تانى حاجة معتمداها اساسي اساسي فى اى لحمة مفرومة هعملها كفتة لازم ازود معلقة برغل منقوع فى ميه ومصفى
(جزء من سر دينا اللى لسه معرفتهوش)
وليه فوايد كتير اوى اولا بيكتر شوية كمية اللحم (طبعا عارفين الكيلو وصل كام)
ثانيا بيبقى اطعم
ثالثا بستفيد من فوايد البرغل(اكيد البرغل ليه فوايد زى اى حاجة تانية :))

وبصلة مفرومة صغيرة وملح وفلفل وبرشة كبابة صينى وبس اصبحها على ايد المقصوصة الخشب وفى الفرن

وفى الاخر احطلها فحمة مولعة عليها حته سمن بلدى

ولاحظت انى لما بولع الفحمة واحطلها حتة سمن بلدى بتبقى الريحة احلى واقرب للشواء الحقيقى من لو حطييت عليها زيت

الكارى الللى اعتمدتة اخير والفضل بعد الله ليكم

وانا بقلى الفراخ البانية بطلت احطلها بيض نهائى بس التتبيلة بتاعتها بيبقى فيها زبادى وومعلقة زيت بالاضافة للبصل وملح وفلفل وكارى احيانا
بس و وقت القلى انفضها من التتبيلة كويس وادقها بشاكوش البانية واقلبها فغى فيجيتار وادوس عليها بايدى كويس عشان التتبيلة تلزق فيها وعلى الزيت

طبعا كل الحاجات دى مش ابتكاراتى دى كلها اتعلمتها من البنات هنا ومن المنتديات التانية جزاهم الله خيرا

طب هقلكو حاجه بسيطه كده وقلتها قبل كده في الممبار وورق العنب والكرنب والبتنجان بحط شويه نعناع ناشف صغيرين مع الصلصه بتاعتهم اللي بتتحط علي الارز والخضرا ولما بخلص التقليه بتاعت المحشي بحطها علي الارز وبكون مخرطه بصله نيه بتديها طعم حلو قوي.

الرز عشان ميعجنش معاكي اغلي الميه اللي بتحطيها عليه اوعي تقلبيه بعد ما تضيفي الميه بيطلع طعمه ورحته واو ومفلفل جدا .

طبعا انا جبت الكبابه الصيني واستعملتها بجد طعمها حلو جدا وبتدي ريحه مميزه في سلق الفراخ واللحمه وكمان جربتها في الحوواوشي والكباب الحله ماشاء الله هي ليها ريحه شويه زي القرنفل او انا بتهياللي لو افتكرت حاجه هقلهالكو