صباح الخير على احلى بنات
الحمد لله اننا اطمنا على مهموهاااا الوحشه اللى خضتنا عليها كلنا مستحلفنلك يا مها بس نشوفك وطبعا الشكر لام حازم اللى طمنتنا عليكى
سندريلا يا جميله متشكره اوى على زوقك وردك عليا انا بعمل زيك تلاقينى اكل الحاجه بحساب ولو كلت بجوع نفسى بقية اليوم يعنى انامش حارمه نفسى من حاجه بس كله بحساب وعندى يوم فريى تلاقينى باخد رحتى على الاخر وارجع تانى اخد بالى بقية الاسبوع وهكذا بس انا فى انتظار موضوع السعرات اللى قلتيلى عليه مش تنسينى يا سمسم ربنا يكرمك على الافاده
فراشتى مبروك المشتروات بس نصيحه مش ينفع تاخدى جوزك وانتى بتشترى هما يمكن نصيحتهم بتنفع فى الخامات والاسعار وكده بس ممكن ان الحاجه دى تنفعك ازاى فى المطبخ صعب يعنى ممكن حاجه تبقى مقتنعه بيها اوى وانتى عارفه هاتفيدك وهاتنفعك ازاى فى المطبخ بس هما هايقولولك ودى لزمتها ايه مش عندك حاجه شبهها فى المطبخ تطرى بقى تشرحى وتذكرى الاسباب هما شاطرين بس فى ياكلو الحاجه ولو عجبتهم مش مهم ازاى اتعملت ولا التفاصيل ايه عارفه انا مشكلتى زيك مش ينفع اروح لوحدى فمكرها اخاك لا بطل
يالا المره اللى جايه روحى محل القصواء هايعجبك اكتر ان شاء الله بس حضرى مبلغ وقدره
بت يا رشا خليكى كده مطنشه يعنى مش بتردى على موبيل ولا ياهو ولا اسئلتى كمان وده من ايه ان شاء الله ؟؟؟ ولا مشغوله فى الفيس بوك خلاص مش شايفانى كل ده طب البسى النضاره كده يمكن تاخدى بالك يا وحشه دا انا اللى هعضك
حنون بالنسبه للبيتزا انا اخر مره شيلتها من الصينيه وحطيتهاعلى طبق ورق من بتوع التورته والحلويات ومش طريت خالص وكمان كنت زى ماقلت دهن الصينيه زيت ورشه بقسماط وطلعت جميله جربيها يا حنون هتعجبك الطريقه دى
بنات علشان الامانه وحق النقل النصايح المطبخيه اللى كتبتها انا نقلتها زى ماهيا من مها كانت كاتباها وانا مسيفاها عندى وانا بقلب فى ملفاتى اتكعبلت فيها وافتكرت مها فقلت افكركم بيها يمكن مها تشوفها وتدخل تطمنا عليها
المهم استنو شويه هاكتبلكم شوية حاجات جربتها وحابه افيدكم بيها زى ما انا بستفيد منكم ربنا يخليكو لياااااااااااااااا

اولا طريقة حفظ ورق العنب انا جربتها فى الازايز البلاستيك بتاعة البيبسى ومش كان عندى الحجم الكبير فااستخدمت اتنين حجم صغير الازازه بتاخد ربطتين ورق عنب من بتوعنا اللى بيتباعو فى السوق عندنا وادى الصور صورتهم تانى يوم بعد ما لفيتهم وعلى فكره ازازه شفافه لونها ابيض وباين ورق العنب بداء لونه يتغير والتانيه لونها اخضر مش باين لون التغير لورق العنب وكمان عايزه اوضحلكم ان الازايز مش ببتتشال فى الفريزر لأ اللى انا اعرفه انها ببتتشال فى اى مكان فى المطبخ بعيد عن الشمس يعنى انا شيلتهخم فى دولاب المطبخ ودى تجربتى الاولى فى الموضوع ده يارب تنجح هيا مبدئيا تبشر بالخير ان شاء الله لما اجى استخدمه هابقى اوافيكم بالاخبار


وكمان عملت الهامبورجر بصراحه انا كنت بعمله بنفس الطريقه بتاعة امة الخالق بس اللى جديد عليا حكاية بهرات كامينا سبايسى جربتها وطلعت جميله اوى وكمان جربت حطيت بدل الكاتشب صوص الباربكيو لهاينز والله يابنات تحفه بيدى طعم مختلف وجميل جربوه وهاتدعولى انا بحط على نص كيلو اللحمه نص كيس بهرات كامينا عليهم بيضه ومعلقتين صوص باربكيو ومعلقتين بقسماط وكمان بصله صغيره مع ملح وفلفل وكباب صينى وكله فى الكبه وبحطهم يجمدو فى التلاجه شويه وبعدين اشكلهم فى القالب اللى قالت عليهم دينا جميل اوى وادهن طاسه التيفال بتاعة الشوى بمنديل فيه زيت واشويهم شوى والنتيجه اكتر من رائعه



وكمان جربت خلطة ميلرزللرز اللى قالت عليها رشا جميله عجبتنى بتاعة الكارى والفراخ فضلت بتاعة اللحمه وكمان ايه طبعا كيكة اللبن الساخن لفراشه عمتها للمره الالف وزوقتها كيكة جيلى بالفراوله والموز والكريم شانتيه رهيييييبه وبس كده كفياكم وجزاكم الله كل خير

فراشه الربيع***** ربنا يبارك لك فى مشترياتك وعجبانى خالص طريقتك فى الشرح هههههههه بس فعلا الرجاله مش بيعرفوا ايه اللى احنا محتاجينه عندهم كل الطرق تؤدى الى روما

أمانى *****تسلم ايدك على الحاجات اللى انتى عاملاها

ازيك يا أماني يا جميله بابا عامل ايه ربنا يطمنك عليه دايما ويخليهولك

تسلم ايديك علي الحاجات الحلوة ديه

بالنسبة للهامبروجر انتي بتحطي نص كيس بس مش قليل قوي يعني العبله فيها كيسين انا بحط الكيسين علي النص كيلو
وبعدين مش حاطة رشة توم بودرة ليه

وكباب الصيني ديه مش استخدمتها خالص ومش في وصفة أمة الخالق وكمان الصوص بتاع هاينز مش في وصفتها اجربها علي ضمنتك عشان ان شاء الله هعمله الاسبوع اللي جاي
اوعي مش تردي عليا اصل الهامبورجر بقي عندنا من الاساسايات دلوقتي

وياريت لو تنزلي صورة القالب اللي قالت عليه ابله دينا لاني مش عارفه وبشكله بغطاء البرطمان وبتعب من كده

وبالنسبة للخلطة مليرز احطها علي الرز عادي وانا بسوية ولا قفي خطوات محدده

ايمان فراشة الربيع---- ضحكت كتير علي طريقتك وانتي بتحكي علي مغامراتك انتي وجوزك مع الراجل في المحل ربنا يبارك لك في الحاجات الجديدة يا جميل

على ذكر البورجر
الافضل نقول برجر او بيف برجر وليس هامبورجر
عشان هام دى معناها خنزير
بيف معناها بقرى او جاموسي