madam_mohd :

صباح الخير علي احلي بنات في الدنيا معلش خلاص قربت اخلص واخلص والحمد لله الموهم ايه يا روش الحاجات الجامده دي وبعدين البنت عماله تقلكو مادو مادو وانتو برده تقوللها مادو ده فين دي بنوته زينا كده شطوره ومنزله الحاجات دي عشان تقعدنا فروش مهنش عليها تتعقد لوحدها قالت اهو اقعد الباقي فشكرا متشكرين منك انت ومادو. وبعدين الاختيين الحلويين هناء وشيرين(بسمه ودندونه) اتلمو بقي باسرركو دي واخباركو يا تقولي الخبر يا تسكتي معلش يا دندون انا مقصره والله معاكي اول ما اخلص النقل هكلمك ونرغي وبجد السينابون تحفه انت يا بت انت بتخدي الوصفه وتعمليها ويطلع شكلها احسن من بتاعتي وبعدين بقي. ايمو وحشاني يا اماني ايه الحاجات الفظيعه دي بجد تسلم ايدكي. ونونو كمان تسلم ايديكي وهتنزلي مصر امته يا نورا. طبعا ابله دينااااااااااااااااا وحشاني كتيير ومستنيه الحاجات بتاعت رمضان ابله دينا معلش كنت عاوزه اسال حضرتك مره قلتي انك جايبه الحامل بتاع المقشات من مركاتو لسه موجود ولا خلص ومعلش يا ابله دينا كمان سؤال حضرتك كنت قلتيلي مره انك بتجيبي عجينه السمبوسه من واحد في ميدان الجامع دا بيعملها طول السنه ولا في رمضان بس كل البنات بجد تسلم ايديكو وحد يطلع كيكه اللبن الساخن بتاع فراشه دي خلاص مبعملش غيرها وكمان التوفي بالحليب البودره تحفه . وطبعا طريقه ابله دينا في الكنتاكي دي انا اعتمدتها بس مش بحمره في البرستوبحمره في حله عاديه بغطا . واخلص واشارك معاكو باذن المولي وهنزلكو باذن الله حاجات جديده عشان رمضان. يا بنات اللي معاها نمره لولو تكلمها بقالها فتره مش دخلت ومها كمان مش عارفه عنها حاجه وكوكو(كهرمانه) نزلت مصر برده لو حد يعرف اخبارها يطمنا

صباح الخير علي احلي بنات في الدنيا معلش خلاص قربت اخلص واخلص والحمد لله الموهم ايه يا روش الحاجات...

الصبر يارب :

