LOLO 733 :

ما شاء الله عليكى يا لاروزا وصفك للكبيبه وكمان طريقة التفريز واضحه جدا شكلها لذيذه الكبيبه دى بس حاسه ان طريقة تشكيلها صعب شويه عاوزه دقه فى الشغل طيب فيه كبيبه بتتعمل فى الصينيه يعنى بنحط نصف مقدار البرغل وفوقيه الحشو وبعدين النصف التانى للبرغل وبعدين بنحطها فى الفرن حاسه الطريقه دى اسهل بس مش عارفه بالنسبه للطعم بتكون زى اللى بتتقلى ولا لأ

ما شاء الله عليكى يا لاروزا وصفك للكبيبه وكمان طريقة التفريز واضحه جدا شكلها لذيذه الكبيبه دى...

basmahmed :

بمناسبة الجو الحر الجميل اللى مزهقنا كلنا ومش مخلى حد طايق لا مطبخ ولا اكل عملت امبارح اكله خفيفه فراخ مشويه ورز بسمتى وصينية بطاطس من غير طماطم بالبصل والفلفل الرومى والجزر طعمها حلو وخفيف اوى دى البطاطس قبل ما تستوى بعد ما استوت ودخلتها الفرن 5 دقايق الفراااااخ

بمناسبة الجو الحر الجميل اللى مزهقنا كلنا ومش مخلى حد طايق لا مطبخ ولا اكل عملت امبارح اكله خفيفه...

basmahmed :

الموز المكرمل بالشوفان الطريقه دى كانوا عاملنها الاسبوع اللى فات فى برنامج ازاى ناكل صح جربتها وطلع طعمها تحفففه انا لما شفتها بعد ما اتعملت فى البرنامج استغربت شكلها بس حبيت اجربها والحمد لله عجبت كل اللى ذقها المقادير: موز حسب العدد 4 معالق شوفان 2 معلقه سكر بنى (ماكانش عندى حطيت سكر عادى وعليه معلقتين عسل اسود) الطريقه: انا ضفت حتت زبده صغيره خالص وحطيت فيها السكر وعليه العسل فى طاسه لحد مايدوب ونضيف عليهم الموز المقطع بالورب ونقلب وبعدن نضيف الشوفان. ضفت من عندى شويه للبن علشان الشوفان يستوى اكتر وبس ومانسبهاش كتير على النار علشان الموز مايتهريش ولما حطيته فى الطبق حطيت على الوش معلقه عسل اسود

الموز المكرمل بالشوفان الطريقه دى كانوا عاملنها الاسبوع اللى فات فى برنامج ازاى ناكل صح جربتها...

LOLO 733 :

بعد ما يغلي نشيل نص المقدار في طبق و نحط 8 برجر بالشكل ده بعد كده نحط شويه من الخضار فوقه و نحط بقيه ال8 برجر بالشكل ده و نغطيه ببقيه المقدار و نغطي الصينيه و ترك تستوي لمده ربع ساعه و ده شكلها بعد ما استوت و تقدم مع الرز و ممكن تتاكل بالعيش وبالهنا والشفا نيجى للخلطه اللى فى الوصفه دى عملتها مع البيض طلعت لذييذه حطيتها على الفول المدمس كانت روووعه سلقت عدس بجبه اللى هو العدس الأسمر سلقته مش خالص يعنى تلات ارباع سوا وحطيت عليه الخلطه دى وحطيته فى الفرن ومره تانى سويته على البوتجاز مش فى الفرن طلع جميل جدا قليت بطاطس دواير وقليت باذنجان وحطيت عليهم الخلطه دى مع شوية زيتون وجبنه رومى مبشوره وسويتهم فى الفرن طلعت صينيه لذيييييذه جدا وأخف من المسقعه ده رابط الوصفه حتلاقوها فى اخر الصفحه http://forum.hawaaworld.com/showthread.php?p=7340446&posted=1#post7340446 جزاكى الله خيرا يا روونى نسيت أقول انى عملت الوصفه بس مش ارتبطت بمقادير

بعد ما يغلي نشيل نص المقدار في طبق و نحط 8 برجر بالشكل ده بعد كده نحط شويه من الخضار فوقه و...