كوبونات الراقية تسجيل الدخول

samoha_om_ali
samoha_om_ali •
دينا ازيك وحشتينى

ممكن لينك رونى على الفيس بوك
madam_mohd
madam_mohd •
don don :
ليه يا حنووووون؟؟؟ :44: على فكرة يا بنات انا لسه رجعه من مركاتو ابتدى عروض جديدة من النهاردة ولسه منزل المجله حالالالا عنده حاجات كويسه مش فكرة مين اللى كانت قالت على الجمبرى المجمد ؟؟؟؟؟ دى اساسا بتبقى موجودة على طول فى العرض بس النهاردة منزل نوع اكبر شوية اسمه 70 /90 ب 28ج وهو 800 جرام وعلى فكرة يا بنات المحل اللى فى مركاتو بتاع القمصان والجلاليب عنده حاجات اقطان جميله جداااا ورخيصه وخصوصا قمصان او فساتين قطن للبيت والبيجامات وعامل النهارده على لبس اطفال وعامل على كاش مايوة بس انتى ممكن تشتريه وتلبسيه فى البيت وحتلاقيهم فى وش باب الدخول على طول
ليه يا حنووووون؟؟؟ :44: على فكرة يا بنات انا لسه رجعه من مركاتو ابتدى عروض جديدة من النهاردة...
يا بنتى دة اخطر حاجة تلعبى فى صفارة البرستو خلى بالك ان ضغط البخار العن من النار نفسها واليعوزوا بالله ودى مفهاش هزار خلى بالك انا بترعب منه فعلا هو خطر جدا انا بقي ببقي هتجنن من صوتها بفضل احط ايدي واسكتها وتفضل ماما تزغرلي :42:

بخصوص الرفع لا بهرج طبعا بصي انا كنت موجوده لما عربيه الطحان كانت بتنزل البضاعه والبنات كانت واقفه فوق تلاجه الايس كريم وهاتك يا تهريج انا حتي بصتلهم كده واستغربت وقلت ازاي الراجل بتاع المقله ساكت علي الارف ده.









اه انا كمان كنت صعبان علي البياعين ولسه كنت هقول للعسكري بتعملو فيهم كده ليه لما يسرقوا يبقي احسن بس رجعت وقلت ماهو ده كمان غلبان زيهم زنبه ايه حسبي الله في كل من قطع برزق الناس.

ورق العنب بقي يا ستي غالي لانه زي ما سحورا قالت شفاف والورقه خفيفه وفاتحه وحتي تشمي فيها ريحه ورق العنب كان في ب4 جنيه في اول السوق بس مجبتش منهم الراجل ده انا عرفاه وبجيب منه صيف شتا مبيتقطعش من عنده ورق العنب في الشتا بيبقي سلقه ومامته قاعده بيه.

عارفه اول ما تدخلي سوقالسمك من نص السوق بتبقي يا هي ياهو قاعدين في الممر وانت داخله عليايديك الشمال ناحيه سوق السمك ومبنزلش فيه ابدا .

النمره اهي 24720599يا روش بس اساليهم الاول لان وانا واقفه حصل هجوم من الناس علي العربيه وخدوا البضاعه اللي بينزلها كلها .

وصو ص الكراميل هتلاقيه في اكياس ضهرها برتقالي كده الكيلو ب 16 ونصف انا بملي ازازه الكاتشب والباقي بشيله في الفريزر كل ما اعوز اخرجه واملها واستعمله وبجد طعمه جنان.

والشيكولاته بتاعه حلو جدا برده.



مصريه عاوزه تيجي القاهره لا دي القاهره زحمه وخانقه علي الاخر عارفه اقولك علي حاجه انا من مواليد مدينه نصر وعمري 32 سنه لو هيدوني مليون جنيه وارجع اسكن فيها وانا عشت فيها عمري كله حتي شغلي كان فيها مسبش القاهره الجديده واروح هناك
عارفه اول ما اخويا بيطلع علي الدائري بفضل اقولهم عودا عبد الحميد انا رجعت الوطن بجد القاهره بقت علي بعضها .