السلام عليكم أزيكم يا بنات وكل سنة وانتوا طيبين بمناسبة رجب وان شاء الله نقضي رمضان مع بعض علي طاعة الله طبعا مشاركتي متأخره جدا اكيد عارفين الاسباب :arb::04::angry2::eek: أمانه عليكم يا بنات كل ما تفتكروني تدعوا لبابا انه ربنا يخرجه من اللي هو فيه ويصلح لنا الحال يارب هكتب الوصفات اللي انا معتمدها عندي هي حاجات بسيطة علي قدي الكانيلوني (( أبله دينا )) البان كيك ( كانيلونى) (دون) كوب لبن 2 بيضة 2 معلقة كبيرة دقيق عصاج 2طماطم كبيرة مبشورة بالمبشرة جبنة موزاريلا او جودة او شيدر مبشورة بالمبشرة الطريقة ضعى الدقيق على اللبن واخلطيهم كويس و اضربى البيض بالشوكة وملح و ضعيهم على اللبن بالدقيق واخلطيهم كويس هاتى مقلاية تيفال بس لازم تكون تيفال وتمسحيها بس بنقطة زيت وتاخدى من الخليط اللى عندك بالكبشة الغويطة وتنزلى حاجة بسيطة فى قاع الطاسة كأنك بتعملى قرص بيض اومليت بس رفيع مش نخين واول ما يمسك نفسه تروجى قلباة على الناحية التانية وتروحى شايلاة فى طبق وهكزا تكررى العملية مع المقدار كله لحد ما حيبقى عندك حوالى 10 اقراص بان كيك تكونى عاملة العصاج بتاعك وتبدئى تفردى قرص قرص امامك وتحشية بالعصاج وتلفية لحد ما يبقى صابع او رول او اسطوانة محشية تكملى حشو كل البان كيك نجيبى صينية تدهنيها دهن بس بالزيت و ترصصى الصوابع جنب بعض وتجيبى الطماطم و تبشريها و تحطيها على وش كل البان كيك و بعدين تجيبى الجبنة المبشورة وتحطيها على الطماطم الميشورة وتدخليها الفرن لحد ما تحمر و بالهنا والشفا شيش طاووق ابله دينا الشيش طاووق التتبيلة عبارة عن: (دون) عصير ليمونة كبيرة _5 فصوص ثوم مقشرين و مهروسين _ نصف ملعقة صغيرة زنجبيل بودرة ملح و فلفل _ 2ملعقة كبيرة صلصة طماطم _ 2 ملعقة كبيرة زيت صدور دجاج مخلية ( فيلية ) حسب عددكم . تقطعيهم مكعبات متساوية مقاس واحد تخلطى التتبيلة كلها و تحطيها على الدجاج و تسبيها فى التتبيلة مش اقل من 2 ساعات و ياريت لو تسيبيها طول الليل بعد كدة تدخلى قطع الدجاج فى العيدان و بين كل قطعتين قطعة بصل و قطعة فلفل رومى و قطعة طماطم و يا اما تشويهم على الشواية او تضعى فى مقلاية تيفال نقطتين ثلاثة زيت و تسويهم على الهادى قوى لحد ما يحمروا و بالهنا و الشفا في ملحوظتين عن الشيش طاووق انا لما عملته ضيفت ليه مسطردة مش عارفه انا قريتها فين وكمان العيدان الخشب لازم تنقعوها في المية لمدة نص ساعه عشان مش تتحرق برضه مش عارفه جبت المعلومة ديه منين البرجر أمة الخالق انا باعمله وبيطلع زي الجاهز بالظبط والله مافيش اي فرق بينهم باستخدم بهارات كامينا اللي هي طباخ في العلبه الخاصه بالهامبورجر بس عشان