madam_mohd :

اه انا مجربها علي طول الشيكولاته بحطلها زيت وحسب الكميه بتدي لمعه حلوه قوي . ايمان كنت عاوزه اساللك شوفتي الكب كيك اللي حطته كهرمانه من كام صفحه الكريمه اللي عملاها صاحبه الموضوع دي مش شكلها كريم شانتيه لانها لونها مدي علي اصفر شويه بتهيالي دي كريمه زبده . طب عندي سؤال تاني بقي بخصوص الشيكولاته لو الواحد حب يبعمل شيكولاته تقديم في البيت اعمل ايه عشان متسحش بسرعه زي بتاعت المحلات بتبقي ماسكه نفسها شويه عن بتاعت البيت انا كنت سمعت مره ان نحط شيكولاته دارك علي شيكولاته بالحليب حد عنده فكره. وفراشه لو تعرفي مواقع اجنبيه للموضوع ده معلش حطيلي الرابط بتاعها. نورا وصلني الايميل وهبقي ارد عليكي معلش ظروفي هايله اليومين دول . اماني بعتلك علي الميل . امل التشيز كيك انا بعمله في الفرن مبحبش البارد لانه دسم ومكلف بصراحه اعتمدت طريقه فراشه وعمري ما هيغيرها وبالمناسبه يا ايمان لو حبيت اعمل تشيز كيك شيكولاته اعمل ايه وكمان عاوزه طريقه موس شيكولاته وعاوزه اساللك عملتي مارشملو في البيت ولا لا قبل كده هتسوطي مني صح استحمليني بقي هطلع اللي بشوفه فيكي اساله وشوفتي الروابط اللي حطتها البنات دي يا ايمان حاجتهم غاليه بس تحفه بس شمس اقلهم في الاسعار. عملت اليوجرت كيك امبارح تحفه بجد يا بنات وسهل خالص بوظت فيه 6 بيضات بس لا انا بهرج انا بوظت البيض عشان غبيه انما هو فعلا سهل واتاكل في ساعتها . حبيبه كنت لسه داخله اقولك زي ايمان وبرده سالت ماما عشان مبعملهاش عشان جوزي عنده القولون بس انا بموت فيها . وعلي فكره يا بنات كنت شفت في منتدي اخر طريقه للكوسه بالبشاميل وقلت اجربها وطلعت تحفه هي دسمه صحيح بس بجد عجبتهم جدا واول مره ياكلوها انك بعد ما تقطعي الكوسه رشي عليها ملح وسبيها تنزل ميتها خالص وحمريها زي البطاطس بس مش تغمق يادوبك كام دقيقه لما رصيتها في الصنيه مكنش فيها ولا نقطه ميه

اه انا مجربها علي طول الشيكولاته بحطلها زيت وحسب الكميه بتدي لمعه حلوه قوي . ايمان كنت عاوزه...

*فراشةالربيع* :

بالرااحة علية في إيييييييييييييه؟؟؟ 1 التشيز كيك لو عايزة تعمليها شوكولا بعد ماتطفي على الحليب المركز وهو لسة دافي دوبي معاه شوية كاكاو وقطعة شوكولا الكمية براحتك حسب ماتوصلي للون وطعم ظاهر للشوكولا 2 موس الشوكولا ممكن تعمليه بعدة طرق_جيلاتين وكريمة وشوكولا سايحة أو كاكاو) وممكن شوكولا وكريمة من غير جيلاتين إنتى عايزة إيه 3 أيوة ياستى عملت مارشميللو بس على فكرة صعب تعمليه بالمضرب الكهربا العادي لأنه بيتقل أوي عايز حاجة قوية ياكيتشن ماشين او العجانات زي كينوود جربته بالمضرب بقت تقيلة أوي عليه لما جربته بالكينوود ماشاء الله بتقدر تتعامل معاه إستخدمت معاه العطور السايلة روح فراولة وروح نعناع وبرتقال عملته بطريقة الجيلاتين والشربات المغلي عشان فيه طرق بالبياض بمناسبة الجيلاتين بقى كنت عايزة أسألك على حاجة أنا عندي جيلاتين بودرة بحس ريحته شوية زي الغراريحة مش لطيفة هي بتروح بالمنكهات بس كنت عايزة أعرف كله كده ولا اللي عندي بس سبحان الله أنا برضو بموت في الفاصوليا بس بطلت أعملها عشان جوزي ولنفس السبب عنده القولون يلا خليها علينا الكوة لو عملتها بشاميل بعملها بطرقة القوارب بتبقى ظريفة وشكلها حلو شوكولا التقديم أنا جربت بالشوكولا الخام بتاعتنا اللي هي سويفاكس حلوة بس عندي فكرة ظريفة بس لسة ماطبقتهاش إني أدهن القوالب بالشوكولا الخام وأسيبها تتجمد بعدين أعمل الحشوة حاجة طرية شوية شوكولا مخلوطة بشوية كريمة صغيرين أو شوكولا وكراميل أو حشوات بقى زي الكراميل ومكسرات أو جوز هند معجون بحليب مكثف وأرجه أقفل عليها بشوكولا خام وعملت حركة الماربل سيحت شوكولا بيضا وخدت منها بالشوكة وحطيت شوية في القالب وحركتهم عشان يتوزعوا عشوائي وبعدين سبتها تجمد وحطيت شوكولا بني مرة مليت القالب كله ومرة عملته مفرغ كلها تجارب بس لسة معملتش كمية لو عملتي على جوجل بحث عن شوكولاتة التقديم هتلاقي مواضيع كتير حلوة أوي وبرااحتك ياقمر أنا لما بصدق إنك تدخلي فين نشاط أيام زماااااان

بالرااحة علية في إيييييييييييييه؟؟؟ 1 التشيز كيك لو عايزة تعمليها شوكولا بعد ماتطفي على الحليب...