للاسف الصور اتشالت لانها من منتدى تانى
بس اكتر فكرة عجبتنى فى الوصفة حكاية فرم القوانص دى
اصل دايما اعانى مشكلة انها مش بتستوى كويس
ناس كتير بتشكر فى الوصفة دى وانا اكلتها زمان عند ناس فى عزومة اعجبت بيها جدا بس دايما اخاف اجربها اخاف من زفارة الكبد والقوانص بس ***** الله انقعه فى ليمون وملح بس يا رب تعجب اللى فى البيت ويفكولى الاحباط
ROSHANA
•
ROSHANA :
موس الشوكلاته والفانيليا من دريم رهيييييييييييييب خفيف وفظيييييييييييييييييييييع :) افهم من كده انه حلو ولا وحش؟؟؟؟؟؟؟؟؟؟؟؟موس الشوكلاته والفانيليا من دريم رهيييييييييييييب خفيف وفظيييييييييييييييييييييع :) افهم من كده...
أيوة طبعا حلو
وقصدي خفيف يعني مش دسم
لكن سمكه بيطلع حلو
وعلى فكرة الموس بيكون سمكه متوسط بعد الضرب لكن لما تدخليه التلاجة بيتماسك تماما بسبب الجيلاتين
وقصدي خفيف يعني مش دسم
لكن سمكه بيطلع حلو
وعلى فكرة الموس بيكون سمكه متوسط بعد الضرب لكن لما تدخليه التلاجة بيتماسك تماما بسبب الجيلاتين
ROSHANA
•
خلاص نجيبة نجربة ان شاء الله
بيبقى شبه دانيت كده؟؟؟ يعنى الولاد ممكن يكلوه لوحده ولا لازم يتحشي بيه حاجة
بيبقى شبه دانيت كده؟؟؟ يعنى الولاد ممكن يكلوه لوحده ولا لازم يتحشي بيه حاجة
الصفحة الأخيرة
السلام عليكم ورحمة الله وبركاته على احلى فتوكات فى الدنيا جيبالكم النهاردة وصفة عرفتها من اخت زوجى ربنا يكرمها للمكرونة بالباشميل من غير لحمة ولانى من انصار مقاطعة اللحوم بشدة اللى كل ما نقاطعها بتغلى مش بترخص فبالعند فيها
استعملت الكبد والقوانص بتاعت الفراخ لحشو المكرونة وتحفه والله ومش مكلفة خالص ممكن تشترى نص كيلو او كل لما تشترى فراخ تشيلى الكبدة والقونصه وبعد فترة قليله هتلاقى عندك كمية تعملى بيها الصينية وتبقى مكلفتكيش حاجة
المقادير:
المقادير دى لعمل قارب قد اللى فى الصور
2 كيس مكرونة
_1\2 كيلو كبد وقوانص
_4بصلات متوسطة
_زبدة_توابل
_مقادير البشاميل:7معالق دقيق حسب حجم الصينية او القارب اللى هتعملى فيه يعنى لو اصغر من اللى انا عامله فيه نقصى معلقه وولو اكبر زودى_7معالق زيت ذرة وقطعه زبدة_3كوب لبن
الطريقه :
]
اخدت القوانص وفرمتها فى الكبة وقطعت الكبدة قطع صغيرة جداااااااااااااااااااااااااا بلاش تفرميها فى الكبة علشان هتروح زى المهلبيه ودة شكلهم الكبدة والقوانص والبصل
بعد كدا نرفعهم على النار ونحط بقا التوابل مهم جداااااااااااااا فلفل-زنجبيل-عيدان قرفه-قرنفل صحيح-حبهان-فص مستكه-جوزة الطيب-ورق لورى وتعدى كام حبهانه وقرنفله حطيتى علشان تطليعيهم بعد السوا علشان متجيش تحت اسنان حد ويدعى عليا ممكن تضربى طمطمايه فى الخلاط وتضفيها للمكونات دى او تحطى معلقة صلصه
ودة شكلها بعد ما استوت متقدريش تفرقيها من اللحمه
نيجى بقا للبشاميل نحمر الدقيق فى الزيت والزبدة بالشكل دة
اول لما تطلع ريحه الدقيق نضيف اللبن كله مرة وحده انا مش بحب احمرالدقيق علشان الصلصه تبقى بيضة ومتخفيش هيكون سايل اوى زى كدا
تفضلى تقلبيه على نار هادية لحد ما يتماسك ويبدأ يطلع فقاقيع هوا. كدا يبقى استوى انا حاولت ابينها فى الصورة
وبعدين يا فتوكة نضيف البيض بس بيضه بيضه وتقلبيها علشان تشوفى القوام اللى انتى عايزاه وتتحكمى فيه
ونفضل نقلب لحد ما يختفى البيض خالص وتبقى ناعمة بالشكل دة ونتبلها بقا بالملح والفلفل
كدا كل حاجة جاهزة واكيد سلقنا المكرونه نبدأ نرص المكونات انا ببطن ارضية القارب بشوية من البشاميل وارش عليهم شوية بقسماط علشان متلزقش وممكن بشاميل بس وكمان باخد كميه من البشاميل واقلبهم على المكرونه قبل ما ابداالرص ونرصه بالشكل دة ونقطع عليها قطع زبدة
ونحط الجزء الباقى من المكرونه ونصب البشاميل على الوجه وتجيبى بيضه وتحطى عليها شوية ملح وفلفل وتضربيها كويس وتدهنى بيها الوش بتديله لمعه ولون جميل
ندخلها الفرن بقا وتكونى مسخناه قبلها كويس ودى بعد ما طلعت
وبالف هنا وشفا
ولا الحوجة لست لحمة جربوها وقولولى ومتنسوش التقيم يا فتوكة منك ليها احسنلكم
وادعولي ان ربنا يرزقنى بالذرية الصالحه بالله عليكم