر والماء في كوب اول ما تفور
ننخل الدقيق مع الملح مع المحسن .
ونعمل حفره في الوسط ونخلط معلقتيين الزبده معاهم ونحاول نرفه ايدينا لفوق واحنا بنخلط .
وبعدين بعد تجانس الزبده خالص نعمل حفره في الوسط ونحط البيضه ونخلط وبعدين الماء والخميره بالتدريج حتي نحصل علي عجينه متماسكه ولازم نعجن مش اقلل من 10 دقايق..
(عاوزه اقلكو معلومه ان الزبده اللي بنورق بيها لازم تكون نص الدقيق يعني لو استعملتي كيلو دقيق يبقي الزبده نصف كيلو لو استعملتي نصف دقيق يبقي الزبده ربع كيلو وهكذا.
عجينه الكرواسون مبتتخمرش خالص بنسيبها ترتاح بس ولو ارتاحت بيبقي داخل التلاجه
هنقسم العجينه 6 كور
هناخد او كوره ونفردها كده ونبشر فوقيها الزبده انا هنا عملت نصف كيلو دقيق عليه 250 جرام زيده قسمتهم خمس حتت كل حته 50 جرام ودخلتهم الفريزر.
وهنفرد الكوره التانيه ونحطها فوقيها ونضغط عليها بايدينا عشان نخرج الهوا ونقفل اطراف العجينه بايدينا هتبقي شكلها كده.
وهكذا لحد ما ننتهي من الست كور اخر واحده مش هنفرد عليها زبده طبعا.
</B></I>
نسيت اقلكو بعد ما تبشري الزبده امشي بايديك عليها وادهني بيها العجين كله لحد ما يبقي شكلها كده.
هنا خلصت الطبقات كلها فوق بعضها وفردت العجين وشلت الزوايد واوعي ترميها هقولك اعملي بيها ايه.
شوفي الطبقات باينه ازاي
وهنا شكلته وحشيته بالجبنه اعذروني كل حاجه كانت سريعه لان اخويا كان نازل وعاوز يتغدي وكان كمان هياخد الموبيل .
ودا باتيه من نفس العجينه وفاكرين الزوايد اخدتها وبرمتها علي اعواد خشب ورشتها بالسكر والقرفه.</B></I>
هنا دخلتهم الفرن وسويتهم وبرده كنت مستعجله بس يا بنات بعد التشكيل تغطي الكرواسون بكلينج فيل وتدخليه التلاجه ليله كامه يرتاح اولا الزبده هتبقي بارده ومش هتسيح لما تدخليه الفرن وهيخمر بطي عشان تحصلي علي نتيجه احسن ومعلش الصور الاخيره من كاميرا الكمبيوتر.
انا هنا سويته من تحت بس اللي عاوزه تولع عليه من فوق مفيش مشكله بس انا كنت مستعجله.
الاسئله بقي سموحه الروزماري زي ماه من غير ما افركه .
كهرمانه ارحميني من ام ..... خلينا في رشا من المحل جبتها يا كوكو من رف المكرونات عادي.
مهموهتي ازيك يا جميله اخبارك ايه انا كمان كنت يوم الجمعه عامله كنافه بالكريمه ووزعتها علي ماما.
بسمه الجيلاتتين اللي هو بنجيبه نحطه علي التشيز كيك الابيض اللي من غير طعم بس معاه كمان جيلي فراوله.
المقادير 3 ونصف كوب دقيق عليهم معلقه حليب بودره ونصف معلقه ملح وقطعه خميره في حجم عين الجمل مذوبه...
رووووووعه تسلم ايديكى يا رشا
بصى انا بخاف اعمل معجنات فى الشتا علشان موضوع التخمير ده بخاف ما تخمرش والعجينه تبوظ ياريت تقوليلى ايه الحل
والخميره البودره دى أحطها على طول ولا اعملها اختبار الأول وازاى اعمله
معلش دوشتك بس العيال عندى بيحبوا المعجنات وكل ما يقولوا عاوزين اقولهم فى الصيف ان شاء الله لغاية ما زهقوا منى وبطلوا يطلبوا