شهيره جربي كده وانت بتعملي الكيك الاسفنجي حطي 3 نقط ليمون بالعدد وشوفي اخبارها ايه وقوليلي وانت بتضربي البيض والسكر.

طب عندي سؤال مهم وعارفه ان حبيبتي هتجوبني عليه انا عاوزه اشتري سلال عارفينها السلال الخوص بس حجم صغير الاقيها فين معلش
حبيبة ابراهيم
حبيبة ابراهيم •
samoha_om_ali samoha_om_ali :
دينا ازيك وحشتينى ممكن لينك رونى على الفيس بوك
دينا ازيك وحشتينى ممكن لينك رونى على الفيس بوك
ما تقلقيش يا ايمان انا بعمله دايما في حلة الضغط والله يا بنات بيبقى زي الكنتاكي بالضبط ومستوي

وأبيض من جوه ويفتح النفس انتي طبعا لازم تاخدي بالك من الطريقة في القلي ازاي ؟؟

حتسيبي الزيت يسخن تحطي الفراخ وتغطيها لما تبدأ تصفر تحسبي بالضبط 5 دقايق وتطفيها

تسيبيها تطلع البخار تماما ولما تفتحيها تلاقي الزيت سخن برضو يعني مش حتشرب زيت

ايه العيب في الطريقة دي انك لو حتعملي كمية كبيرة حتزهقي موت لأنك مش حينفع تحطي اكتر من 4 قطع

لان الزيت حتقل حرارته

فحتفضلي تقفلي وتستني وتفتحي ملللللللللللللللللل اصلي مجرباها في عزومة :(

وكرهت نفسي :angry:
*فراشةالربيع*
*فراشةالربيع* •
حبيبة ابراهيم حبيبة ابراهيم :
ما تقلقيش يا ايمان انا بعمله دايما في حلة الضغط والله يا بنات بيبقى زي الكنتاكي بالضبط ومستوي وأبيض من جوه ويفتح النفس انتي طبعا لازم تاخدي بالك من الطريقة في القلي ازاي ؟؟ حتسيبي الزيت يسخن تحطي الفراخ وتغطيها لما تبدأ تصفر تحسبي بالضبط 5 دقايق وتطفيها تسيبيها تطلع البخار تماما ولما تفتحيها تلاقي الزيت سخن برضو يعني مش حتشرب زيت ايه العيب في الطريقة دي انك لو حتعملي كمية كبيرة حتزهقي موت لأنك مش حينفع تحطي اكتر من 4 قطع لان الزيت حتقل حرارته فحتفضلي تقفلي وتستني وتفتحي ملللللللللللللللللل اصلي مجرباها في عزومة :( وكرهت نفسي :angry:
ما تقلقيش يا ايمان انا بعمله دايما في حلة الضغط والله يا بنات بيبقى زي الكنتاكي بالضبط ومستوي ...
بس ثبتت الرؤية
وشهد شاهد من أهلها

أهو ياأبلة دينا واحدة جربتها ولسة عايشة وبتتنفس أهي والحمد لله
ربنا يطمنك ياحبيبة
خلاص إن شاء الله أجربها
بس عندي سؤال
بعد الخمس دقايق أطفي وأشيل الصفارة علطول ولا أستنى لما هي تبطل تطلع بخار وبعدين أشيل الصفارة وأفتح
madam_mohd
madam_mohd •


بصو دي يا بنات انا جبتها ب 52 ج من درب البرابره بس شفتها علي النت الاصلي منها ماركه ويلتون ب125 ج طبعا انا والله ما شيفا فرق .

ودي القوالب الشفافه اللي قلتلكو عليها ممكن تعملي بيها شيكولاته او جيلي زي الطريقه اللي نزلتهالكو قبل كده او موس اي حاجه تدخل التلاجه او الفريزر





معلش عشان مصوره من كاميرا الكمبيوتر دي علي شكل سمكه وكان في اشكال تانيه بس مسكت نفسي وقلت كفايه كده.

كمان نسيت اقلكو عنده الوان بودره صحيه الكيس صغير ب 2 ونصف احمر وازرق واصفر ومش فاكره اللون الرابع هصورهالكو برده