يطلع زي اللي بره استخدمي الاتنين كيس علي نص كيلو لحمه مفرومه وباحط معاهم بيضه وشويه بقسماط وبصله صغيره مفرومه كويس اوي اوي ومعلقتين كبار كاتشاب ورشة ثوم بودره بعملهم اقراص بغطي برطمان عشان يطلع اد بعضه و بافرش الغطا بكيس نايلون عشان يطلع القرص بسهوله النص كيلو بيطلع حوالي عشرين قرص ووالله مافيش اي فرق في الطعم كامينا سبايسي طباخ في العلبه بتاع الهامبورجر الكفتة مها Tadom نص كيلو لحمة مفرومة بصلة ناعمة مع 1مص ملح 1/2 كوب لبن 1/2 كول بقسماط نعجنهم كويس وتتصبع وتوضع في الفرن ومعلقة سمنة وبعد السوا نحط الفحمة ملاحظات من حبيبة ابراهيم - تفل بصل +مية بصل بليت ايدي وصبعت الكفتة(( أنا شخصيا مش عملت كده)) - 4معالق زيت - ملح وفلفل اسود - كل المقادير نضربها في الكبة كويس بتخلي الكفتة مش تفك الشاورما (( اتعملمتها من أختي الكبيرة)) نقطع شرائح البفتيك قطع صغيرة مطولة ورفيعه قوي واغسلها واحطها في مصفي البصل والطماطم والفلفل شرائح طويلة رفيعه نضع جميع ما سبق في صينية تيفال ونضيف التوابل وكوباية زبادي وخل وممكن ليمونه أو نص براحتي واسيبها منقوعه علي اد ما تقدري وبعدين احطها علي البوتجاز وكل شوية ااقلب بمعلقة خشب (( تقريبا المعلقة الخشب عشان المكونات مش تتكسر)) واجيب بقدونس واقطعه واغسله في مصفي قرب ما تستوي احط نص البقدونس واقلب واسيبها تستوي وطبعا مش تنسوا الملح ولما تستوي ضعي باقي البيقدونس وبألف هنا وشفا يارب الفراخ المشوية – كانت مها ناقلها من منتدي تاني 2 دجاجه كامله بدون تقطيع ملح فلفل سود فلفل شطه احمر مطحون سماق الصلصه عصير ليمونتين 5 ملاعق زيت زيتون 1 ملعقه زعتر مطحون وسوف نحتاج الى فحمه واحده الطريقه نملح الدجاج ونبهره بالسماق والفلفل الاسود والاحمر نحضر قنينتين عصير فارغين صغار ونضع بهم ماء الى النصف ونقعد الدجاج على القنينه مثل الصوره القناني في صينيه بها ماء ايضا ً نضع الصينيه بالفرن على درجةحراره 200 قبل نضوج الدجاج بنصف ساعه نخلط الصلصه معاً وندهن بها الدجاج بواسطة فرشاه في هذه الاثناء نحضر فحمه ونضعها على الغاز لكي تصبح جمره مش كتير مبين على الغاز مولع بالصوره مش عارفه ليش وكمان الفحمه ما بتبين انها حمره غريب مع اني عدت الصوره عدة مرات نحضر قصدير ونعمله مثل صحن ونضع به ملعقتين من الصلصه السابقه نضع الدجاج في طنجره بعد النضوج طبعاّ ثم نضع الفحمه في صحن القصدير على الصلصه ونضع الصحن على الدجاجات ونغطي الوعاء بسرعه وهكذا يتشرب الدجاج نكهة الفحم يقدم مع السلطات والحمص الف صحه يا رب ان شاء الله هالمشاركه تنال لسي عندي كام وصفه هكلم ماما في التليفون واجي تاني ان شاء الله

