انا بقى فى سلق الفرخة بحطلها بصلة وكسبرة ناشفة ونص لمونة بحالها زى ما هى كده وشوية زعتر ناشفين او اوريجانو وباقى التوابل العادية بتدى ريحة جميلة وبتشيل اى زفارة

فى طشة الملوخية او البامية جربو تطشو البيخ نفسه على التقلية مش العكس يعنى الملوخية انتو بتغلوها غلوة وتكونو مجهزين الطشة اللى هى الكسبرة والثوم وتروحو حاطينها على الملوخية وهى بتغلى صح جربو العكس يعنى اعملو التقلية فى حلة مش طاسة ولما تجهز صبو عليها الملوخية اللى بتغلى بتكون ريحة التقلية اقوى واحلى بكتير وده سر المطاعم على فكرة
دبس الرمان بحط منه على السلطة الخضرا بيبقى تحفة جدا وكمان على محشى ورق العنب بعد ما برصه فى الحلة برصب عليه شوية زيت زتون وعصير لمونة كبيرة وبحط دبس الرمان فى الخلطة بتاعة الرز بيبقى حامض ورهيب

رشا مبروك عليكي البيت الجديد وان شاء اللع عتبة السعد والهنا

فين مجلة فتافيت بتاعة الشهر ده يا رشروش؟

السلام عليكم

ازيكم .. وحشتوني

فيه ايه حصل بالمنتدى التصفح بقى صعب ومش عارفه أوصل لآخر صفحة وآخر رد بسهوله زي الأول!!! أو حتى أوصل لصفحة معينة!!

أنا لسه داخله اليوم بقالي أسبوع مادخلتش تفاجئت !!!

الله يبارك فيكي يا نونو والمجله هبعتهاللك علي الميل عشان ممنوع وضع روابط وهي مصوراها الشهر ده مش عاملاها للتحميل وحلوه فكره الملوخيه دي هجربها واقولك.