*فراشةالربيع* :

عملت الكعك ده يابنات عملت جزء سادة وجزء بالعجوة وطلع فظييييييييييع ناعم بس مش بيلبق في البق وهش وريحته رهييييييييييبة 050520101880 050520101878 مقاديري كانت 400 جم سمنة بلدي مع 100جرام زيت على كيلو دقيق ورشة ملح والخميرة دوبتها مع معلقة كبيرة سكر في كوب ماء كبير 250 مللي المهم بقى حطيت السمنة مع الزيت على الدقيق وفضلت أبس فيهم كانت الأول عجينة مفرولة بعد البس بقت زي عجينة الغريبة بالضبط عجينة ناااااااااعمة وفتح لونها أوي بعد كده حطيتلها الخميرة مع المية شوية شوية كنت خايفة تعمل زي المرة اللي فاتت ومتقبلش المية بس بالعكس خدت المية كلها وبقت عجينة سلسة جداااااااااااااااااااا واضح إن البس فرق أوي في النتيجة شكرا لأبلة دينا على النصيحة هي اللي قالتلي على الموضوع ده المهم شكلي كنت مزودة الخميرة فيدوب ماخلصت لأقيته كان خمران إبتديت تسوية علطول صح في حاجة كانت منال العالم قالتها وهي إن لما تكوني مستعجلة ضيفي معلقة بودر صغيرة في عجاين الخميرة وأنا عملت كده حطيت معلقة بييكنج بودر صغيرة مع الدقيق حاجة كمان أنا اللي إبتديت بعمايله كان الكعك السادة وطبعا هو اللي إبتديت بتسويته ولما لونه بقى دهبي من تحت كان لسة أبيض من فوق شوية مشغلتش عليه الشواية ولاحاجة حطيت الصينية في صينية أكبر منها وحطيتها في الرف العلوي من الفرن ودخلت صينية من اللي بعجوة في الرف الأوسط الصينية اللي في الرف العالي وشها بياخد لون دهبي من الحرارة والقاع بيفضل كويس لأنه معزول بصينيتين مش واحدة وبعيد عن النار والحركة ده خلت اللون طلع دهبي حلو زي الجاهز وكمان قلب الكعكة إستوى كويس أصل أنا مبحبش أستخدم شواية الفرن لأنها مش بتدي لون متساوي

عملت الكعك ده يابنات عملت جزء سادة وجزء بالعجوة وطلع فظييييييييييع ناعم بس مش بيلبق في البق وهش...

د/طيــر الحــرم :

حبيبتي فراشة أنا بدهن الصينية زيت وبكتره شويه علشان البيتزا نقرمش من تحت ولما فتحت عليها الفرن لقيتها بدت تعلى وتهش شويه فخرمتها بالشوكه لأني بحب البيتزا هابطه شويه ممم مافهمتش قصدك يعني اللي بعمله صح ولا غلط؟؟ بس عموما طريقة البيتزا بتاعتك خلاص اعتمدتها عندي جميله جدا ما شاء الله اللهم بارك تسلم ايديكي ياحبيبتي وجزاك الله خيرا بتعملي بالعجينة دي ايه تاني؟؟ معجنات ممكن؟ بالنسبه للكب كيك أنا قعدت أدور امبارح لأشوف ليه هي لما بتعلى بتفور مني على برا مش بتعمل بومبيه زي مانتي بتقولي لاء بتفور وتفرش وتهبط بحطها في فرن 190 سخن من قبلها بثلث ساعه أعتقد لأني بعملها زي الكيك عادي عجينته سايله الكب كيك لازم يكون تقيل شويه يعني أقلل السائل فيه يعني قوالب الفويل المقوى بس أدهنها؟؟ أما قوالب ورق الزبدة مادهنهاش طبعا صح؟ معلش يافراشه انا مافهمتش المقادير اللي قلتيها معلقتين دقيق ومعلقة سمنة وزيت وبعدين معلش ياحبيبتي اشرحيلي بالتفصيل؟؟ إن شاء الله هاجربها بشرحك شوفو الرابط الرهيب دا http://vb.eqla3.com/showthread.php?t=613591 شوية كيكات جميله جدا جدا جدا جدااااا

حبيبتي فراشة أنا بدهن الصينية زيت وبكتره شويه علشان البيتزا نقرمش من تحت ولما فتحت عليها...

Amml N :

[quote=*فراشةالربيع*;45004615] وده نفسي ألاقيها ايمو يا عسل دي موجوده عند المحل اللي في شارع السباق في مصر الجديده اللى قالت عليه ابله دندن القصواء وسعرها 35 جنيه وفي كمان نوع معدن منها وده كمان لو لقتيها ياريت تقولي فين أروح محل درب البرابرة ده أبضع شوية حاجات أحسن فرع الدقي لم يفتح بعد ان شاء الله يوم السبت 8 مايو يفتح سالت عليه فرع مصر الجديده بالتليفون فراشه يا قمر شكلك كده من نواحي الدقي في محل اسمه الحمد للتجهيزات مثل محل شارع السباق عند نادي الصيد لو عايزه اشرحلك العنوان

[quote=*فراشةالربيع*;45004615] وده نفسي ألاقيها ايمو يا عسل دي موجوده عند المحل اللي في شارع...

Amml N :

فراشه يا قمر بعت لك رساله على الخاص ياريت تشوفيها سؤال السمن والزيت سخن ام بارد نويت اعمله ان شاء الله

فراشه يا قمر بعت لك رساله على الخاص ياريت تشوفيها سؤال السمن والزيت سخن ام بارد نويت اعمله ان...

مليسيا :

الله يكرمك يا امانى القلوب عند بعضها يا حبيبتى انا ثبت وزنى الحمدلله اعتمدت نصايح كتير قالهالى الدكتور ويوم لما استهبل اوى يعنى بلعب ف الكيلو بيطلع وينزل بس طبعا لسه موصلتش للتارجت ناقصنى 5 كيلو كمان والمكيرويف فوايده كتير فعلا بينجز ف المطبخ وانا سمعت كتير هنا ف المنتدى بيشكرو فى ال جى بس لما رحنا نشترى الراجل شكرلنا فى كينود لما تيجى العمده تديكى الزبده ان شاء الله

الله يكرمك يا امانى القلوب عند بعضها يا حبيبتى انا ثبت وزنى الحمدلله اعتمدت نصايح كتير قالهالى...