السلام عليكم أزيكم يا بنات وكل سنة وانتوا طيبين بمناسبة رجب وان شاء الله نقضي رمضان مع بعض علي...

الصبر يارب :

( الحمام المحشى (دون) حمام بعدد افراد الاسرة او حسب الرغبة) . كوب أرز _ أو حسب عدد الحمام ملعقة صغيرة فلفل أسود ملعقة صغيرة ملح _ بهارات _ ملعقة كبيرة كمون . الكبد والقوانص بتاعة الحمام (بعد تقطيعهم لقطع صغيرة) بصلة كبيرة أو بصلتين متوسطتي الحجم ورق لورا _ 2 فص حبهان _ 2 فص مستكة _ 2 ملعقة كبيرة سمنة (سمن و زيت للتحمير ) الطريقة: - قومي بخلط البصل مع الملح والبهار والكمون والفلفل الأسود - قومي بإضافة الكبد والقوانص المقطعين إلى الخليط -اغسلي الأرز - ضعي الخليط كله على الأرز مع السمنة و اخلطية كويس - أبدأي بحشو الحمام واحدة واحدة من الأسفل ومن عند الرقبة فوق (بشرط انك ما تمليش الحمامة بالحشو لأن الأرز يينفش وبيذيد فى الماء اثناء السلق - اقفلى الحمام المحشي بوضع الرجلين فى الفتحة اللى تحت او خيطية بابرة و فتلة) - ضعي الحمام في ماءمغلى وبصلة صغيرة وأوراق اللورا و ملح و كمون. مع ملاحظة ان تكون الحلة كبيرة عشان لو الحلة صغيرة على الحمام ممكن رجلين الحمام يقطع الحمام اللى جنبه على النار -بعد ما يستوى نص سوا بنشيلة من الشوربة و نشوحة فى حلة تانية فيها ملعقة سمنة و الحبهان و المستكة ثم نصب عليهم الشوربه لحد ما الحمام يستوى -بعد السوى تشيلية بالراحة فى طبق لحد ما يبرد -ثم تحمرية فى مقلاية بها زيت و سمن و بالهناء و الشفا الملوخية الناشفة(( اتعملمتها من حماتي ربنا يكرمها )) المقادير راس ثوم صغيرة متقشرة و مفرومه كوب طماطم مضروبة و متصفيه كوب ملوخيه ناشفة منخوله حتى تتاكدى من نظافتها ملح وكمون و كسبره ناشفه و ربع ملعقه صغيره بهارات 2كوب مرقه فراخ او لحمه نصف ملعقه سكر الطريقه تحمير الثوم فى السمنه حتى يصفر لونها نضيف كوب الطماطم ثم نضيف الملح و الكمون و الكسبره الناشفه و نصفملعقه صغيره سكر نترك الطماطم حتى تتسبك نضيف الشوربه نتركها حتى تغلى جيدا ثم نرفعها من على النار نضيف الملوخيه بالتدريج و نقلبها حتى نصل للقوام المطلوب نقلب جيدا السمك الفيلية (( اتعلمته من اختي الكبيرة)) سمك فيلية عصير ليمون توم كسبرة و كمون وملح طماطم وبصل وفلفل شرائح هننقع كل المقادير مع بعض وبعدين نضعها علي البوتجاز واذا حبيتي تدخليها الفرن عشان تنشف زيي ما تحبي وبعمل جنبها رز سمك اللي لونه بني و سلاطات طبعا عجة قرنبيط (( حبيبة ابراهيم)) قرنبيط مسلوق 1/2 كوب بقدونس مفروم وممكن نستبدله بكسبره ملح وفلفل اسود ورشة كمون 4بيضات 2معلقة ممسوحة دقيق اول حاجة حتحطي القرنبيط في الكبة وتفرمية بس مش قوي يدوبك لفتين تحطي كله مع بعض وتخلطيهم كويس نضعها في الثلاجة الي ان تتماسك وبعدين نشكلها زيي الطعميه ونقليها في زيت غزير وسخن او ممكن نجيب طاسة تيفال ونضع الخليط الي ان يمليء الكاسة ونهدي النار الي ان تستوي ثم نقلبها وبألف هنا وشفا البطاطس البورية (( بطريقة ام عبد المنعم )) كان في حد منزلها من كام مشاركة انا قولت بس اقولكم انها معتدمة عندي البيتزا السريعه (( من منتدي تاني)) كوب ونص دقيق اقل من نص كوب زيت 1مط خميرة كوب وربع ماء 1م pb 3م حليب بودرة بيضة ذرة ملح 1 م ص سكر تخلط جميع المقادير في الخلاط(( شفشق الطماطم)) وتصب علي الدقيق وتخلط بالمضرب الشبك العجينة هتكون شبة عجينة الكيكة وبعدين نصب الخليط في صينية مدهونه ونضع التوبينج واهم حاجة مش تسيبيها تخمر داخليها الفرن علي طول الكنافة ( أماني 61) اولا حطيت الكنافه فى الكبه وفرمتها ناعم اوى بعد كده حمصتها مع معلقتين زبده لحد ما بقى لونهادهبى بعد كده طفيت عليها وحطيت اللبن المركز بتاع فراشه وقلبتها لحد ما بقيت زى العجينه كده وسيبها تبرد شويه بعد كده شكلتهافى قوالب التلج وطيت جوه كل مكعب بندقه وكرميل كنت عملته وبعد كده حطيت المكعبات فى الفريزر نص ساعه لحد ما مسكت وشلتها من لقالب وحطيتها فى ورق اكب كيك وكانت روعه جربوها يا بنات بالنسبة للكنافة (دون) هاتى كنافة برما حتكون عبارة عن خصلات طويلة _ مكسرات مفرومة او فستق صحيح _ شربات _سمن سائح. شيلى بالراحة خصلة رفيعة و حطيها امامك مفرودة . بالفرشاة ادهنى الخصلة بالسمن السائح بطول الخصلة . ثم ضعى صباعك الكبير التخين على اول الخصلة و ابدئى ليفى الخصلة على صباعك بمساعدة الصبعين اللى جنبه لحد ما حتتكون عندك دائرة بشكل عش العصفور و هكذا حتى تعملى العدد اللى انتى عوزاة مع مراعاة ان الخصلة اذا كانت طويلة قوى تقطعيها بالسكينة ثم ارصص وحدات العش فى صينية مدهونة بالسمن و بايدى اضع داخل كل عش كام واحدة فستق او شوية مكسرات امسح بالفرشاة بالسمن على كل وحدات العش و ادخلها الفرن لحد ماتحمر اخرجها و اسقيهم بالشراب البارد و بالهنا وفي الكنافة العادية اتعلمتها برضه من حماتي ربنا يخليهالي ويكرمها دايما يارب بنجيب طاستين وممكن تسخدمة صينيتن طبعا بس هي علمتني في طاستين عشان مش اتلسع :42: هههههههههههه اول واحده بنفرد فيها شوية كنافة وطبعا نكون حاطين سمنة فيها وبعدين نضغط علي الكنافة بايدينا وبعدين نضع الحشو ونضع النص التاني بتاع الكنافة وخلي بالك مش تكتري الكنافة عشان مش تتطلع كتير ومكتومة يعني طبعا علي مقاس الطاسة او الصينية وتقعدي تلفي فيها بكف ايديك عشان تتحمر من كل الجوانب وفي نفس الوقت تضيفي سمنة من الجوانب وهكذا وتبصي كل فتره علي القعر وتشوفيه استوي ولا لأ وبعد كده لما يستوي تروحي جايبة الطاسة التانية وتقلبي فيها الكنافة وتعملي نفس اللي عملتيه في الطاسة اللي فاتت وطبعا موضوع السمنة محدش يتخانق معايا فيه هي لازم تكون تقيله انا ماليش دعوة وبعد كده تسقيها بالشربات وتغطيها كويس عشان تفضل طرية حتي بعد ما تاخدي منها برضه خليها متغطية يارب اكون وصفتلكم كويس ويارب تعجبكم معلش كل الحلويات عندنا كنافة وبس برضه لان جوزي مش بيحب غير الكنافة :angry: وأي أكله بتتكون او تحتوي علي بطاطس لازم اعرف اعملها ان شاء الله ومعتمدمه من غير ما أعرفها حتي لان جوزي مش بياكل اي نوع من الخضار غير البطاطس وبس ده انا هضرب هضرب من ابله دينا بسبب الكنافة والبطاطس ههههههههه أبله دينا سامحيني مافيش صور واسمحيلي اذا قدرت انزلهم في وقت تاني منفصلين

( الحمام المحشى (دون) حمام بعدد افراد الاسرة او حسب الرغبة) . كوب أرز _ أو حسب عدد الحمام ملعقة...

don :

طب قوليلى لما تعرفى وانا اقولك تخمينى انا كمان صح ولا لأ؟يمكن يطلع زى تخمينك:42: يارب مننحرمششششششششششششش:42: انتى فين يا رشااااااااااااااااااااااااااااااااااااااااا اكيد خلصتى ربنا يقويكى معلش ضريبة الجواز :icon28: الحامل لسه موجود يا رشا والسمبوسك طول السنة :42:يلا الهمه لا طبعا تضربى لية يا اسماء ؟؟؟؟؟ وبالف هنا وشفا عليه البطاطس والكنافه:arb: يا بناااات ممنوع منعآ بااااااااتآ بااااااااااتآ وضع اى وصفات من البطاطس والكنافه:icon28::icon28:

طب قوليلى لما تعرفى وانا اقولك تخمينى انا كمان صح ولا لأ؟يمكن يطلع زى تخمينك:42: يارب...